كثير منا يجمل بيته بالنباتات الداخلية الي صراحه تفتح النفس وتبعث في البيت الحيوية :)
بس احيانا تكون النبتة متضايقة في إصيصها ،واحيانا نشتريها من المشتل وتحسين النبتة تبي تنفجر من الزحمة :22:
في هذي الحاله اتبعي احد الحلين:
1- إنك تغيرين إصيص النبتة لإصيص اكبر .
2-تقسمين النبتة الى اكثر من اصيص .
الحل الأول سهل ماعليك الا انك تحطين شوي تربه في الإصيص الجديد وتمسكين النبتة بيد والإصيص بيد ثم طقطقي الإصيص بالأرض بخفة حتى تطلع النبتة وبعدها حطيها بالإصيص الجديد واضيفي لها التربة واضغطي التربة بخفة وأخيرا سقي النبتة.
الحل الثاني ممتع بتوفر هذي الأغراض:
*مقاسات مختلفة من الأواني والإصيصات
*تربة وتتكون من:
1-البيتموس(لونه اسود وعادة يكون معبأ بأكياس وفيه شوي رطوبة)
2-البيرلايت(لونه ابيض كأنه فلين)ووظيفته تهوية التربة والإحتفاض بالماء.
نسبة خلط التربة خمس مقادير من البيتموس الى مقدارمن البيرلايت.
يفضل انك ترشي الجذور بالماء كي ماتجف،احيانا تتقطع بعض الجذور عادي بس لايتقطع كثير
بعد ماتقسمين النبتة حطي كل جموعة في إصيص مناسب ، بعدين عبي الإصيصات بالتربة وإضغطي التربة على خفيف
على فكرة اسم هذي النبتة بوتس حبوبة جدا ماتحتاج عناية كثير اسقيها مرة في الأسبوع وفي الحر الحر مرتين ،وإذا ما أسقيتيها ماتزعل.
احيانا تكون النبتة طويلة مره ممكن تقصين الغصن الزايد بعد العقدة بنصف سم وتحطين الغصن الجديد في كاس اوفازة فيها ماء، وممكن تحطينها على المغاسل او المطبخ او دوراة المياه،حتى يطلع لها جذور ثم تحطينها في التربة.
واخيرا آسفة على الإطالة لكني اتوقع ان الموضوع يكون كامل احسن.
والعذر والسموحه بس هذي اول مشاركة لي:26:
واشكر الأخت **سكر ذرة ** لأني منها تعلمت كيف احمل الصور.