افكاااااااااااااااااار رمضانيـــــــــــه

هذي الفكرة للمتزوجة والغير متزوجة نسويها لزوج والعيال والأهل

نبداء

نقوم بتجهيز غرفة الجلوس# تفرشين سجاده سدو
# وسط السجاده ترتبين سفره ــ بساط ـ اللي هي من الجلد وفيها عدة ألوان أتمنى إنكن عرفتوها
#وسط السفره حطي سراج ـ قنديل ـ فانوس واللهجات تتعدد والمعنى واحد
وشغلي الشعله
# وزعي جاعد في زوايا الغرفه وحطي فوقه أبجورات صينيه اللي هي تجي خشب طويله ونورها على فوق ـ يعني إني عرفت أوضح ــ
وفي الإستريو تحطين شريط أحمد بو خاطر ( القدس تنادينا ) فيه أنشوده عن رمضان
مطلعها يقول : رمضان قد أهل بالصيام وأطل مرحبا أهلا وسهلا ليته في كل حين
والله حللللللللللللللللللوه وتفرح وتعيشك جو رمضاني
كأني سويت دعايه للشريط
# الأكل لا تنسين تخلينه في الصواني القديمه اللي تجي حديد وألواااااااان



نجي للاطفال:

لبسيهم فنيله نص كم وإزار ــوزار ـ وعمامه بيضاء يعني مثل لبس الغواصين
أو
زي باكستاني بنجابي وطاقيه مطرزه يعني مثل لبس إقبال في قناة المجد
أو
زي سوري = ثوب أبيض وعليه سديري عنابي مطرز بالذهبي وطربوش عنابي أو طاقيه سوريه عنابيه ومطرزه بالذهبي اذا كانو اولاد



طيب إذا كانوا بنوتات حلوات قمرات :

لبسيهن مثل زي ليلة الحنه البحريني أو الجلابيه العمانيه اللي تكون جلابيه مطرزه ومعها سروال مطرز من تحت ويا حبذا يكون اللون عنابي مطرز مع ذهبي
أو
ساري هندي أو بنجابي باكستاني
وإذا كانوا أولاد وبنات يكون أحلى لو طقموا مع بعض
يعني إذا الأولاد بيلبسون باكستاني البنات بعد وهكذا
و بكذا يكونون العيال عايشين جو رمضان ومبسوطين فيه

وصلنا لأم العيال طبعا لازم تطقمين أنت بعد مع عيالك إذا بتلبسين خليجي يعني جلابيه عمانيه وملزماتها
الأولاد يكونون لابسين لبس الغواصين والبنات مثل أمهن
وشي حلو إنك تخلين كل واحد من عيالك الحلوين لابس زي مختلف بس عن الهوشه وأنا أبغي زي هذا وليه هذا أحلى مني ‘‘‘‘‘ طقمي وارتاحي ‘‘‘‘‘‘

برنااااااااااااامج مقترح للحفل

تكونين مجهزه برنامج لإستقبال أول يوم من رضان ومحضره جدول بالخطط التي يجب تنفيذها في هذا الشهر والأهداف الواجب تحققها خلال الشهر الكريم
@ قراءة آية من كتاب الله تدل على شهر الصيام يقرؤها أحد الأبناء وإذا لم يكونا يجيدون ذلك يقرأها الأب
@ كلمه يلقيها الوالد في فضل وفوائد الصيام
@ كلمه للأم توضح فيها الخطط والأهداف الواجب تنفيذها خلا الشهر الكريم
مثلا حفظ جزء عم ، برنامج لختم القرآن الكريم ، صلة الرحم ، زيارة الجيران ، النزهات الترفيهيه ،،،ن
@ نشيد جماعي يتدرب عليه الأطفال قبل رمضان مثل ( نتمنى للعالم أن يحيا بهناء ) دائما تجيبه المجد

