تبغين يصير جسمك حلو

مساكم الله بالخير..

تبغين تنحفين ويصير جسمك حلو ولو نحيفه بس حابه يبرز مناطق بجسم وتشد

عليك بالرياضه اهم شي الرياضة هذا شي

الشي لثاني لاتتبعين اللي يقولك 10 ايام تنقصين 20 كيلو حرام عليكم نفسكم انتي ماتبين تنزلين وزنك وتعدمين وجهك وبشرتك بتصيرين نحيفه اي بس شكلك مريضه وغير شحوب وجهك وتبدين تركضين تدروين علاجات لوجهك وشعرك اللي يطيح شوفيهم بالتلفزيون وجيهم بتنطق من الصحه مع انهم ياكلون كل شي

لازم تنزلين بنظام مدروس تنزلين شوي شوي ومع الرياضه يعني ريجيم ينزل اكثر من كيلو اسبوعيا هذا بس تبطلينه بترجعين تزيدين انزلي شوي شوي وراح يثبت مع الرياضه لو استمريتي عليها بعج ماتنزلين لو ايش تاكلين ماراح تزيدين

لاتقولين لي مافي وقت؟؟ مافي وقت تنسدحين عند التلفزيون ؟ مافي وقت تمسكين التليفون وتسولفين؟

خلي الرياضه جزء مهم من حياتك يوميا مانقولك اقعدي العبي نص يوم لا هي ثلث ساععه نص ساعه بالكثير وخليها اول ماتقومين الصباح لو انتي مو موظفه او تدرسين

الخلاصه:
روحي لاخصائية تغذيه ( فيه بالحبيب وغيره وغيره كل مستشفى فيها اخصائية تغذيه)
تعطيك نظام تمشين عليه هذي اول خطوه

ثاني شي اشتركي بنادي او اشتري شريط رياضه لانك راح تشوفين الحركات صح قدامك لانك لو سويتيها خطا راح تضرين نفسك ولاراح تستفيدين وبتملين وبتتركينها

ماكثر الله الا النوادي بالرياض روحي واشتركي ولو الشريط في بالشرقيه زي ماقالت احد الاخوات شريط التايبو وهذا انا انصحكم فيه يابنات رائع

شوفي ويون مشكلتك فيه البطن والفخوذ والمؤخره لهم شريط بس لحالهم وفيه للجزء اللي فوق وفيه للي تحت وفيه حرق اشكال والوان

ادخلي الموقع هذا لو تقدرين اطلبي ولا جيبيه من الشرقيه زي ماقالت الاخت


وتمنياتي لكم بجسم رشيق