غيوم ☁️ :

السلام عليكم الحمدلله الذي بنعمته تتم الصالحات رجع النت عندي اخيراً 😜 تحسبوني ولدت بعد هالغيبه ابشركم صامله ماعندي نيه قريبه😝😩😩

السلام عليكم الحمدلله الذي بنعمته تتم الصالحات رجع النت عندي اخيراً 😜 تحسبوني ولدت بعد...

تفاصيل منسية :

ام التوت قصدك قرفصا من التاسع والا اثناء الطلق؟؟ اخ انا احاول اسويها اطيح ع ظهري😁😣

ام التوت قصدك قرفصا من التاسع والا اثناء الطلق؟؟ اخ انا احاول اسويها اطيح ع ظهري😁😣

اخوات للأبد :

السلام عليكم ورحمة الله وبركاته ولله الحمد والمنه من قبل ومن بعد رزقت بأبني علي اللهم انبته نباتا حسنا وجعله باراً بوالديه زغرطي يانشراح 💃💃💃💃💃💃 ولدت اليوم الساعة ٢ ونص ان شاء الله اصحصح وارجعلكم بالأكشن الجميل ومانسيتكم من دعائي حتى اللي ولدوا من قبل دعيتلهم ودعيت لاطفالهم

السلام عليكم ورحمة الله وبركاته ولله الحمد والمنه من قبل ومن بعد رزقت بأبني علي...

نوتيلااااااااا :

كيفكم بنات يارب تكونو بافضل حال المنتدى يعلق معايا الف مبروك لكل اللي ولدو تعبانه يارب لك الحمد على كل حال والله اغسل اغراض البيبي واجهزها وبس ابكي يارب تخيب ظنون الدكاتره ويطلع سليم معافى

كيفكم بنات يارب تكونو بافضل حال المنتدى يعلق معايا الف مبروك لكل اللي ولدو تعبانه يارب لك الحمد...

قلب العصفوره :

