ايس تي :

زين قلتي لي توني ماشريت لعيالي كنت ابي التجليد الجاهز شكلي برجع للقديم

زين قلتي لي توني ماشريت لعيالي كنت ابي التجليد الجاهز شكلي برجع للقديم

ايس تي :

المفاجاه دق علي المستشفى الحين قالوا لي الدكتوره بعد ١٢ بتطلع مابتشوف احد ف اجيهم الحين بيدخلوني بين المرضى 😒😒 ورحت لهم يارب تيسيرك ياررررب اتخيل ينطروني ساعه او ساعتين لين يدخلوني لا بعد وانا بالطريق تذكرت نسيت بطاقتي البنك ع الطاوله 😒😒 يعني بتم بدون اكل لو طولت << اهم شي الاكل ههههههههههههههههههههههههههههههه

المفاجاه دق علي المستشفى الحين قالوا لي الدكتوره بعد ١٢ بتطلع مابتشوف احد ف اجيهم الحين بيدخلوني...

ايس تي :

جعل ماتشوفين شر وجعلها اخر اوجاعج انا بعد مريت بإكتآب تميت ٣ شهور ما اقابل ولا احذ غير امي وثنتين من خواتي عيالي بالعافيه اقابلهم ويطلعونهم من عندي لاني ما ابي احس بأي ضغط ولا ابي اشوف احد حولني دكتوري حق النساء ل طبيب نفسي وغلطة عمري مارحت له( بقول لج بعدين ليش ) .. قالت لي امي روحي لدكتور نفسي لكن مو اللي عندنا مو زينين وصتني ع واحد بالرياض .. قالت ممتاز سبحان الله رحت له بيوم وانا بالطريق يصيدنا مطططططررررر شكثر ووقفنا نص ساعه بالطريق والنطر ماوقف بعدها قال زوجي خل نرجع لاقرب منطقه حولنا وبكره نكمل طريقنا .. كان اقرب شي لنا ( الاحسا ) تميت فيها يوم واليوم الثاني انا قلت مابي اروح يحاول فيني هووونت كلش ف غيرنا الوجهه للخبر ع اساس اغير جو لكن كنت حزتها اشوف كل شي بلا طعم بلا جمال ولا شي ما ابي ولا شي بالحياه المهم رديت الدوحه وجاني ابوي وعطاني قرانه قال اتمنى تقرين البقره كل يوم وكسر خاطري حزنه علي واهتمامه مني من بعدها صرت اقرى البقره يوميا واذكاري واقوم الليل .. وادعي الله ربي يساعدني ويخرجني مما انا فيه بعدها بفتره دقيت ع زوجي قلت ابي اقعد بمكان انا وانت وعيالي فقط بدون حتى شغاله .. ف ماكان له الا يحجز دبي عشر ايام وفعلا حسيت هذيك الايام مع قراية البقره غيرت فيني كثييييييررررر لكن انا حاليا مو انا قبل هالشغلات اللي مرت علي .. للعلم قبل هذا كله زوجي بعد كان تعبان وعانيييييت وياه معاناه محد يعرفها الا ربي .. وللحين الله يشفيه كل فتره يتعب واعاني بشكل فضييييع معاه لكن يصبرني اني اعرف معدنه واصله مووو سيىء ابدا لكن المرض يتحكم فيه احيان .. وبالنهايه اللهم لك الحمد ولايكلف الله نفساً الا وسعها .. احيان احس انا بشي مستحيل احد يتحمله واحيان اقول لا .. فيه ناس ظروفهم اسواء ويصيدهم شغلات اصعب وقلت فوق غلطة عمري مارحت .. لان هالاكتآب رد لي بالحمل قبل كم شهر ورديت جلست ببيت امي .. وقفلت جوالي وزوجي بالذات كنت ماطيقه .. لكن عديتها بشكل اسرع من قبل لكن دقيت ع دكتور نفسي وتكلمت معاه قال ضروري تجين وعاتبني ليش مامريت قبل .. وكان خوفه لو اتم هالشكل واولد يزيد الوضع لكن الحمد لله عديتها بدون اي شي فقط تكلمت معه مره وبعدها انا صرت اسوي الشغلات اللي تريحني وببسسسس شكثرررررر تكلمت 😂😂

جعل ماتشوفين شر وجعلها اخر اوجاعج انا بعد مريت بإكتآب تميت ٣ شهور ما اقابل ولا احذ غير امي...