تبغين يصيرلك خدووود!!جربي وماراح تخسري لومانفعك..

( الســلام عليكــم )

أخواتي :27: أنا مشكلتي كانت بإنه نفسي يطلعلي أويصيرلي خدووود تخينه زي إللي تنعمل بالسيلكون أوبالحقن بالدهون وبماأنه كل الحالات إللي بتنعمل لها مضار مستقبلا يعني أيش الفايدة أنفخ وأجيب لنفسي المرض..

فادايما اسمع من حوولي بإنه الـ** خميــرة ** حقت الأكل إذا حطيتيها على الوجه بتخنه.. فقمت وسويتها وحسيت عن نفسي انه في فرق فيا بين اول ودحين واللي يكوون موشايفك ليه فترة بيلاحظ ذاالشي,,بس من فترة توقفت وبرجعلها قريب..انا بقوولكم عالطريقة واللي تحب تجربها تجرب وتقوول بنتيجتها لانه في ناس يبان معاهم وناس لا؟؟ فحبيت تستفيدووا مني زي ماعمال استفيد منكم...
..الطريقة..
خذي شويه خميرة وحطي عليها مويه انا بس احط معاها مويه بس البعض يقول انها من غير ماتضيفيلهم شي راح يفتحوا المسامات بكيفكم المهم اخلطيهم بالملعقة وخليها تصيرلك زي العجينه تقريبا يعني لماتجين تحطينها على وجهك تحسينها ماتنفرد اوتمسك مضبوط واجلسي عيدي عليها لين مايتشرب..

طريقة الدهن اللي سوويتها وعشان اكوون حقانيه معاكم اني رحت قدام المرايه وعملت اني جالسه ابتسم عالآخر وقمت آخذ في اصباعي من الخلطة وادهن الخدوود الخد كله بتحديده زي ماهو طالع شكل الابتسامه ومن جهة الدقن وعملت شكل دائري يعني اللي يشووفك وانت حاطاه يقوول عامله لحيه تركيبه وهذا عشان يطلعلي في الاخر وجه مدوور..

""خليه نص ساعة واغسليه""