صباح الخير الله يسلم ويبارك في كل من هناني وبارك لي ومبروك لكل الوالدات ومبروك ام التوت وروح الورد ويسافيه طول الوقت افكر فيكم الحمد لله ع السلامه وعقبال الباقي بولاده سهله ميسره بحاول اكتب لكم اكشني وبأقول فيه الاشياء الا استفدت منها لعل وعسى تنفع غيري بها وتتسهل ولادتها حكيت لكم انه يوم الاثنين رحت للدكتوره وقالت لي اشرب يانسون وعسل عشان انام كويس واتدهن زيت زيتون وحبه البركه وشربت ملين والرحم كان مفتوح ٤ سم ثاني يوم الثلاثاء فيه الم خفيف رايح جاي وضيقه فضيعه في صدري اعوذ بالله ابغى اولد وارتاح خاصه بعد ماشفت جلنار ولدت 😂😂 قلت اللي بعدي بدأو يولدون وانا لسه بأكل التاسع كله وياعالم متى اولد وتعبانه من الثقل والم عظام العانه ومو قادره حتى امشي الحمد لله الله يكتب الاجر قلت خلاص مافي ولاده اليوم توقعت الالم يزيد بس للأسف مازاد بارد جدا انتظرت حتى الساعه ٣ الظهر يبدأ دوام الدكتووه وقلت اروح لها بس عشان اسألها هل استمر في الملين وحتى متى استمر رحت الساعه ٢ ونص عشان اخذ رقم بدري وصلت المستشفى على ٣ وعشر بالضبط اول مادخلت استقبلوني الممرضات اهلا يافلانه منتظرين دخلتي ههههههه تحسي بشي نزل مويه او دم قلت ماحس بشي الا بألم خفيف رايح جاي ومافي مويه ابدا بس امس ١٢ الليل نزل لي مخاط كثير مع دم واشياء بنيه مخلوطه اعزكم الله شفت قبلي ١٢ وحده ساحبه رقم قلت لها ماراح انتظر ذا كله دخليني اول وحده اول ماتجي الدكتوره على اساس اطلع منها بروح الكورنيش ع العصريه امشي شويه قالت لي ادخلي هالغرفه ارتاحي حتى تجي الدكتوره تشوفك الغرفه غرفه ولاده طبعا لاني انا في مستوصف صغير خاص مو مستشفى المهم وادخل اتمدد شويه ع كرسي التنويم العادي وبجنبه كرسي الولاده وسرير النونو وعده الولاده اتصل زوجي كيف الوضع قلت منتظره الدكتوره تشوفني انتظرني شويه قال بروح اصلي العصر قلت تمام الدكتوره دوامها يبدأ ٤ ونص وانتظر وانتظر خلال الانتظار قرأت سوره مريم وورد الولاده وتحصنت واستودعت الله نفسي وجنيني ولحميتي اللي خايفه منها لاتنزف ع الساعه ٥ بالضبط جوني الممرضات من دون ماشوف الدكتوره عطوني حبه تحت لساني وركبو لي المغذيه وكانت كبيره شويه قالت الممرضه لازم عشان هذا ولاده يكون كبير تشنجت لحظات كيف ولاده وماعندي الم اكيد بتعطيني طلق بس قلت مو مشكله اهم شي ارتاح انا ماعرف ايش الحبه اللي تحت لساني بس بعدها بدأ الطلق يسخن شويه وينتظم بس محتمل يعني عادي وقت الطلقه اقوم امشي او اتكلم جوال ماحد يحس بشي وادق ع شغالتي اقول لها لاتجين اليوم قالت فيك شي ياماما كيفك انت قلت الحمد لله تمام بس بطلع السوق قالت اوك تمام وانا اساسا طلعت للمستشفى وماحد معي لا امي ولا اختي ولا ام زوجي ولا احد ابدا لان المستوصف صغير والغرف قريبه ع الاستراحه ومابغى احد يسمعني او يدخل عليه ابدا لاني اكون في وضع كارهه نفسي وانا من النوع اللي استحي ومابغى صورتي الجميله تخرب في عيونهم المهم من الساعه ٥ انتظر وانتظر وانتظر وين هذي الدكتوره تجي تكشف ولاجت لانها ماسكه حالات بره بس عندي الممرضات داخلين خارجين يسألوني كيف الالم وانا اقول لهم شد شويه وعطوني شي في المغذيه وحقنه شرجيه عشان ينظف البطن وسألتها قالت لي عشان يلين عنق الرحم لانه سميك شويه وانتظر حتى ٧ والالم مثل ماهو وشرفتني الدكتوره اهلا وسهلا تجنن وروحها مرحه وحبوبه قالت بكشف وتكشف وتشوف قالت بفتح المويه وتفتحها بأيدها وتضغط بطني مع الممرضه وتنزل المويه وفيها براز النونو طلع الاخ متبرز من حبوب الملين اللي شربتها قبل بيوم قالت عادي انت بتولدين اصلا مايأثر وطلعت وقالت لي الالم حيزيد تحملي ويبدأ الجد يابنات اه عذاب الطلق وحده ورى الثانيه وكل وحده اقوى من الثانيه لدرجه ماقدرت اوقف ع رجلي وكانو الممرضات حولي حبوبات وهاديات ومحترمات شالوني ع كفوف الراحه خاصه وحده مصريه تجنن اصيح اقول لها جيبي لي مويه حاره قالت حاضره خلصت الطلقه قالت عاوزه مويه حاره ليش ـ قلت لها مادري هههههه طنشيني بس حتى اولد ـ قامت تضحك مره صبرو عليه حتى ربي ريحني وقت الطلقه يابنات لاتصيحون ابدا حاولت بشمي ورده وطفي شمعه والله مافادني الالم كان قوي مررره مايحتمل وماتبغين الا تصيحين عشان يخف فصيحي لاتكتمي نفسك بس صيحي بلاله الا الله سبحانك اني كنت من الظالمين كرريها بصوت عالي حتى تختفي الطلقه واللي وراها حسبي الله عليه توكلت وهو رب العرش العظيم وكرريها حتى تختفي الطلقه وشوفي العجب العجاب كيف