تبغي ابطك و رقبتك يفتحوو,, تعالي اجل

السلام عليكم ورحمة الله وبركاته

اللهم صلي وسلم وبارك على سيدنا محمد وعلى اله وصحبه اجمعين

بنات الله يسعدكم قولو ماشاء الله تبارك الله
ترى العين حق ,,

بادخل بالموضوع على طول
انا ابطي كان مرة اغمق من جسمي
واللي زاد الطين بلة ,, لمن رحت ل د. منى نصر وسوتلي ليزر في ابطي
و خلته محرووووق بقعه بنية شكبرها و كمان فيه خطوط سودة
<<< منظر يفشل ويقرف وربي

هذا بالنسبة لابطي

اما رقبتي
ف كانت اغمق من وجهي ب كثيير واحس كانها مو نظيفة
لدرجة مرة رحت الكوافيرة اسوي ميك اب ف قالتلي انتي نفاس <<<<<<<<<< لأنها شافت رقبتي مرة غامقه و وجهي مرة افتح :44:

المهم
لقيت هنا خلطة مرررررررررة رهيبة
على هالرابط http://forum.hawaaworld.com/showthread.php?t=2386347

كنت استخدمها في البداية مرتين باليوم على ابط نظيف
بعدين سرت انساها واستخدمها يوميا مرة ,, كل مااستحميت

و استعمل ديودرنت اسمو ليدي سبيد ستيك سبراي ,, مرررة رهيب و مايسود الابط
يابنات الحمدلله الحين باطي صار مرة فاتح
انا تقريبا مستمرة عالخلطة شهرين من غير انتظام



و رقبتي سرت اغسلها باليوم تقريبا 3 مرات بالصابون
اول كنت عالبابايا وبعدين حولت عالمنيرفا
و لمن انشفها احطلها من نفس الخلطة اللي فوق

وادهن فوقها لوشن فازلين البنفسجي عشان يخليها رطبة
وادهن فيه كل جسمي كمانة

والحمدلله الحين رقبتي مررررررررة فرق
فاتحه و نظيفة وتفتح النفس
وباقيلها شوي وتصير لون وجهي


بنات اهم شي اول ماترجعو من طلعة تغسلو الوجه والرقبة و ترطيييب على طول
وبالنسبة للابط حاولو ماتلبسو بلايز سودا
ولازم لازم تلبسو تي شيرتات تحت العباية ,, لاتلبسو كت ابدا
واذا اضطريتو ولبستو كت او اسود,, اول ماترجعو تغسلو الابط او تمسحوه بالسكينول


و دعواتكم حبايبي
باذن الله كل مااجرب شي وينفعني راح انزله لكم