تبغين تعالجين شعرك بالاعشاب بس من غير زيوت وتلطيخ!!

هلا حبيباتي لوانتي مافيك حيل على الزيوت وخلطات الاعشاب ونفسك بفايدتها لشعرك

اوعندك بنوته حلوه زي بنتي:) ونفسك تعتنين بشعرها كل يوم من غير ماتشيلين هم الزيت والتلطيخ والمدرسه

اول شي جيبي الاعشاب التاليه

2 ملعقة محلب مطحون

ملعقة حلبه مطحونه

ملعقة آس مطحون

ملعقة قرنفل(مسمار اوعويدي) مطحون

وملعقة حناء (اختياري)

حطي المكونات مع كوب مويه على نار هاديه مره حتى يغلي بعدين خليه ينقع ساعه

وفي هذه الاثناء روحي جيبي زنجبيل اخضر(لازم اخضر) مقدار حبة ليمونه وقطعيها قطع صغيره وحطيها في الخلاط مه فنجان شاي مويه واخلطيها حتى تصير عصير

بعدين اخلطي منقوع الاعشاب مع عصير الزنجبيل وصفي هالخلطه بالصفايه زين زين


وجيبي علبة محلول عدسات فاضيه اواي علبه تعطي توفي نفس الغرض وحطي فيها المحلول


لما تجين تحطين المحلول على شعرك حطيه على فروة الراس وبعدين دلكيه باصابعك كويس وسرحيه عادي

استخدميه مرتين في اليوم وهالمحلول صلاحيته يومين بس وبعدها سوي غيره:42:

اذا جربتوه وعجبكم لاتنسوي من الدعاء:)