اجعلي اول ليله في رمضان ليله توهج الحب بينكم .... كيف؟؟ ... انتوا اقروا


بعد الفطور ,,,,, اكيد شي طبيعي يقوم زوجك ويتحمم حق صلاة التراويح ..... استغلي هذي النص ساعه ............ودك تعرفين ؟؟؟؟


اشتري في هذذين اليومين الورود المجففه الموضوعه في اكياس وبها شرائط للتعليق ..... ورد جوري .... بطاقه للمعايده برمضان ... تبين تعرفين شو تسوين ؟؟؟؟

خذي الورد الجوري الاحمر ..... وانزعي بتلاتها الحمرا منها .... وانثريهن الى غاية باب سيارة زوجك ....لا تنسين المدخن (المبخره) .... ضعي فيها العود وضعيها في السياره شرط تشغلين المكيفات عشان تشفط رائحة العود ..... علقي اكياس الورد المجفف في اماكن مختلفه من السياره ..... واخيرا .....علقي كارت المعايده عند المرايه الاماميه عن طريق شريطه واربطي معها ورده جوري حمرا .

اكتبي عليها من الخارج.... اذا كنت تحبني لا تقرأها الا بعد صلاة التراويح .... ووقعي تحت حبيبتك .

المهم الكلام المقترح كتابته ...

حبيبي ونظر عيني .....

مبارك عليك الشهر الكريم ....ينعاد عليك كل سنه انشالله ... وتكون من الصائمين القائمين .... وممن تعتق رقابهم من نار جهنم بأذن الله.

حبيبي الغالي .... اسأل الله عز وجل في هذه الايام المباركه من الشهر الفضيل ان يديم علينا نعمة المحبه وان يحفظ لنا ابناءنا ويعيننا على تربيتهم ... وان كنتوا بعدكم ... اكتبي .. يرزقنا ذرية صالحه ... عزيزي
اعاهدك بأذن الله ان اكون سندا لك وعونا في هذا الشهر الفضيل في عبادة ربك والتقرب اليه ... واطلب منك ان تشجعني لأتقرب الا ربي اكثر واكثر ..... حبيبي (( فلان )) احبك مووووووووووووت .

زوجي الغالي ... انا منتظرتك في الغرفه تعال

المهم .... انتي ادرى كيف ترتبين الغرفه وتعدلينها لزوجك لأن هذا الموضوع تكلموا فيه كثير .... بس اللي ودي اقولك اياه جهزي كوبين عصير والحلو اللي سويتيه طبعا لذته غير لأنه اول يوم من الشهر ... بس لا يكون دسم ما يقدر زوجك يتحرك بعدين ......... المهم بعدين ابدي انتي تغزلي فيه وخلوها ليله حمرا .... بس لا تتعبينه .... وراه عباده وسحور.....:hahaha:

أسأل الله العظيم رب العرش العظيم أن يجمعكِ بمن تحبين عاجلا غير آجل
أخيتي سأدعو لك في الثلث الأخير ولكن رجائي أن تدعي لي بمثل دعااااائك

يارب اجمعنا بمن نريد بحلالك عاجلا غير آجل يااااااارب

احتفاال غير شكل لليلة العيـــــــــــــــــــــــد


اليكم الفكرة.. وان شاء الله تنال اعجابكن..

:) :) :) :)

اشتري مفرش للسرير لونه بيج بذهبي ..





احضري شموع ذهبية مع شمعدان او بدونه مثل هذه او شبيه له..





حلو انك تدخلين الذهبي مع البيج لان هالليلة ستكون لها ذكرى في نفسكم..

وايضا جيبي قطع مطرزه بيج على اورجنزا بتطريز ذهبي ( المفارش الهندية ) وضعيها على الكومادينه وطاولات الغرفه ..

رتبي تسريحتك بشكل جذاب ورومانسي.. دخلي المكياج داخل الادراج اذا كنتي متعوده تخلينه خارج الادراج على التسريحة..

وخلي التسريحة خالية تماما من أي شيء..

