تفاصيل منسية :

احم 😊 اولا الحمدلله على التعب وعلى التساهيل وعلى الاجر حاليا مافيني نوم وقلت اطل عليكم -------تفاصيل القصه 😂 كنت ارسلكم بالتجمع هنا عادي وبعدها رحت عزومه يوم الجمعه وفيه رقص وفله وكنت احس بطلق بس خفيف ودوخه وغثيان فضيع بس قلت اكيد من القهوه واقوم ارقص معهم وانا وربي حاسة بطيح من الارهاق وقل النوم ماطولت رقص ورجعت البيت مع حماتي اخت زوجي للبيت الساعه3الفجر واحاول انوم ولدي فيني جوع وارهاق ونوم فضيع وهو جننني ما نام الا مع اذان الفجر وانا منسدحه عنده قريب لسريره حسيت شيء طق ببطنيً 😳 قلت يمكن حركة غازات قويه وانا قلبي قارصني والجنين حركته مافصلت زادت بقوه بقوه وبثواني حسيت شي انكب واقوم والا ماء الجنين نزل دفعات وارجف وادق ع زوجي بالاستراحه مايرد وارسله يقولي تستهبلين 🙄 لانه منزلني بالعزيمه مافيني شي ورجعت لبيتي مع اخت ههههه قلت تعال بس ولكم ان تتخيلون جوعانه حدي ومانمت يوم كامل الا مقطع ونطلع وطيران ع الطواري والا الرحم فاتح 2 س ومافي طلق نفس حالة توما تماما ياربي وادعي بالفرج قالًوا 18 ساعه تنويم وبعدها نتدخل قلت يارب اللي فرجت ع توما وانا مثل وضعها انك تفرج علي ومن داخلي متفائلة جدا جدا باللي صار مع توم وادعي ويودوني تنويم واختفى الطلق تماما انهبلت مافي شي والما تصب وتجي الدكتوره قلت عطيني ملين انا بطني امساك وعطتني ابر تلين عنق الرحم ونظف بطني ع الساعه12 ويبدا الجد وطلق مستمر الى الساعه 2:40مافصل الطلق ذبحني ذبح والجنين باقي مرتفع مانزل الحوض هلكت من الطلق هلاك وصرت ادعي واكرر(لايكلف الله نفساًالا وسعها)) واكثر الحمد والشكر كأني والده والالم يجلدني جلد وادعي وادعي وواحس بدفع واقولهم ويطنشًوني وادفع طنشتهم وصراخ علي ستوب ويجرون السرير لغرفة الولاده من دور لدور بالاصنصير وانا ادفع😓 ووصلت الولاده واجلس تقريبا ساعه دفع ومايطلع ياربي رحمتك ويإذن العصر اسمعه قلت يارب بحق رحمتك بحق هذا النداء يارب أرجوك رجاء لايخيب خلصني وخلصه ومااااش الدفع يضعف عندي ياربي لطفك وخلص الاذان وادعي بين الاذان والاقامه اللهم رب هذه الدعوه التامه ارجوك إلهي خلصني ارجوك ربي ارجوك لاحول لي ولاقوة يارب واكررررر يارب اللهم ارحم ضعفي وقلة حيلتي وهواني على الناس وانا ادعي الله ألهمني استشعر الدعا واستشعر هواني وضعفي بين الممرضات واقوى دفعتين وطلع ياااااااااه بس ياه مادري وش اقول الا الحمدلله على رحمات الله وصمت تام لابكيت لاضحكت ولاشيء وسمعت البكاء واخذوه ----- بخصوص الخياطة وماحصل هذي حكاية لحال غير قابله للنشر الا اذ خلصنا التجمع هههههه لانها دمار نفسي وجسدي علي لايوصف حاليا اتمنى ماخوفتكم بس كتبت الحين عشان تكثرون دعاء واقرو عن اليقين تعلمي تدعين بيقين حاليا ادعي ربي يرزقك اليقين بالدعاء دايم ادعو ان الله يرزقنا اليقين دائما

احم 😊 اولا الحمدلله على التعب وعلى التساهيل وعلى الاجر حاليا مافيني نوم وقلت اطل...

borbolita :

والله سؤالي محرج بس بسأله 😗 عندي الم مره بفتحه الشرج تكرمون جاني اذكر بعد ولادتي زمان و جاني بالخامس 😭 وش الحل معه تعبت منه

والله سؤالي محرج بس بسأله 😗 عندي الم مره بفتحه الشرج تكرمون جاني اذكر بعد ولادتي زمان و جاني...

borbolita :

الله يرزقنا اليقين و يرزقنا استجابه الدعاء و يرزقنا الولاده السهله و يرزقنا المولود المعافى و يقر عيوننا بهم دعواتكم لنا 😁 ماش الاخلاق قافله اليوم و امس معصبه بدون سبب اروق عشر دقايق و باقي الوقت منفسه مع انه باقي عن الولاده كثير ها بنات عادي اجرب اناناس و كذا لاني ودي اجرب اشياء بحكم اني خايفه امشي من نزول المشيمه ف ابي اسوي لي اشياء بالبيت بس اهم شي مو قرفة و مدري ايش خخخ

الله يرزقنا اليقين و يرزقنا استجابه الدعاء و يرزقنا الولاده السهله و يرزقنا المولود المعافى و يقر...

صدفة حياه :

ابشركم فكينا الشاش لولدي 😅 زوجي تولى المهمه بعدما غطسناه بمويه دافيه .. الحمدلله هم وانزاااااااح .. وكل اللي نصحوني بزيت الزيتون مشكوريييييين الله لايحرمكم الاجر .. فعلا كان رهيييب حتى انه مانزل دم من المكان اللي كنت اغرقه بالزيت يوميا ..وجزء بسيط من الشاش كان مايوصله الزيت بشكل كبير هو اللي كان ينقط دم >>>>طبعا جاني هبوط ف الضغط اول ماشفته كذا 😥 لكن الحمدلله عدت ع خير ..

ابشركم فكينا الشاش لولدي 😅 زوجي تولى المهمه بعدما غطسناه بمويه دافيه .. الحمدلله هم وانزاااااااح...