تبغين تنفرج همومك+تتحقق امنياتك تعالي

السلام عليكم ورحمة الله وبركاته اخباركم ي صبايا؟؟؟؟؟؟؟ ان شاء الله تكونون بالف خير اليوم جايبة لكم كنززز الكل يعرفه بس مو الكل جربه كلمة سحر قليله فيها الكل هنا يشتكي الهم ويجي يطلب الحل والمساعدة ونسي هذا العلاج السحري اللي الكل يملكه!!!!!!! ايه نعم علاج سحري لو استخدمناه بيقين واخلاص طيب ايش هو؟؟؟؟؟؟؟؟؟ اللي هو
(الصلاة ع النبي) ﷺ والله ياهي سعادة والله ياهي فرررج وانا لي معها مواقف في تفريج الهموم ورح اذكرلكم بعضها الحين حابة اقول لكل وحدة هنا عندها هم اي كان نوعه مرض+زواج+حمل+سفر مشاكل مع زوج ام اخ اي شي هذه كلها تعتبر هم صح؟؟؟ والنبي ﷺ قال (تكفى همك) ويغفر ذنبك ركزوا يابنات دنيا واخرة وسعادة ولذة والله وانتي تصلين ع النبي ﷺ من قلبك تحسين بسعادة غريبة ودك تطيرين واللي مجربة رح تعرف طبعا انصحكم اول شي توضوا وخذوا المسبحة وابدوا صلوا رح تروحون عالم ثاني من الايمان رح اذكرلكم بعض المواقف اللي صارت معي بس اول شي ابي الكل يقرا كلامي من قلبه ويستفيد والله انها عجيبة الصلاة عالنبي ﷺ بس الكثير يجهل اهميتها سواء في الاجر العظيم وتفريج الهمووم اي هم كان يا بنات نصيييييييييحة العلاج موجود اتمنى من الجميع انه يستخدمه خذوا المواقف اللي صارت معي شخصيا عشان تحمسكم وتزيد همتكم
1-دعيت دعوة من قلبي عصر الجمعة لشخص بان الله يفرج همه وختمتها بالصلاة ع النبي ﷺ وكانت متعسرة شوي والله انها تحققت يوم الاثنين اللي بعدها على طول والله اني استغربت بس سبحان الله مافي شي بعيد عن الله
2-كان نفسي في اكلة مشتهيتها وزمان عنها فقلت م رح اطلبها بس قلت اللهم صل على نبينا محمد ﷺ والله العظيم تقريبا بعد يومين او ثلاثة بالكثير الا يجيبونها عشاء!!!!!! سبحان الله
3-مرة كان عندي شي مضايقي صارله شهر تقريبا وقبل لا انام توضيت وصليت ع النبي ﷺ 1000مرة تقريبا لمدة 3 ايام مع العلم اني كنت اصلي مو بنية تفريج الهم لا كنت مطنشة بس الين ما انام وهذه كانت اول قصة لي مع الصلاة عالنبيﷺ المهم ثاني يوم وثالث يوم ما اذكر اذا توضيت او لا وم اذكر الف او يمكن خمسمئة او اقل م اذكر التفاصيل مو مهم تحديد العدد وبس هذا اللي سويته الا وينفرج همي اللي صارله شهر!!!!! سبحان الله
4-كنت ابي انخطب وقلت ي بنت مالك الا الصلاة ع النبي ﷺ وهذه السالفة صارت شهر 12 اللي راح وقلت رح التزم بس تعرفون الشيطان شاطر بديت تاريخ 11 الشهر وكنت اقسم على الله اني انخطب ذا الشهر والله اني دعيت وقلت اقسمت عليك يارب اني انخطب ذا الشهر وكنت اصلي تقريبا الف مرة او خمسمئة او اكثر م احدد عدد معين بس للاسف م استمريت يمكن كم يوم بس وتركتها ونسيت موضوع الخطبة والله العظيم صديقتي تاريخ 25 نفس الشهر انها نادتني وقالتي ابيك بموضوع خاص انا كنت ناسية الخطبة بس وقتها تذكرت وبعدها قالتلي ابيك لاخوي:eek: سبحان الله بس ماصار نصيب يمكن لاني م دوامت عليها يعني لو داومت يمكن كان جاء النصيب شفتو كيف!!!!! يعني انا كم يوم وانخطبت مع اني م واظبت اجل كيف باللي تستمر الين م تفرج !!!! مع العلم هي كانت حاطتني ببالها من اول م شافتني بس ليش م قالت الى بعد ما صليت عالنبي ﷺ!!!!!!!!!!! سبحان الله
5-كنت ابي انام بس غازات بطني ووجع م خلاني انام تذكرت الصلاة ع النبي ﷺوجلست اصلي وسبحان الله بدا الوجع يخف لين ما ارتحت ونمت!!!!!!!!
6-طبعا انا دايما اتاخر في الروحة للدوام مشهورة بذا الشي بس غصب عني المهم واجلس اصلي ع النبي ﷺ سبحان الله اما القاهم باقي م بدوا او لسه المعلمة م دخلت واذا دخلت المعلمة اضطر اروح الادارة عشان التاخير سبحان الله لاني كنت اصلي ع النبي ﷺ سامحتني المعلمة وم نقصتني!!!!!
7-طبعا في الاختبارات اذا مر علي سوال صعب على طول ابدأ بالصلاة ع حبيبي ﷺ حتى اذكر مرة جاني سوال م ذاكرته من الاساس وصليت عالنبي ﷺ والله تجيني الاجابة الصحيحة واسال البنات وتطلع صح!!!!!!!! طبعا هذه القصص او المواقف كلها ذي مصداقية لقول تكفى همك من قال كذا الرسول ﷺ اللي ماينطق عن الهوى ف يلا ي حبوبات مع بداية الشهر الجديد ابدوا بالصلاة والسلام على نبينا ﷺ لقضاء حوائجكم و تفريج همومكم و غفران ذنوبكم و تحقيق امنياتكم حاجتين بس حسن ظن بالله+صلاة ع الرسول ﷺ وتعالوا بشرونا طبعا كتبت هذا الموضوع من كثر م اقرا هنا في هالقسم من هموم البنات ومعاناتهم وخاصة المتزوجات فحبيت اذكرهم بالسحر اللي رح يقضي على مشاكلكم ان شاء الله وحبيت اني افيدهم ملخص الموضوع

مهمومة صلي عالنبي ﷺ تبغين زوج صلي عالنبي ﷺ تبغين حمل صلي عالنبي ﷺ وكل شي نفسك فيه بعد وتشوفون العجب ان شاء الله طبعا القصص كلها صارت معي انا شخصيا كت كات2015 :p لا تجيني وحدة تكذبني رح ادعي عليها لاني م كذبت بولا حرف والله يشهد على صدقي حبيباتي هذه نصيحتي انصح نفسي اولا وانصحكم توكلوا على الله وابدو بالصلاة على اشرف خلق الله وترى احنا مكلفين بالصلاة عليه مو بس لقضاء حوائجنا يعني شوفوا فضله علينا كيف اقل شي نسويه اننا نصلي عليه ﷺ اللي يعجبها موضوعي ترفعه واللي تستفيد تدعيلي واذا عندكم قصص اذكروها عشان نزيد الحماس والهمة وسوري اذا كلامي ملخبط بس حبيت افيدكم والله يوفق الجميع :):):):):):)
اللهم صل وسلم على نبينا محمد