جزاك الله كل خير ووفقك وحقق لك كل امالك
صراحة مرة تنفيذ رائع...

الله يجزاج الف الف خير وفعلا حفظته الله يحفظج ويرزقج بولد الحلال ونا متابعه مواضيعج وفعلا مميزه وخاصه قصه العسل والنحله وتسلمين يالغلا

الله يعطيك الف عااافيه اختي وجزاك الله خير

جدول روعه
اذا جاني عيال با طبقه عليهم

تحيتي

مشكوره اختي على هذي الطريقه ..

و في طريقه ثانيه احنا نسويها حق عيال خوالي و اختي الصغيره ..

كل طفل تكون له تفاخيه (يعني بالونه بس بالكويتي )

كل واحد يختار لون اللي يعجبه و يختار مجموعه ستيكرز (ملصقات اللي على اشكال)

و كل واحد يلتزم بالادب طول اليوم و مايصير شيطان ولا يأذي خوانه و والدته في الواجبات المدرسيه و ترتيب العابه بعد اللعب يختار ستيكرز و يحط على البالون..

و اخر الاسبوع راح يكون في جوائز حسب ترتيب كل واحد اللي ماخذ 7 ستيكرز ياخذ احسن جائزه
و اللي ماخذ اقل ياخذ الجائزه الاقل ..

او ممكن طريقه ثانيه لتوزيع الهدايا .. كل واحد حسب مرتبته يكون له الدور اول انه يختار و بجذي راح يكون في تنافس على الفوز ب 7 ستيكرات للاسبوع عشان يختار الهديه اول ..

شرايكم بالطريقه