تسلمي يا قلبو انا قدرت احمل الملف واللي مو قادر يقدر يراسلني و يعطيني ايميله و انا ادز له الملف بس ما أوعدكم اوصله للكل على حسب ظروفي يعني متى ما قدرت اوصله لكم بالايميل و جزاكي الله خيرا يا بنت زايد (بنت بلادي والنعم فيكي)
على فكرة الجدول شكله يجنن روعة

السلام عليكم
شدني موضوعك وحابه أستشيرك ومن عنده علم عن بنتين وحده 4والثانيه3سنوات حاولت معاهم بالترهيب مره وبالترغيب مره ضربت لين صارو مايحسون بضربي حطيت لهم دوا بفمهم مثل (المر)وعادي كأنه حلا أعطيهم ألعاب هدايا أصلحلهم حفله(يموتون على الحفلات)حدهم يخلصون ولاشئ بعدين مايسمعون الكلام عناديات بدرجه أولى
دخلتهم هالحين تحفيظ ماشين فيه ومتفوقات بس يفضلون العب أكثر
أنا مأبي أدمر نفسياتهم بالقسوه لأنهم ذكيات ولميحات وماأبيهم شقيات ومايسمعون الكلام عشان لا أخسرهم لكبرو وماأعنيلهم شي
بنتي 4سنوات ذحين تصلح على نفسها عند الناس لاطبعا بس في البيت تهاون لاتروح الحمام وضربتها مانفع شجعتها مانفع
مالي إلا الدعاء بإن ربي يصلحهن ويرزقني برهن

السلام عليكم ورحمة الله وبركاته

مرحبا بنات .... ^^ جزاكم الله خير بنات علي دعائكم ولكم ان شاء الله بالمثل .... والحمدلله انه الوصلات اشتغلت

ام منار حبيبتي .. بصراحه انا ما عندي خبره واايد باليهال ...بس انا اشوف انه بناتج بعدهم صغار
واظن طبيعي بهالسن الشقاوه .. لا تستخدمين اسلوب الضرب حرام ... بيهدون شوي اذا دخلوا مدارس ..
بس طولي بالج عليهم وخليهم يعيشون طفولتهم ...

اما بخصوص بنتج الكبيره و الحمام ... سوي لها فحص يمكن عندها التهابات .. خاصه اذا كان مع البول كرمتي ريحه ... بعدين كلميها علي انها كبيره لا تستخدمين الضرب خاصه فالموضوع لانه بتصير عندها ردات فعل عكسيه .. قولي لها ما شاء الله بنتي كبرت وصارت حرمه ... وباجر بتروحين المدرسه وبيصير عندج صديقات
.. الخ وشوي شوي دخلي علي موضوع الحمام استدرجيها بالكلام ... بعدين استخدمين اسلوب المدح معاها
مدحيها جدام خالتها وعماتها .. وهكذا والله يصلحهم لج ان شاء الله ^^

أن شاء الله تلقين رد يفيدج من الامهات اللي كانت عندهم نفس المشكله ...

الله يوفقك والله مبدعه