حبيباتــــــي :41:
حسيت الكل يسأل عن القهـــــوه السنعه
وغالي والطلب رخيص ..... أوعدك ما يغلبك أحد بقهوتك إذا طبقتي القواعد الي بقولها لكم ....
تعتمد القهوه في لذتها وطعمها على أساسيات
- تكون القهوه بريه يمنيه ويا حبذا أحسن الانواع الي هو البن اليمني ( الهرري )
- الهيل مطحون في نفس اليوم ليحتفظ بقوه النكهه
- الزعفران من أجود الأنواع الإيراني .. ويعرف بريحته القويه الرائعه ولونه الأصفر
واللحيـــــن فتحي عينك للطريقه التي تبدأ من البن ...
تحمصين البن مع الشيبه والمستكه وتطحن سويا .....
أنا بصراحه أحمسها بالمحل قدام عيني ... لأنها تجيني من مكان مخصص أتعامل معه
وممكن من نفس المحل بس تنطحن قدام عيني وهو عاد يقدر المستكه والشيبه ويكون عارف بالشيء هذا
ولما يخيرك بدرجه اللون قولي الوسط .. مو غامقه حيل ولا فاتحه كنها حليب
خلاص لحد اللحين ماشين تمام .....
طحنا القهوه ... عاد الله يعينكم على الريحه الي تهبل
يسير فيها ريحه تهبل اذا كان توها انطحن
.........عاد حطوها بالفريز .. لتحتفظ بنكهتها وجودتها
نجي لإعداد القهوه ........
ضعي في براد القهوه ما يلــــــي
4- كاسات ماء
2- ملاعق بن هرري
قطعتين زنجبيل أخضر طازج مدقوقه دقه واحده بأي أداة قويه ... عني أدقها بيد النجر حق الوالده
ما أقسمها بس أدقها عشان يتخللها الماء وتطلع الماده الي فيها
ممكن زنجبيل مطحون نصف ملعقه لكن الطازج أزين ....
وترفعين النار لين تفور وبعدها وطي النار عليها لمدة ربع ساعه .... كي تطبخ على مهل
في هذي الأثـنــــاء ..... جهزي ثلاجة القهوه ... وضعي فيها ملعقه كبيره هيل مطحون وحفنة زعفران ملء نصف ملعقه شاي ...
عني أنا أضع ملعقه ونص هيل ,, وممكن اكثر لأني أموت بالهيل ونكهته .... أحسها قهوه فعلا
وانتبهي لما تقفلين على القهوة مو تكتين القهوه طوالي بالثلاجه
لا خليها أشوي .... بس اشوي لحد ما يترسب حثل القهوه بأسفل براد القهوه ثم صبيها بالثلاجه ... وقفلي الثلاجه ...
وجهزي التمر ,,, مع الحلا ,,,,, والله يعينك على كثر المديـــــح ...
وأي سؤال أنا حاضره ...........
في رأيي المتواضع أن اضافه ... قرفه ... وقرنفل للقهوه يذهب الطعم الأصلي لها ... تضيع لأن نكهاتها قويه وليست من أساسيتها الأصليه
إستحاله احطها بقهوتي ....
في بعض النساء يضعون الهيل مع القهوه لتطبخ اخر دقيقتين .. برضه ما يخالف ... تطلع روعه
وحياكم مع إرواء العليــــــــل وصراحه اشتهيت القهوه ..... :32: