السلام عليكم ورحمة الله وبركاته
كيفكم يا بنات والله وحشتووووني مرررره انا كنت منقطعه عن المنتدى لانو ما عندي نت وكل ما سنحت لي الفرصه كنت اشقر عليكم
ويااعيني على قسمنا حبيب قلبي كل يوم نلاقي فيه شي جديد يخلينا نتحمس ننظف ونبدع في بيوتنا
المهم من غير ما اكتر هرج اليوم حبيت اشارككم بموضوعي هدا والهدف منو اني احمس البنااات الي حاسين بكسل وهدة حيل
انا مثلا كل ما احس اني كسلاانه ادخل عالم حواء وعلى قسمنا هدا على طول واشوف تجارب البنات وابداعاتهم في بيوتهم على طول اتحمس غير كدا بعد ما اشووف بيتنا نظيف ادعي لصاحبة الموضوع من قلبي لانها كانت سبب في حمااسي
اليوم حاابة اوريكم كيف انظف غرفة معيشتنا وطبعا دي الغرفه نتسنتر فيها طوول الوقت فحتلاقي فيها هوايل وبلاوي
هدي طريقتي الاسبوعيه في التنظيف
نبدء بسم الله
قبل التنظيف بيوم شلت المفرش وناديت اخوااني الاولاد عشان ينفضوووه ليا خخخ كل واحد ماسك لو طرف وانا اضرب بعصايا :p
للاسف ماصورت دي المرحله لاننا كنا مررره مشغولين بالضرب والنفض بعد ها كنست المفرش ولفيتو وطلعتو بره الغرفه
تاني يوووم بدء الشغل لانو ماما خاصمتنا على الازعااج الي سويناااه خخخخخخخخخ
اول شي نظفت المكنسه من جوا وغسلت كيسها ونقعتو بملطف الملابس وعطرتو كمااان لاني احب لما ابدء التنظيف الاسبووعي تبعي تكووون المكنسه نظيفه وريحتهاا حلوووه
شلت غطا المكيف وونفضت الغبره الي فيه وغسلتو والفلتر كمان وبعدها صبيت عليه ملطف الملابس الي اسمو مااس بريحة العوود مرره يجنن
بعدين اخدت فرشه ونظفت الغبره الي على المكيف
بعد كدا شلت كل القطع الي ممكن تتفك من الكنب والاكسسورات طلعتهم برا وبدئت امسح الاثاث من طاولات وتلفزيون ....الخ اول شي بفووطه عشان انفض الغبره وبعدين امسح بفووطه تاانيه واستخدم بخاخ داك الازرق حق الزجااج
بعدها نرووح للطاقه او الشباك او الناافذه للي مايعرفو ايش يعني طااقه وبديت اشفط الغبره الي فيه بالمكنسه واستخدم دي القطعه عشاان تقدر تشفط في المساحات الصغيره والضيقه بعدها ابدء ادعك بالفرشه الزوايا والاماكن الي تصعب تطلع الغبره منها وبعد كدا ابدء امسح وانظف بالكلوركس البخااخ
بعد ماخلصت من نفض الغبره ومسحها ابدء اكنس اول شي ابدء بالكنب وبعدين ابدء اكنس ورا الكنب وتحتها واخر شي بااقي الغرفه وبعد ما خلصت مسحت الارض زي منتو شايفين في الصورره وهاادي الطريقه اول مرره اجربهااا
اخدت فكرتها من المنتدى قصيت الفوطه من النص ووبليتها بمطهر دااك بالتفااح المخفف بمويا مخلووط بشويه من ملطف الملابس مااس وبديت امسح فيها الارض
بكدا اكووون خلصت ابدء ارجع الاكسسورات بعد ما مسحتها وارتب كل شي مكاانو
نجي للتعطير بصراحه يومتها ماكان عندي زيت للفواحه فاعتمدت طريقة خاالتي في التعطير وبصراااحه احسن من زيووت بودي شوب
في معطر فراش اسمو انهار اكيد الكل يعرفو ينبااع في الكشك تبع البخور وكدا ب10 ريال ولو رواائح كتيره
احنا ناخدو من مهجه ب7 ريااال المهم تصبي منو في الفوااحه وشووفي الريحه يااسلام وكماان عطري الكنب والخدادياات يعني 2 في 1 الريحه الي استخدمتها كوكو شاانيل وكمااان ولعت الجمره وحطيت البخور وكدا انتهيت
تعالو نشوووف كيف صاارت غرفة معيشتنا بعد الحووسه والكركبه
7
7
7
7
7
7
7
7
7 استنو لحد يرد دقاايق بس
اما الشهري فيكووون بنفس الطريقه بس زيااده على كدا اني انظف الجدااار واغسل السيراميك غسل كااامل
وللامانه شهري مو يعني كل شهر بالضبط لا الصراحه رااحه كل ما كنت راايقه ومكيفه المنقا تلاقووني غسلت السيرااميك
اتمنى اني اكون افدتكم ولو بشي بسييط ويااليت اكون سبب في حماااسكم واتمنى اذا اتحمستووو تدعوولي ان ربي
يبلغني بر امي ويوفقني في دراااستي يارب