اهم شئ رأي الولد هو الي يحط شروط بيضاء وحلوه ونحيفه ومايهمه الأخلاق إلا ماندر
والأهل عليهم يدورن علي المطلوب

اه ياقلبي علينا احنا البنات مساكين نوافق على اي شي اهم شي الاخلاق :36:

وتلاقي الولد شكله مو حلو ويتشررط

الله يرزقك ياكريم ويرزق كل محرومه اهتمييييي بنفسك بكل صراحه مراح
اجاملك الوقت هذا يبون الجماااااااااااال

الحين احنا ندور لخوويوانا اخترت كذا وحده بس سمر رفضت امي تقول ابي جميله اهي اهي الله يهديها

عن نفسي انا عندي اثنين من اخواني واحد متزوج والثاني خاطب
وكلهم سبحان الله نصيبهم طلع مع بنات سمر
مع ان واحد فيهم قمحي وواحد اسمر
بس هم ما اشترطو في لون البنت لأن لونها مو مقياس
المقياس عند اخواني الاخلاق والاحترام والبنت تكون متعلمه وواعيه وفي توافق فكري بينهم
والاثنين لما جلسو في الشوفه مع البنات ارتاحو واعجبو فيهم والله يوفقهم كلهم
وعن نفسي لو اخواني الباقين اشترطو البياض والشكل فقط في زوجاتهم
راح اناقشهم في الموضوع واوضح لهم انهم ماراح يتعاملو مع البنت على اساس لون فقط
في اشياء ثانيه لازم يفكرو فيها انا ماارفض فكرة ان يبغى بيضاء لأن الألوان ماتفرق عندي
بس لو شفت ان تفكير واحد فيهم عنصري وان مقياس الجمال عنده البياض لازم اناقشه في هالنقطه وبعد هالنقاش هو يحدد ايش قرر انا ماراح اجبره على شي ولااحد يقدر يجبره بس لازم اصحح فكرته
ربنا سبحانه وتعالى قال تعالى"وَمِنْ آَيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ إِنَّ فِي ذَلِكَ لَآَيَاتٍ لِلْعَالِمِينَ"
وقال الرسول عليه الصلاة والسلام :إن ربكم واحد ، وإن أباكم واحد ، فلا فضل لعربي على أعجمي ولا أحمر على أسود إلا بالتقوى"
احنا مسلمين والفرق الوحيد بينا في الاسلام هو التقوى ليه التفكير بعنصريه
انا اشوف الموضوع مو جمال ولا لون ايش فايدة الشكل او اللون اذا مافي اخلاق واحترام انا مايهمني لون البنت يهمني اخلاقها واحترامها
بس انا فاهمه استغرابك من نظرة المجتمع
لأن انا كمان سمره واخواتي قمحيات
اخواتي كلهم من ايام الدارسه وكانو ينخطبو ويرفضو عشان دراستهم اللين خلصو
وانا عمري مااحد خطبني بس الحمدالله
اخواتي متزوجات الآن وانا لسه وانا راضيه في نصيبي
عشان كذا اقولك لسه فيه ناس في مجتمعنا هذا تفكيرهم
وللأسف ان مجتمعنا بدل مايتقدم يرجع اكثر
في بنات للأسف ردو ان ماعندهم مشكله يخطبو لأخوانهم سمر بس يفكرو بالأولاد كيف راح يكونو سمر
حسسوني انها مصيبه ولا مرض وايش المشكله اذا اولادهم سمر ليه هالعنصريه بالتفكير
للأسف في الغرب اللحين يناهضو العنصريه وعادي تشوفي الأبيض يتزوج سمراء او سوداء
ومايفكرو ايش لون الأولاد ولا مقياسهم لونها
واحنا جالسين نرجع لأيام الجاهليه لما كان فيه تفرقه بين ابيض واسمر
والاسلام الغى هالتفرقه
لاتحطو المقياس لون البنت لأن مو مهم بيضاء او سمراء خلو المقياس دينها واخلاقها وفكرها
وقد ايش قريبه من اخوكي في طريقة تفكيرها

انا الان ادور لاخواني طبعا كل واحد فيهم قال مواصفات معينه يبغاها في البنت وعلى اساسها انا اشوف بتجمعات البنات واذكرلهم واذا عجبهم احد اتصلنا باهل البنت يعني المواصفات حسب الولد نفسه هو الي يختار واحد من اخواني يبي شكل عادي بس يبي البنت دمها خفيف"يبي يضحك مايبي يتزوج "