ضعي عليها فواحة عطرية بعطر رومانسي وجذاب... وحطي شمعتين كبيرة بشمعدان مميز وحلو
ويكون تحتها مفرش من المفارش المطرزة الي قلنا عنها من قبل ..


والان جهزي هديتك .. ورح تكون على ذوقك..





ممكن طقم عطور مع ادوات الحلاقة والكريم للجسم .. وجل شاور للحمام ..

او ممكن تكون طقم محفظه بالميدليه للمفاتيح مع قلم كشخه..

او كبك ماركة حلو للثوب مع ساعه كشخه ..

وممكن عطر مخلط يسونه خصيصيا حسب طلبك لزوجك وبس.. من محلات العود

او أي شيء على ذوقك وحسب ميزانتيك..وممكن يكون شيء ناقص عند زوجك ومحتاجه.. فانتي جيبيه له .


المهم جيبي صندوق خشبي واثري يكون حلو ..
وتلقينه منتشر بكثرة هذه الايام بالاسواق ..




وضعي فيه الهدية بطريقة مرتبه .. مع القليل من اوراق القش البيج او البني الفاتح.. وموجوده ايضا في محلات تغليف الهدايا.
ومع الهدية لاتنسي حطي كرت يوم زفافكم و اول كرت حب اهداكي اياه .. ان وجد


وطبعا اكيد كرت معادية مليء بكلام الحب والهيام لزوجك..
ولاتنسي عطري الهدية بعطرك المفضل لدى زوجك..


وممكن تضفين بعض الزهور المجففه او الشموع العطرية في الهدية ..
وتغلفيها على ذوقك .. او بدون تغليف .. يكفي شكل الصدنوق حلوو وجذاب ..




وطبعا اكيد في مناسبة مثل هذي ولزوجك خاصة لازم تتكلفين باللبس ..
يعني مثل لما تكوني معزومه لسهرة او فرح ..


اعتبري هالليلة سهرة من نوع ثاني .. انتي وزوجك وبس ..
واذا تقدري روحي للصالون وزيني نفسك .. اذا كنتي ماتعرفين ..واكيد ماانسى اذكركي اشتري قميص خاص لهذه الليلة ويكون اللون المفضل لزوجك..


طبعا احتفلوا بليلة العيد في غرفة الجلوس .. على ضوء الشموع ..
واهديه الهدية الي جبتيها له .. وان شاء الله هو بعد مارح يقصر ويجيب لك هدية حلوة..


وجهزي عشاء فاخر ورومانسي واذا ماقدرتي اطلبي من مطعم عشاء فاخر ومميز..
واهم شيء طريقة ترتيبك للسفرة ..
خليها مثل المطاعم الفاخرة ..
من ناحية ترتيبك للاطباق والاكواب والملاعق والشوك..
وحتى العصير .. زينيه الكوب بطريقة خاصة بقطع الفاكهه وغيرها..

وضعي مفارش الطاولة جديدة وحلوة ..

واكيد انتي على اخر شياكة من اللبس والمكياج والشعر .. والعطر الساحر..

وضروري تخبريه انه اليوم عندكم مناسبة خاصة .. لازم هو بعد يجهز نفسه عشانها...


ولما تخلصوا عشاء وتعينون خير ..

اتسهلوا على غرفتكم .. والبسي قميصك الجديد.. وتصبحون على خير .
والله يسعدكم على طول ...

لاتنسي تفتحي الفواحة وتحطين فيها عطرك خفيف وحالم ..

وكل عام وانتم بخير قبل الزحمه

اشكر كل من تابعتني وكل من كتبت ردا وكل من دعت لي بدعوه صااادقه

والله يجبر بخواطركم زي ماجبرتوا بخاطري......

انا اسفه مضطره اني اتووقف هنا...لان الموضوع اصبح قديم وفي الصفحات الاخيره

وماعليه اقبال او مشاهده.....وايضا لظروف سفري باذن الله


وكما جمعنا الله في دنيا فانيه......ندعوه ان يجمعنا في جنه قطوفها دانيه

استودعكم الله الذي لاتضيع ودائعه............