سلاااااام كروشات ...
عندي لكم خبر حلووووو لكل وحدة كانت تبحث عن سرير للبيبي أو مدسات وحقائب وغيرها من مستلزمات الاطفال سواء للبيبي أو تكون كهدية لمولود
المهم ماراح أطول عليكم رحت اليوم لباب شريف في جدة ولقيت مركز تجاري اسمه " مركز الحبيب " وهو بجوار مركز سوق باب شريف ولقيت أشياء عجبتني بالمررررة وعندهم شنط الاطفال حلوة بالمرررررة طبعا مو كلها عاد انت وذوقك ولقيت عندهم مراتب سرير الاطفال المرتفعة بـ 80 ريال تخيلوا !!!!
كمان لقيت تشكيلات من السرر بجميع الانواع لمحبي الدانتيل مع أطقم سلل ومهد صغير وبأسعار حلوة
والسرر الخشبية تشبه نوعا ما اللي في سنتر بوينت بأسعار معقولة من 250 الي 350 ريال ومعاها دولاب خشبي ملحق في السرير
والحفة السرر روووووعة بالذات الازرق والوردي مع جوانب السرير بـ 150 ريال صناعة صينية بس جد كأنها من الغالي
أما اذا كان معاه الخيمة المربعة للسرير واللحاف والجوانب يكون 300 ريال وهذا اشتريت منه
الصندوق الخاص بأدوات الاستحمام ومستلزمات الطفل بـ 40 ريال
والمدسات ومعاها طقم الشنطة بعضها راقية وبعضها مش بطالة وانت وذوقك
وكمان الجلاسات بأشكال دب وارنب وغيرها والعربيات والمشايات جد رووووعة
وغيرها أشياء كثيرة وراح تعرفي انه في فرق في السعر بينهم وبين أي مكان لان اسعارهم قريبة من سعر الجملة
كمان توجد ملابس صناعة سورية وقطنها عجبني ومرتبة مثل الارواب الطويلة للبيبي ومالقيتها في اي مكان الا عندهم
وخلص الكلام وسكتت الراجية عن الكلام المباح هههههههههه
الراجية ربها @alragy_rbha
عضوة فعالة
يلزم عليك تسجيل الدخول أولًا لكتابة تعليق.
شموخ الوايلية
•
يعطيك العافيه وياليتني في جده
طيب ممكن ترسليلي الصوره عشان اختى حامل وحابه افجأهاطيب ممكن ترسليلي الصوره عشان اختى حامل وحابه افجأها
للاسف ما اعرف أنقل الصور من الجوال الي الكومبيوتر :35: لانه ماعندي بلوتوث في الاب توب سامحيني روحي شوفي بنفسك باذن الله يعجبك وخصوصا محل كبير في الدور الارضي
الصفحة الأخيرة