انا بعد ابخر حتى وانا بالنفاس وحتى اللي يقولون تسنين وماتسنين ماعترف بهالاشياء وماشوف اولادي يتضررون الحمدلله من البخور لكن اتجنبه في حال كان عندي طفل مريض بالزكام او اللوز مع ان زوجي يزعجني ولو اجلس يوم بدون مابخر يقول لك اسبوع مابخرتينا صح انا وقت الدوره والنفاس احاول استخدم بخور يكون خفيف مو ثقيل


اتذكر خالتي زوجة ابوي تخلي البيت ماتقدرين تشوفين قدامك من البخور واولادها كلهم مافيهم الا العافيه الا واحد تعب صدره والحين رجال ومعه كحه مستمره عاد مدري بسبب البخور ولا من شي ثاني

لا مافيها تفلسف من الناس
دكاتره يحذرون منها
مو الناس اللي تقوله

انا دكاترة الاطفال
ودكاتره انف اذن وحنجره كل ماجبت عيالي اذا تعبوا يحذروني من الروائح يقولون ابعديهم عن العطورات والروائح بانواعها وحتى الطبخ


الروائح بانواعها تسبب حساسيه لصدر الاطفال
لانه جيوب الانفيه تبع الاطفال مره حساسات وصدورهم مره حساسه

مو زينا اللي يقولون عادي لا والله تتفاوت الجيوب الانفيه عند الاطفال بعضهم يخلقهم الله من الولاده عنده الجيوب الانفيه مره حساسه ورقيقه واول ماتجيه الريحه يتاثر وتنصدم الاغشيه فتصير حساسه لانه ماحافظت امه عليه بوقت النفاس ولحد عمر سنه اقل شي يجب ابعا الطفل من للريحه

كذا قالي الدكتور
كنت حامل بولدي وجايبه بنتي كثييييير تتعب من حساسية الصدر اتعبتني حيل بسرعه تنعدي وبسرعه تزكم وخشمها على طول ينزل من شدته وهي بشهرين اذا زكمت ينزل ينزل خيوط دم مع الاقرازات من خشمها
وكذا دكتور اطفال يمرون عليها يحذروني من المطهرات والعطور والبخور بدون شرح
لحد مالقيت دكتور اطفال هو من قام يشرح لي يوم شافني حامل ولا حتى سالته قالي اذا جبتي المولود الجديد تجنبي العطورات مهما كانت خفتهم تجنبي الروائح ولا حتى ماء ورد
ابعدي المولود عن العطورات والروائح اغشيتهم وجيوبهم الانفيه جدا حساسه من بعد الولاده لانهم جاييين من وسط محمي من الروائح الجميله والقبيحه
فلازم نحميهم من العطورات والغبار وحتى الطبخ ياثر
مو يعني عطر زين ريحته معناته ماياخذ والدخان ياثر لا حتى العطر تاثيره اشد على الطفل من الدخان

حرصت ولدي مايقربه عطر ولا ملابسه
بس لينور بثيابه ولينور الابيض اللي عليه صورة بيبي ولا اكثر للنعومه بس

الحمدلله والله اني ارتحت معه مو زي اخته اخف منها ماتعبني زيها الحين بدت مشاكل الحساسيه مع الجو كل عيالي حساسيه من دخلنا محرم بس بنتي البكر خشمها اشد حساسيه من اخوها

اذا تتنظفون البيت يكون الطفل بمكان ثاني مسكر عليه نظفي البيت وبخريه لحد ماتخف ريحته تصير ريحة البيت هاديه

اذا الطفل مزكم وبدت عليه اعراض الزكمه ابعدي نهائياً عن العطورات والبخور والمطهرات
جاني مقطع فيديو لدكتوره تقول نظفوا البيت بمويه بدون مطهرات اسباب الحساسيه عند الاطفال والكبار بسبب المطهرات ذوات رائحه عطريه
يكون الطفل توه مزكم
او ماله الا ثلاث ايام متشافي من الانفلونزه تجي تستخدم مطهرات وروائحه وتحشر ثدره وتسبب له حساسيه مع هالعطورات والمنظفات

ولد صديقتي عندها طفلين واحد الحمدلله بخير الثاني اتعب امه من حساسية صدره المسكين تقول اذا غبار الجو ينكتم والعطورات تكتمه لازم اذا جاء غبار بالبيت حالة استنفار ولا انكتم تنظيف وتعقيم من الغبار تقول حتى ريحة الورد تثير حساسيته مره حساسه صدره

لذا اللي تقول عيالي مافيهم شي اسوي افعل
حبيبتي هذي مو منك هالحسنه يعني معودتهم على العطور مو تعويد هذي خلقة ربي لعيالك هو خلقهم اغشيتهم وجيوبهم الانفيه تتحمل هالروائح ولعلمك لاتكونين على ثقه تامه انه راح يضل طوووول عمره صدره وخشمه ماراح يتاثر
لا راح يتاثر مع الوقت فنتبهي لهم ولا تهملين هالنقطه
لانه كثر تكرار الشي مع الوقت مايقوم بالعمل المطلوب
زي وحده من الاخوات تقول صار صدري مايتحمل العطورات والروائح وهي كبيره مو طفله
الجيوب الانفيه ماتصيب الا بعد فتره والسبب كثرة اللي يجيها من مؤثرات

اذا تتعطرون عيالكم بخي ثابهم قبل يلبسونه وخليه يبرد بثوب ثم لبسيه
خففي عليهم الريحه

اذا الطفل سليم ومافيه شي
عادي بخري واتعطري
بس لاتبخري بالمكان اللي هي فيه
لكن في اطفال يتحسس صدرهم فالافضل تقللي من البخور والعطور
وكمان لو الطفل تعبان عنده كحة او مزكم
لاتبخري ولاتتتعطري عنده
لانه تزيد مع الروايح القوية

بخري عادي بس اهم شي الغرفه الي فيها بنتك لاتبخرينها ولاتخرجينها لين الدخان يطلع

كمية وساااااااوس وهوااااايل بالتعليقات !
اذا اطفالك يتحسسون لاتبخرين إلا غرفة نومك ..
واذا مايتحسسون عادي بخري البيت كله , وان شاء الله ماعليهم إلا العافيه
شقتي ابخرها مرتين باليوم غير الفواحات والشموع المعطره والحمدلله ولدي طيب من فضل ربي