موضوع مميز واكثر من رائع
انا قبل ست سنوات او سبع درستنى معلمه فاضله معلمه فنيه بالثانويه الثامنه بمدينه الطائف
اسمها نجاة اللحيانى
ارسل لها سلامي واعتذر عن كل مابدر منى قدمتى لى الكثيرر
واحب ان ابلغلها انى لازلت اذكرها بكل خير واتمنى مقابلتها
طالبتك المحبه لك
غزل2000
•
شادن55 :
الست ماما خالديه وبس جويرية الإسلام vox555 فجر السعاده فراشة حواء ............ أسعدتني ردودكم والله يجزآكم خير يآرب ويسعدكم ويآرب تلتقون بهم ..الست ماما خالديه وبس جويرية الإسلام vox555 فجر السعاده فراشة حواء ............ أسعدتني ردودكم...
انا ابحث عن صديقه لي اسمها نوف عبدالله ابو جابر وسميت بنتي على اسمها بليز اللي يعرف عنها شي يكلمني .. :27:
شــجـــن :
الله على الذكريات الحلوة صديقاتي بالمتوسطة 45 بالرياض سارة العبيد منى العامر آمنة اللحيدان وبالثانوية 32 هيلة الريس وغالية المسند في التربية الأدبية ياليت تجمعنا الايام من جديدالله على الذكريات الحلوة صديقاتي بالمتوسطة 45 بالرياض سارة العبيد منى العامر آمنة...
اهلين شجن الظاهر انت من دفعتي لاني كنت في 45و32 واذكر وحده اسمها امنه اللحيدان واذكر في الثانوي هيله الريس لها بنات عم بس كانت هي غير الله لايضرها انا اسمي نجلاء كنت من الدفعه اللي راحت للمتوسطه104 مع المراقبه محاسن يازين ذيك الايام انا تخرجت من الثانويه سنة 1418 تقريبا
شــجـــن
•
هلا وغلا بنجلاء مو معقووووول
تدرين عرفتك من يوم قريت اسم دينا الوهبي
جيت برسل لك على الخاص بقولك من أنا بس الرسايل مو مفعلة عندك مدري ليش يمكن عشانك عضوة جديدة
وصعب أقولك من أنا هنا بالعام
الله على الذكريات وياحلو الماضي
والله أحلى صدفة يوم شفتك هنا بالمنتدى
العجيب بالموضوع إني درست معك الإبتدائي بعد من ثالث لسادس
وبسادس أذكر كنتِ بالصف الأول على الطرف حول الباب وأنا اللي جنبك:35:
وبثالث ثانوي مدري ثاني ثانوي كنت قدامك
صار لغز
إذا ذاكرتك قوية بتعرفيني
تدرين عرفتك من يوم قريت اسم دينا الوهبي
جيت برسل لك على الخاص بقولك من أنا بس الرسايل مو مفعلة عندك مدري ليش يمكن عشانك عضوة جديدة
وصعب أقولك من أنا هنا بالعام
الله على الذكريات وياحلو الماضي
والله أحلى صدفة يوم شفتك هنا بالمنتدى
العجيب بالموضوع إني درست معك الإبتدائي بعد من ثالث لسادس
وبسادس أذكر كنتِ بالصف الأول على الطرف حول الباب وأنا اللي جنبك:35:
وبثالث ثانوي مدري ثاني ثانوي كنت قدامك
صار لغز
إذا ذاكرتك قوية بتعرفيني
الصفحة الأخيرة
انا منشغل بالي على وحده اسمها دينا الوهبي
خواتها الكبيره مي والصغيره نوف
لها اخوين اكبر منها واعتقد واحد اصغر
اصلهم من اهل المدينه وهم حروب
درست انا وهي في الرياض حي الربوه الابتدائيه146
والمتوسطه45
والثانويه 32
بس هي دخلت علمي وانا ادبي
ولاكملت معي في نفس المدرسه
نقلت لمدرسه اهليه
وبعدين دخلت جامعة الملك سعود
كانت تتمنى الطب بس اعتقد دخلت ادارة اعمال او حاسب والله ماتذكر
ودامت صداقتنا حوالي10 سنوات بس بعد الثانوي خفت اتصالاتنا
بس يشهد الله غلاها ماخف بنت حبيبه عندها اطهر قلب عرفته
المهم افترقنا 12سنه من بعد التخرج من الثانويه عام1418 تقريبا
الى السنه هذي1431
اللي خلاني ابحث عنها اني شفتها كم مره في الحلم بس شوفه
وانشغل بالي عليها كيف بعد 12سنه تجيني في الحلم ياعساها بخير دايم وياعسى كل من تعز طيب
المهم اني حاولت اوصل لها عن طريق 905 بس الرقم غير معلن
حاولت اطلع رقم بيت اخوها الكبير برضوا غير معلن المهم اذا انتي يادينا شفتي الموضوع اواحد يعرفها فانا نجلاء بيت اهلي هونفسه ماتغير بالربوه والرقم معلن تكفون بلغوها سلامي وانشغالي عليها ياريت من يطمني عليها اوياريت تكون ذاكرتني ومازال لي معزه عندها وتحاول تتصل فيني