زهرة التوليب ١٢٣٤ :

يارب انزل السكينه ع قلوبنا واجعل ولاداتنا بردا وسلاما علينا كما جعلت النار بردا وسلاما على ابراهيم اجمعين يارب💔

يارب انزل السكينه ع قلوبنا واجعل ولاداتنا بردا وسلاما علينا كما جعلت النار بردا وسلاما على...

Dhana22 :

اعذروني يا بنات ما اقدر ارجع اجاوب على كل وحده واستأذنكم من التعب والألم المستمر حتى النفسيه مقفله

اعذروني يا بنات ما اقدر ارجع اجاوب على كل وحده واستأذنكم من التعب والألم المستمر حتى النفسيه...

اتجاه الخيررر :

وسعوووو للعرووسه الثانيه جتكم تتمخطر ابشركم بحمدالله ونعمته اليوم ولدت بالسلامه وجبت بنوووته يارب لك الحمد والشكر كما ينبغي لجلال وجهك وعظيم سلطانك وعقبالكم جميعا بولاده سهله ميسره يارب العالمين

وسعوووو للعرووسه الثانيه جتكم تتمخطر ابشركم بحمدالله ونعمته اليوم ولدت بالسلامه وجبت بنوووته...

اتجاه الخيررر :

بالنسبه للاكشن طبعا البارح ماكان عندي اي اعراض ولاده ونمت الساعه 2 وقمت الفجرعلى الم خفيف كالعاده وقمت تسبحت تسبيحه من قلب كاني حاسه اني بولد هههههه بالخلطه الصابونيه وبعدها رطبت جسمي كامل وصليت الفجر واخذت كوب مويه دافي مع ملعقه عسل وبعدها افطرت وغسلت ملابس وسويت كم شغله وعلى 6 بديت احس بالمغص بس مو منتظم متباعد وانقع رجولي بمويه دافيه واقرى سوره البقره وانا رجولي في المويه ولما خلصتها نفثت على مويه وعلى زيت الزيتون وسخنته ودهنت بطني وظهري واشرب من المويه هذي وامشي في البيت وبدى الالم يتقارب بس خفيف يعني ماادري هو طلق حقيقي والا كاذب واذا جاء الالم سويت القرفصاء واذا خف امشي الى الساعه 9 والالم مااختفى وكل ماله يزيد قمت صحيت زوجي وجري على المستشفى من حسن حظي انه يوم الجمعه الشوارع فاضيه ومواقف السيارات فاضيه قال زوجي اجيب لك عربيه قلت لا بمشي احسن وامشي احس البيبي نازل مرره ودخلنا قالو مافي سرير انتضرو شوي وانتضر وخايفه لاتنفك المويه والا شي لان الانتضار في سيب وفيه حريم ورجال واشوى ماطولو ونادوني ودخلت وركبو التخطيط وكشفت الممرضه والمفاجئه فاتح ماشاء الله 4 سانتي باالم خفيف سبحان الله والله فرحت واحمد ربي قلت دام وصلت هالمرحله مابعدها هين ولما خلصو التخطيط قالو نبضات قلب الجنين فيها تسارع انتي عندك اللتهاب او حرقان قلت ايووه يجني من فتره لفتره المهم دخلوني على غرفه الولاده والالم لازم خفيف لايذكر وجت دكتوره سعوديه عاد تسئل الاسئله المعتاده قلت لها في طلق في الجهاز قالت ايووه بادي معاك الطلق ماتحسين قلت خفيف المهم لما جت 12 فكو كيس المويه وكان فاتح 5 وبعدها بدى الجد والطلق القوي وكل طلقه اخذ نفس واقول يلا قربتني من الخلاص وشويه بدى الدف معاي ومافي احد بالغرفه واصرخ واناديهم وجت ممرضه قالت باقي ماما تناضر في الجهاز وانا خلاص ادف احس البيبي بيطلع قالت لاباقي وترووح وتجيني طلقه ثانيه وانادي وتجي نفسها اصلا ماهي مسئوله عني عن اللي مقابلتني وفتحت رجولي قالت باقي وانا خلاص احس البيبي بيخرج واعرف طلق الدف وقلت وين الممرضه خليها تجي وراحت تناديها وجت قلت لاتروحين انا خلاص ولاده وقلب وجهها مااعجبها كلامي مع انها حنونه قالت باقي وتفتح وتناضر الا راس البيبي خلاص بيطلع وتقوم هي واللي معها ويضغطوون ويقولون دفي ياماما هذا راس هنا وادف ادف ماقدرت احسه توقف في المنطقه وتجي طلقه بعدها وادف المهم يمكن خمس مرات ويلا طلع الراس اااااااااه من ذيك اللحضه بعدها حسيت بالعافيه واحس مثل النار في المنطقه والحمدلله شفت بنتوتتي وهي تبكي وشالوها ونظفوها ونزلو المشيمه وبعدها جابوها لي ياقلبي تناضر فيني صغنوونه نتفه وزنها كيلوين واربع ميه وبعدها اخذوها الحضانه والحمدلله كان اسهل احمل واسهل ولاده ربي يسرها لي من كل النواحي وكانت هذي دعوتي كل رمضان يارب ترزقني الولاده السهله الميسره

