طبعا كل الي بقوله صدق وربي شاهد إن شاء الله علي كلامي لاكن انا نزلته عشان الكل يستفيد ان شالله
اول شي انا زي اي بنت كنت اتمنى زوج فيه كل المواصفات الي احلم فيها بالنسبة لي انا كنت اتمنى زوج يكون حنون علي يرحمني يحبني بجنون مايبخل علي بشي صادق معي ماهو حق خرابيط ومكالمات
كل الي تقدمولي لما اصلي صلاة الاستخارة ماكنت ارتاح او اكون عارفه الشاب هذى وسمعته مو زينه المهم كنت ارفض في كل مره يتقدملي فيها احد لين اهلي شكوا انه في عين ولا مس ولا شي ولا انا عدت صغيره عمري صار 27 سنة وانا ارفض
المهم تقدملي واحد وبعد استخرت ثلاث ايام ومارتحت جتني ضيقه وكآبه وقلت لامي مابيه خبرت الوالد واخواني
هم عصبوا وجا اخوي وسمعني كلمة جرحتني لاكن انا عاذرته ومسامحته لانه خايف علي وعلى مستقبلي فقالي وهو معصب
" انني مفكره ان مافي بنت بهالكون حلوه غيرك قربتي الثلاثين وبتعنسين وانتي تشرطين فضحتينا بالناس "
والله كلمته هذى اجرحتني بقوه ووحطمتني
طبعا الكلام هذى كله المغرب كان وجلست بغرفتي افكر وسألت نفسي لمتى ارفض لاكن انا مابي اتزوج عشان الناس تقول اتزوجت وبس وانا مو مقتنعة ,,,
جلست بيني وبين نفسي وقلت انا خلال هالاسبوع بكون مخطوبه ومن الشخص الي فيه كل المواصفات الي ابيها انا متأكده ومتيقنه وثقتي فيك ياربي كبيره وقلت باستغفر بنية الزواج من الشخص الي اتمناه ولا حد يقولي يابنات بدعة ومادري شنو انا مشيت على الايه الكريمة
"" وان تستغفروا الله يغفر لكم ويرزقكم بأموال وبنين "
وسبحان الله كانت نفسيتي جدا مرتاحه وعندي ثقه كبيرة كبيره كبيرة بالله انه مايخيب ضني ابدا ووالله كان احساسي كبير بهالثقه لان الله عند حسن ظن عبده به ..
لما جا الثلث الاخير من الليل صليت ودعيت ربي بالسجود كثير وبكيت وخشعتله واستغفرته عن ذنوبي جميعها لاتبكين عشان مشكلتك لا ابكي من خشية الله وهذا الي انا ابكاني بكيت من خشيته واستحضرت قوته وقدرته سبحانه استغفرت عن كل ذنب اذنبته صغير كان او كبير ودعيت باسمه الاعظم الذي اذا دعي به اجاب بأذنه
"" اللهم اني اسالك بأسمك الاعظم الذي اذا سألك به احد اجبته واذا استعانك به احد عنته واذا استرحمك به احدا رحمته اللهم اني أسالك واشهد بأنك أنت الله الواحد الاحد الفرد الصمد الذي لم يلد ولم يولد ولم يكن له كفوا احد اللهم اني اسألك يا ارحم الراحمين ان ترحمني اللهم يا أرحم الراحمين ارحمني اللهم يا ارحم الراحمين ارحمني .. وتسألين مسألتك " ثلاث مرات لان الرسول عليه الصلاة والسلام اذا دعا دعا ثلاثا ,,
طبعا الدعاء طويل الي كنت اقوله تفتتحينه بذكره الله والثناء عليه والصلاة والسلام على الرسول عليه الصلاة والسلام وتختمين بمثله ..
بعد الصلاة " سبحان الله وبحمده 100 مره والتهيليل 100 والصلاة على الرسول 100 والاستغفار ماله نهاية
طبعا يابنات لاحد يتقيد انا ذكرت الي سويته بس انتوا اعملوا مثله او اكثر منه او اقل مو شرط تتقيدون بمثل ماسويت اهم شي النيه الصادقه والثــــــــــــــــــــــــــ ــــــقه بالله وحسن الضن والندم على المعاصي والتوبه منها خوفا من الله وليس لشيء اخر
في الصباح بديت يومي كله وانا استغفر ماكلمت احد اذا كلمني كلمته ورديت استغفر واستغفر واستغفر لين اذن المغرب وصليت دخلت علي امي وقالت ام فلان كلمتني عنك وتبيك لولدها بس الولد طالب يشوفك شوفه شرعيه قلت اوكي طبعا جو عندنا بالبيت بعد ساعة بحكم انهم اقارب ونعرفهم
دخل الرجال وجلس مع امه واخوي ناداني ودخلت انا وسبحان الله اول مادخلت زي الثلج حسيته نزل علي وحسيت بسعاده اول مره احس فيها جلست خمس دقايق شافني فيها وشفته وطلعت بالليل صليت صلاة االاستخارة ونمت ولأول مره احلم بعد صلاة الاستخارة وكان المنام الي شفته جدا رائع وارتحت نفسيا لما صحيت وخبرت امي اني موافقه عليه انبسطت وخلال اسبوع وانا متملكه عليه وبحكم انه صار زوجي كلمته وشفته وجلست معاه ربي اعطاني كل ماترجيته ودعيته زوج كنت الي احلم فيه حنون كريم طيب يرحمني ويحن علي واخلاقه ممتازه ,,
احلفكم بالله تذكرون الله وتقولون ماشاء الله انا ذكرت تجربتي عشان محد ييأس ويقول مستحيل احلامنا تتحق ,,,
والحمدالله انا متزوجه منه الحين صارلي كم شهر وبسعاده ولله الحمد اوله واخره
يابنات الاستغفار الاستغفار الاستغفار والاقلاع عن الذنوب والتوبه توبه نصوحه لوجه الله لما تبكين ابكي من خشيتة الله وقوته واقرأي سورة البقرة انا كنت اقراها اقل شي يومين باالاسبوع ,,,
وأهم شي الثـــــــقه بالله الثقه الثقه الثقه وحسن الضن فيه والله لو تدعين الليل والنهار وانتي في قلبك ذرة شك بالله او قنوط مايستجاب دعائك ليش لان ربنا بيقول انا عند حسن ضن عبدي بي ؟؟
وبالنهاية الله يرزقك كل بنت الزوج الي تحلم فيه ويرزق كل زوجه الذرية الصالحه اللهم أمين
منقوووووووووووووووووووووووووووول
__________________
ان شاء الله اجي ابشركم قريب
والله كلااامك كله صح واتمنى الكل يستفيد....