خلود بنت العتيبي :

تعالو قربو قهوتكم بعلمكم ولادتي🤭💔 انا من شربت القرفه واحس بطلق واشوف دم تكرمون وكل شوي اقول لين يشد لين يشد ويوم زاد وصار كل خمس دقايق قلت يله وسبحان الله كنت ناويه مع زوجي لكني عند اهلي وهو بالدوام وقلت خلاص ماراح اعلمه ويوم وصلت الساعه عشر الليل يوم الاحد رحت للعسكري وانا ادخل متحممممسه قلت اكيد خمسه سم ويدخلوني ويركبون تخطيط الجنين قالو نايم ي مدام ويحطون مغذي وقالو فيه بالجهاز طلق منتظم ويقيسووون قالو ٢ ونص😩💔 كل هالالم و بس ٢ مااصدق قالت ماتطلعين الدم تكرمون كثير قالو اجلسي وبنقييس بعد شوي ويجلسوني لين خمس ونص الفجر وانا ادور بالممر واتلووى وادعي وجاني الطبيب قلت تكفى ابي عمليه انا لي كم يوم طلوق بس ماانتظمت ويوم انتظمت مافتح الرحم انا حملي عزيز وابكي قال موافق بس اهم شي الجراح يوافق ويدق عليه ويجيني الجراح قال هذي حملها عزيز وتبي عمليه والطلق مبين بالجهاز منتظم ومعها دم لكن الرحم مافتح طبعاً بالانجليزي يحسبون مافهم عليهم قال لا مستحيل ياخلود عمليه انتظري بيفتح الرحم قلت لا تعبت والجنين بيتعب حرام عليكم عمليه حل لي وللي ببطني ويرفض رفض تام وقال روحي للقابله تقيس الحين ونشوف قلت انا واللي في بطني في ذمتك ليوم الدين ان صار لنا شي من قرارك واروح تقيس قالت ٤ سم💔💔💔 قال خلاص انقلوها من الطوارى لغرفة الولاده ويحطوني بالعربيه واروح لهم ويركبون طلق صناعي ويعطوني ابرة الظهر لكن ابرة الظهر مااشتغلت صح تخيلو خدرت الجهه اليمين واليسار احس فيه خف الالم شوي بس باقي احس من الجهه اليسار ويخلص شفت الليل ويجوني اطباء الصباح وممرضاته ويرجعون يقيسون من جديد ويوم جت الساعه تسع الصبح ويوصل ٧ سم لكن النبض بدا يتعب قالو بنقيس قلبه من راسه بندخل سلك يقيس نبضه ويدخلونه يابنات💔😩 ويخلون اللي ببطني يقيس الطلق بس وانا حيلي انهد خلاص يومين طلوق والساعه ١١ ونص الظهر من يوم الاثنين وصل تسعه ويجون قالو لازم يطلع ضعف نبضه ادفعي بدون طلق او بنحولك عمليه وانا اتحسب على اللي رفض العمليه وكل ماضعف النبض قالو عمليه عمليه واذا زان نبضه قامو يعصرون بطني عشان يطلع ويوسعون لي ومابقى طبيب بالمستشفى مادخل يده المهم ويجيبون جهاز الشفط ويسحبونه مع اذان الظهر الحممد لله ويغسلوني ويخيطوني وهو راح للعنايه عشانهم جرحوه بالجهاز وبس والله الله يشفي وليدي ويرده لحظني عاجلا غير اجل دعواتكم لي بهالايام الفضيله

تعالو قربو قهوتكم بعلمكم ولادتي🤭💔 انا من شربت القرفه واحس بطلق واشوف دم تكرمون وكل شوي اقول لين...

خلود بنت العتيبي :

بخصوص تجربتي بالعسكري اول ماتجين تروحين طوارى الولاده فيه فلبينيات وافريقيات يستقبلونك اول ماتجين يلبسونك ويقيسون الطلق وقلب الجنين ويشوفون الرحم كم فاتح اللي تصارخ يعصبون عليها لكن اللي تتعاون معهم يحبونها وتكون معاملتهم عسل للامانه بعدها تدخلين على الطبيب ويعلمك ولاده او تطلعين يوم اجيهم مافيه الا ٢ وانا الثالثه هدوء مره اذا فيك ولاده يخلونك عندهم لين يوصل الرحم ٤ او ٥ سم بعدين يودونك لغرفة الولاده غرفة الولاده انتي فيها لوحدك والقابله جالسه عندك ماتتحرك ولا تطلع يمر كل شوي طبيب او طبيبه يتطمن على انتظام الطلق ونبض الجنين ويطلع اذا جت الولاده الفعليه يتجمعون عليك ويساعدونك دخل قابلات سعوديات وكانو يمسحون راسي ويقرون علي لكن دخل طلبة اخر سنه طب ووقفو ورى يشوفون الولاده😱🙈 وانتي بوضع ماتقدرين تقولين اطلعو كانو بين شباب وبنات وللامانه كانو واقفين اخر الغرفه يوم خلصت غسلوني وخيطوني ونفسياتهم تجنن ويباركون لي كلهم لما طلعوني للغرفه كانت مشتركه جابو لي حليب حار وقطعة كيك الغرفه وسيعه ونظيفه خلوني ارتاح اربع ساعات وجتني الممرضه وقومتني لدورة المياه تكرمون وتمشيني شوي شوي ودخلت معي الحمام وقامت تغسل الله يكرمكم الدم اللي برجولي ووقفتني وتسبحت لبستني وطلعت معها للسرير كل مادقيت الجرس جتني تركض ماشاء الله كل مابغيت دورة المياه ساعدوني يجيبون علاجي بوقته اكله وكل شوي تمر عليك عامله تقول مدام تبين شاهي او حليب وتعطيك اذا تبين الاكل تجيب فلبينيه تختارين وش فطورك وغداك وعشاك وكان نظيف ولذيذ يعني عنايتهم تهبل ماشاء الله لكن انا ولادتي تعسرت والمفروض وافقو على العمليه بدل مايجرحون ولدي ويسببون له مشاكل صحيه واي سؤال انا حاظره

بخصوص تجربتي بالعسكري اول ماتجين تروحين طوارى الولاده فيه فلبينيات وافريقيات يستقبلونك اول ماتجين...

Maai otb :

مساء الخير شلونكم تبارك الله غبت شوي وجيت الا البشاير هلت مبروك مبروووووك لكل وحده ولدت بالاسم عسوله .. خلود.. امتنان .. عذبه .. سوف اصبح ام .. ملاذ .. ندوشي.. ام الامال.. سارا .. ريد فلاور .. جوجو .. حلمي الجنه .. والمعذره اخاف نسيت احد ♥️ وحشتوني واشتقت لسوالفكم شكل محد فقدني😡😡 انا وضعي ماش عيالي تعبوا طهرت البيبي وبعدها جته حراره والحين التطهير فيه زي الكدمه ومو معجبني وضع وليدي الحراره واحتقان معه تخيلوا النتفه والكبير معه نزله ولكم ان تتخيلوا التعب الجسدي والنفسي وربي مانام منهم واحد يصيح من التعب وواحد يستفرغ واسهال تكرمون اغسل ذا وامسك ذا😭 مع ان امي معي ماتقصر بس تعبنا انا وياها ماننام منهم وبودي ولدي الصغير يشوف الدكتور تطهيره زين او لا يارب سهل الامور وربي نفسيتي تعبت ومالقى وقت ادخل عشان كذا غبت عنكم

مساء الخير شلونكم تبارك الله غبت شوي وجيت الا البشاير هلت مبروك مبروووووك لكل وحده ولدت...