بالنسبه للاكشن طبعا البارح ماكان عندي اي اعراض ولاده ونمت الساعه 2 وقمت الفجرعلى الم خفيف كالعاده...

اكتوبريه :

ماشاء الله اكشن اتجاه الخير يجيب التفاؤول وحبيت اذكر لكم الاكشن حقي لانه مقارب لاتجاه الخير بدت معي الالام من الساعه ٨ مساء بس الم خفيف عادي وكانه طلق كاذب وطلعت مع اختي السوق لانو ودي امشي الساعه عشره بدا الالم يشتد رجعت البيت وظليت امشي داخل البيت .. الالم مستمر لكن مو منتظم ولا ادري هو طلق ولاده او كالعاده طلق كاذب لانه خفيف واقدر اتحمله الساعه ١ باليل سويت كبو قشور بصل مع كمون وشربت مويه منقوع فيها زعفران بعدها نعست ونمت الساعه ٢ تقريبا صحيت الساعه ٥ الفجر على الم بديت احسب له منتظم كل ٥ دقايق بس كان الم اقدر اتحمله يعني بالبطن فقط ما وصل للظهر وطلعت المستشفى وصلت ٦ ونص. فحصت وقالت مفتوح ٥ سم وطلعوني للولاده. جت الممرضه وحطت التخطيط وتقيس نبضات القلب وانا الالم مستمر بدا يصير في بطني وظهري واشتد علي. واقولهم احس اني بدفع وهي تقول لا انتظري قفلي رجولك تبغى تاخذ تخطيط. طبعا مو بكيفي اوقف البيبي يدفع وفتح موية الراس من الطفل دون تدخلهم واصيح اناديهم خلاص طلعت وصرت ادفع جت الدكتوره وانا ادفع ويلا بوووش وطلعت بنتي الجميله ،،، سبحانك يا الله لحظه خروج الراس شعور راحه لا يوصف اللهم لك الحمد من قبل ومن بعد ... وخلاص بعدها طلعت المشيمه .. الحمدلله ما صار عندي جروح ملاحظتي لما طلعت لغرفة الولاده كانت بدت معي الطلوق اللي بالبطن والظهر طلبت مسكن ورفضت قالت لازم اخذ تخطيط قلب البيبي لمده عشرين دقيقه ثم اقدر اعطيك المسكن طبعا وانا اهاوش خلاص مت. يعني ما خلصت العشرين دقيقه حقت التخطيط الا وانا والده الحمدلله. خلوني بالغرفه تحت الملاحظه مدة ساعتين لان معي عمليه سابقه ويبون يتطمنون ان وضعي تمام. بعدها طلعت للغرفه دعيت للجميع الله يكتب لكم الساعه الهينه والولاده السهله يا رب

ماشاء الله اكشن اتجاه الخير يجيب التفاؤول وحبيت اذكر لكم الاكشن حقي لانه مقارب لاتجاه الخير...