في التيسير والتسريع صح عذاب والم بس راحه نفسيه عجيبه تتنزل عليك من السماء وتقريبا نص ساعه حسيت بدف وماحد عندي وانا لسه ع كرسي التنويم وانادي ياسستر وتجي جري اقول لي هيه دفه وتكشف قالت باقي ٧ سم قلت لها كل هالعذاب ولسه ٧ قالت والله سبعه اصبري شويه وتطلع تتكلم مع مريضه بره وتجي لي طلقتين ورى بعض وانا اصيح بلاله الا الله سبحانك اني كنت من الظالمين واحس بدفه وانا ياسستر وتجي ركض قلت لها دفه شوفي والله انا صادقه وتشوف قالت لي ماشاء الله ٨ وراس البيبي حاشر تحت وضاغط بقووه صدقيني حيطلع بسرعه لما تروح الطلقه يختفي الدفع واجلس استغفر وتجي لي يمكن ٣ طلقات بينهم دقيقتين تقريبا واصيح بنفس الذكر اللي ع لساني لاله الا الله سبحانه اني كنت من الظالمين ويجيني دفع وانادي ياسستر وتجي ركض اقولها شوفي وتشوف تقول لي ماشاء الله ٩ يلا ع كرسي الولاده وتطلعني العامله ع كرسي الولاده والسستر تروح تنادي الدكتوره وتجي ركض وتخاصمهم تقول لهم البيبي صغير ليه ماتنادوني قبل ٩ وتجي تعطيني ابر بنج في كامل المنطقه وتكشف تقول لي ٩ قلت لها افتحيه بإيدك ماتت ضحك قالت اول ماتجيكي طلقه وتحسي بدفع ادفعي واذا قلت لك وقفي وقفي قلت اوك جلست تقرأ عليه سوره الزلزله وادعيه وكم ايه وتلعب ببطني وتضغطه ع تحت شويه وجتني الطلقه وعينها ع الجهاز شافت الطلقه تقول يلا دفي وانا ادف بكل قوتي بنفس واحد ماشاء الله طلع الراس وحطت ايدي عليه وانا استحلفها بالله تشقني خايفه لو انشق عشوائي وهي تضحك تقول خلاص شقيتك وحخيطك خياطه تشكريني عليها مدى الحياه طبعا فيه فرق في السعر بين الخياطه العاديه اللي مع الولاده والخياطه اللي عملتها لي ب١٠٠٠ ريال وتجي الطلقه الثانيه ويلا ادف وتطلع الكتوف ويعلق الجسم شويه والممرضات يدفو من بطني وهي تسحب وبالغصب طلع قالت الحبل السري لافف ع الرجل عشان كذا كان شاد البيبي لفوق وطلع النونو اذان العشى بالضبط ع الساعه ٨ وشفته صغير وقصو حبله السري وشالته دكتوره الاطفال وراحت تضبطه واشوفه تعطيه ابر وتنظف له وبدأ رحله العذاب الثانيه رحله الخياطه واقول لها انا تعبانه والم في بطني والمنطقه كلها واحمه مابغى خياطه الان قالت لي شوفي المسكن الان حطوه في المغذيه ماراح تحسي بشي بعد ١٠ دقايق قلت لها شوفي لك كم حاله بره وارجعي لي قالت مستحيل اخليك جرحك مفتوح وينزف وانا ابكي واحمد الله حمد يليق بجلاله وهم احترمو هاللحظه وكانو ساكتين وخلوني ابكي حتى ارتاح بعدها قامت الدكتوره تلطف الجو وتتحمد لي ع السلامه وتشكر الواهب وتبارك الموهوب وبنجت كل المنطقه مره ثانيه بالابر واشتغلت ساعه خياطه تقريبا والحمد لله خلصنا وقامو الممرضات شالوني ع الحمام نظفوني وغيرو لي ملابسي ودخلوني غرفه الانتظار مقابل غرفه الولاده ودخلو حاله ثانيه بعدي ولاده وليتهم مادخلوها مارتحت ولاتهنين من وقت دخلت وانا ابكي حتى طلعت ،، ام البنت تبكي وانا ابكي اتخيل منظر العذاب اللي تعذبته والشق والخياطه وانا اسمع صياحها وادق ع امي ابشرها اني ولدت ماصدقتني لانها الساعه ٢الظهر تكلمني وانا مافيه شي واختي كمان كلمتني ع الواتس وماقلت لها بشي ، وزوجي بشر اهله وراح جابهم وجاب بناتي يشوفون النونو في المستشفى جلست في الانتظار ٤ ساعات وطلعت البيت بخصوص اللحميه الحمد لله كويسه ولانزفت ولاطلعت وقت الولاده وهيه قالت لي لاتقلقي لو نزفت راح اشيلها لك واكويها واذا مانزفت نتركها لوقت تركيب اللولب نشيلها ونكويها ونركب اللولب ومافيه اي الم راح يكون اخر شي انصحكم فيه الذكر يابنات والادعيه تسهل لك الولاده وتسرعها بشكل عجيب الساعه ٧ بدأ الطلق النار بعد شق الكيس وولدت ٨ الرطب لاتتركوه في يوم واحد اكلت تقريبا كرتون هههههههه وقت الطلق خليكي ع الجنب اليمين او اليسار لان الحوض يكون يتوسع لو ع الظهر يقل الحجم بنسبه ٣٠٪‏ فالممرضه مركزه انه اكون يايمين او يسار فاجأتني الدكتوره بعد الولاده انه شقت الكيس وكان مفتوح ٣ سم فقط رغم انه كان قبل بيوم ٤ قالت قفل وشكلك جيتي وهو مقفل دخلت الولاده وضغطي مرتفع من الخوف والتوتر شكله هو اللي قفل الرحم بس مادري كيف هبط يمكن بالحبه اللي تحت اللسان او من المغذي اهم شي انه انخفض هذا قصتي ويمكن طولت شويه بس هالله هالله بالذكر والدعاء يابنات والله يسهل ويهون عليكم يارب ويجعلها برد وسلاما استودعكم الله ولي رجعه لكم بإذن الله

صباح الخير الله يسلم ويبارك في كل من هناني وبارك لي ومبروك لكل الوالدات ومبروك ام التوت وروح...