تبغون تعرفون ليش سميت نفسي بهاللقب(طفله بعيونه)

اوﻻ بسم الله الرحمن الرحيم
السلام عليكم--رد السلام واجب♡

بحاول قد ماأقدر اختصر ...
احس اوقات زوجي يعاملني كأني بنت صغيره ومرات يقولي انتي طفله انتي طفلتي...بالرغم ترى هو اكبر مني بخمس سنوات يعني مو هذاك الفرق ... ليش اني اتزوجته وانا عمري 18 والحين عمري 23 يقهرني ينرفزتي اذا قال قال هالكلمه ﻻ واللي يقهر اوقات يعاملني كأني طفله منجد..مثلا يقولي ها ليش ماقصيتي اظافرك يلا قومي قصيها وﻻ ترى اقصها لك .. وﻻ هذاك اليوم طلبته من هرفي وقبلها كنا نمزح وخمشته باظافري بدون قصد وطلع شووية دم مرره خفيف قام قلي قومي قصي اظافرك وﻻ ترى هاه مافي هرفي...ااخخ قهرني وش سلامات كاني طفله من جد عنده قمت قلتله لحظه خير وش هالالسلوب كاني بزر عندك قال مالي شغل تقصين اظافرك اجيبلك من هرفي...... (((فيس يبكككي....

الشغله الثانيه انا ساكنه بعيييد عن اهلي واهله بيني وبين اهلي تقريبا 850كيلو... وماأعرف احد ﻻ جيران وﻻ معارف واللي مضايقني زوجي مو اجتماعي ابدددد يعني علاقته بزملائه تنتهي عند باب الدوام ووبس .. بس كم مره تعرفت على ثنتين من زوجات اصحابه يجوني كم مررره وانا وﻻ مره جيتهم اقوله يافلان عيب خلنا نرد الزياره لو مره يقول عادي عادي مو ﻻزم والنتيجه ايش قاطعووووووني .... ااه ياقلبي انا وحيده واهلي ازورهم تقريبا كل 4شهور عشر ايام وﻻ ومقسمه بعد بين اهلي واهله اووووف..وازيدكم من الشعر بيت مايمشيني وﻻ يطلعني حدنا كل شهرين مره نتعشى بمطعم ونجي ......
وفوق كذا مشااااكل تااافهه تخيلو روتين قاتل ماتشوفين بشر وﻻ تسولفين وتطبخين وتنظفين وانتي منطمه وماتطلعين وﻻ تفضفضين وﻻ تدرسين نظفي واشتغلي وانتي سااااااكته الحمدلله على نعمة الصحه يارب والعافيه.....
واللي مقطعلي قلبي ولدي يحزززززن تخيلو من قلة مايطلعه ابوه ويمشيه يخاااف من المطر واوقات يخاف من التراب ومايحب يمشي عليه اﻻ بجزمته وانتوا بكرامه ويحززني ماغير حاط حرته فيني يضربني ويشد شعري وصايررر عنيييييد ..... الله يكون بالعون بس....
كذا مره كلمته قلتله حرام عليك طلعنا مشينا خلنا نشوف الدنيا على الاقل عشان هالولد المسكين ... واحسه يتأثر بس فيه كسسسسسل فضييييع هالانسان يحب يكون مقابل التلفزيوون ويناااام وياااكل وبس......

ومشكلتي الرئيسيه ...انه كل بين فتره وفتره يهدد بالزواج بثانيه ... المشكله مو هنا المشكله ان وراه اب يعززله تخيلو مره صاررر موقف تااافه مايسوى ابددد وشي بيني وبين زوجي وتفاهمنا وقتها وتصالحنا وكنا وقتها عند اهله المهم مدري كيف اتسرب الموقف له راح قال لزوجي اسمع اذا مانت مرتاح مع زوجتك انا راح ازوجك وادفع كل تكااليف الزواج... حسبي الله عليه ونعم الوكيل الله ﻻيحلله وﻻ يسامحه.... بعد فتره قالي زوجي انا مدري ليه ابوي قال كذا الله يسامحه ... عاد رد زوجي عليه قاله ﻻ يابوي ﻻتقول كذا انا مرتاح مع زوجتي والدنيا ماتخلى من المشاكل...
اللي مخوفني انه قالي مره ان ابوه مرتين كلمه بهالموضوع وزوجي يرد عليه نفس الجواب .. ياربي اش يبغى هذا الله يشغله بنفسه...
ومرات اذا صارت مشاكل بيني وبين زوجي يقول بكل ثقه ترى اوديك لاهلك احس خلاص واثق ان ابوه وراه وماعليه مني ازعل وﻻ مازعل وااحد عارف انه اذا ﻻسمح الله صارت مشاكل كبيره ان ابوه بيوقف معه ويزوجه ...الله يكقينا شره
عاد زبدة الموضوع اني انا بعيده عن اهلي ومكبوته ﻻ طلعه وﻻ زياره وﻻﻻﻻﻻشي ....
عاد الحين هو مبرطم وماد بوزه عشره اشبار على توافهه كالعاده...دعواتكم...

(انما اشكو بثي وحزني الى الله)...♥....

رقي العضوه بردها .....
بعيدا عن التجريح والاستهزاء#...