طيب نبغى تجاربكم مع الروضات واش احسن روضة حسيت انك ارتحتي ان اطفالك فيها اسمحيلي يا طموحة حأستغل موضوعك ان الكل يطرح تجاربه ويقولون لنا عن احسن الروضات ومواقعها عشان الكل يستفيد ؟؟ جزالله صاحبة الموضوع وجميع المشاركين فيه للاستفادة خير الجزاء:39:

جزيتي خيرا على هالموضوع الرائع الي جا في وقته

انا دخلت بنتي السنه هذي تمهيدي واخوها دخلته معها روضه والحمدلله مواصفات الروضه حلوه وارتحت لهم
لكن سؤالي ان ولدي كان اول يومين مبسوط كان يلعب ومع اخته لكن اليوم دخلوهم الفصول وولدي جلس يبكي مايبغى يدخل لحد انا مادخلته وجلست معه وكأنه ارتاح شوي وقالتي المعلمه اطلعي عشان يتعود وطلعت من هنا وجلس يصرخ ويبكي من هنا تقطع قلبي عليه ورجعت مره ثانيه والمعلمه نفس الشي تقولي ماينفع كذا ........ المهم انتي وش رايك كذا صح والا المفروض اجلس معه في الفصل لحد ما يتعود انا اخاف بالطريقه هذي يكره المدرسه

شاكره لك الف شكر

طيب نبغى تجاربكم مع الروضات واش احسن روضة حسيت انك ارتحتي ان اطفالك فيها اسمحيلي يا طموحة حأستغل موضوعك ان الكل يطرح تجاربه ويقولون لنا عن احسن الروضات ومواقعها عشان الكل يستفيد ؟؟ جزالله صاحبة الموضوع وجميع المشاركين فيه للاستفادة خير الجزاء:39:[/QU
أنا سمحتلك ما ذكرت الموضوع إلا للإستفادة ياعزيزتي طبعا أنا من خلال ما سمعت والله أعلم مو تجربه شخصيا فيه روضة بشائر الخير في الشوقيه يمدحوها وروضة منارات أم القرى في الحمراء ومكة المطورة في الستين وأنا اضم صوت لك إلا جربة روضه فعلا رائعة تقولنا عليها وياليت معلمات الروضات يفيدون جزاهم الله خير لأنهم أقرب وأعلم بوضع الروضة للي تدرس فيها.


عزيزتي سادنة القمر جزاك الله خير على المشاركة
طبعا هذا للي يصير معك طبيعي لأنه الطفل خايف أو دلع من الطفل ومن خلال تجربتي كانت عندي طفلة أمها كل يوم معها ولا تغيب عنها لحظة طبعا أنا تمهيدي أدرس والبنت إذا حست أنه أمها راحت تجلس تبكي طبعا في البداية كنت أهديها وأكلمها لكن الأم مساعد كل يوم جالسه معها أنا لما شفت كذا صرت البنت لما تبكي ما أعطيها أي اهتمام ولما تشارك معنا اشجعها وحتى في يوم جبتلها هديه عشان مشاركتها وهدوئها وبعدها البنت صارت ما تبكي
أما صديقتي والله كانت تتعب مع سن الروضه لأنه سن صعب كان في ولد عندها كل يوم أمه معها مبسوط وفرحان ومستحيل يجي إلا اذا جات اخته أو أمه معه طبعا جلس على هذا الوضع اسبوعين كلمة المعلمة أم الطفل أنها لا تجي وحيتعود على الوضع أسبوع بالكثير الطفل صياح وبكى وما يدخل الفصل طبعا هذا بس في بداية الصباح وبعدين عادي يسكت والمعلمة تركته على راحته يدخل ويخرج طبعا مخلية وحدة من المستخدمات تنتبه له فجأة الطفل من وحدة دخل الفصل وجلس مع أصحابة ويشارك وصار زي الحلاوة مع المعلمة وانت جربي اسبوع وبلغينا ايش صار معاك

طموحه الله يوفقك ويطمن قلبك طمنتيني

انا مضطره ماعاد اروح معه لاني بكره ان شاء الله بروح اراجع الجامعه والسبت خلاص تبدأ الدراسه الله يسهل وان شاء الله اوافيك بالاخبار

للرفع