لا تجي وحده ما معاها قهوه ترى يا ويلها
اليوم راح اوريكم طريقة عمل بسكوت بالقرفه
طعمه يجنن يجنن يجنن
انا سويته تقريبا 6 مرات وكل مره اسويه
يعجب الجميع ..
اول شىء باقول المقادير وبعدين نجي عالطريقه بالصور
المقادير
2 بيض+رشة فانيلا
كوب سكر ناعم
زبده القالب المتوسط تقريبا ابو 200 غرام تكون ذايبه بحراره المطبخ
3 اكواب دقيق
رشه خفيفه ملح
ملعقه صغيره بيكنج بودر
3 ملاعق قرفه مطحونه
الطريـــــــقهــ
نجهز الزبديه ونحط فيها السكر +الزبده
ونخفق الين يمتزجون مع بعض تماما .نضيف البيضه الاولى ونخفق زين
ووبعدين نضيف البيضه الثانيه ونخفق الين يختفي البيض وماننسى
نحط الفانيلا .. شوفوا الصور ياحلوات
البيضه الاولى
البيضه الثانيه والفانيلا
وهذا شكل الخليط ( استخدمي في الخلط مضرب الكيك )
تابعوني
وننخلهم تماااااام
ونبدأ نضيف خليط الدقيق على خليط الزبده والسكر
ونعجن.. نضيف بالتدريج عشان تقدري تتحكمي بالعجينه
واذا حسيتي ان العجينه لينه بزييياده ممكن تضيفي شوي دقيق
هذا خليط الدقيق بعد النخل مع بقية المكونات
وهنا لما بدأت العجن ممكن تعجينها بيدك او بالعجانه
شوفي العجينه الحلوه وشلون ..
عشان تعرفي انها تماااام امسكيها بطرف اصابعك اذا مالصقت باصباعك معناها ان العجينه كويسه .. شوفي الصور
خليها على جنب وجهزي عدة التشكيل
انا ماعندي عدة التشكيل فاستخدمت علبه البكينحج بودر انا شايله قاعدتها
واستخدمت قمع الكيس
وجهزت الصينيه بدهنها بشوية زيت ..
افردي العجينه وخلي سمكها متوسط وشكليها دوائر
وبعض الدوائر ارجعي اخرميها من الوسط عشان تصير فيها فتحه من الوسط
يعني يكون عدد الدوائر الكامله مساوي لعدد الدوائر المخرومه من الوسط
ولما تخلصي الكميه حطيها بفرن يكون مولع عليه من قبل تقريبا خمس دقايق
الصور
عدة التشكيل
الفرد
هذا البسكوت اللي طلع معاي .. انا استخدمت صينيه الفرن الكبيره وزادت علي العجينه ورجعت استخدمت صواني ثانيه
ومثل ماقلت الدوائر الكامله عددها مساوي للدوائر المخرومه
ونحطها بالفرن
هي ماتطول تنضج بسرعه ..خليها الين تاخذ لون من تحت
ومن فوق ولعي عليها شوي بس ومو شرط تاخذ لون
وبعدين طفي عليها وخليها شوي الين تنشف وتجمد تمام <<ضروري عشان ماتتكسر
تابعوني