أحب هدوء البحر :

مساء الخير احكي لكم الأكشن تبعي بالبداية كنت اخطط اولد بمستشفى خاص واقتنع زوجي وقال السبت نروح نفتح ملف وادخلي على الدكتورة يوم السبت الصباح خرجنا للمستشفى وفتحت الملف وكان عندي تقرير بكل شي يخص الحمل (من المستوصف اللي اتابع فيه الحمل) المهم ان ماكان في مجال ادخل ع الدكتورة لأن زحمة فقالت لي موظفة الاستقبال اذا في شي ضروري ادخلي الطوارئ رحت الطوارئ وبالبداية شافوا الحرارة والوزن والضغط .. كان الضغط مرتفع كثير مع العلم ان عمري ماعانيت من الضغط ولا اعرف السبب في ارتفاعه على طول قالوا لازم ولادة و دخلوني غرفة الولادة وانا ماكان ببالي هالشي وماكنت مستعدة وزوجي كان معاي عطوني طلق صناعي على الساعه 9ونص صباحا .. وبدأ الألم كان محتمل بالبداية على الساعه 3 جت الدكتورة تفحص قالت مفتوح 3 سم قلت لهم ابغى ابرة الظهر لأن اعرف الطلق الصناعي مايمزح بالنهاية الساعة 4 جت دكتورة التخدير ورفضت تعطيني الابرة .. تقول انها شاكة بوجود اوعية دموية بنفس الفقرة قالت مابدي اجازف لحتى مايصيبك نزيف او شي ثاني قلت لها اعطيني الابرة بمكان ثاني فوقها او اسفلها قالت لا ماقدر لان احتمال يصير نفس الشي .. وقالت لي انتي ولدتي مرتين بدونها خلاص اولدي كمان بدونها وهيا مش ضرورية اصلا وخرجت من عندي .. الساعة 4 و نص كان الطلق قوي جت الدكتورة تفحص وتصدمني تقول مفتوح 3 خرجت وانا اعتصر من الالم وزوجي يقول ياليت الالم فيني ولا فيك على الساعة 6 جت الدكتورة المناوبة قالت تبي تفحص قلت لها لاتتعبي نفسك اكيد ماتغير رغم ان الالم قوي قالت بفحص وبشوف فحصت قالت 5 قلت الحمد لله تقدمت شوي وفكت كيس الموية وراحت والالم زاد مرة قوي وطول الوقت كنت ادعي واذكر بنات التجمع ودعيت لكم وفجأة حسيت بالدفع شافتني الممرضة ونادت الدكتورة وفحصت الدكتورة قالت 10 وانا استغربت وهي بعد مستغربة قالت من شوي كان 5 ماشاء الله وصل 10 ظليت ادفع مع كل طلقة وخرج ولدي للحياة واول ماسمعت صوت ولدي نسيت كل التعب والالم وشفت الفرحة بعيون زوجي دعيت ربي يرزق كل من يتمنى الذرية صار تمزق بسيط من الخارج.. و الحمد لله على سلامتنا عقبالكم بقية بنات التجمع ربي يرزقكم بولادة سهلة ميسرة .. وان شاء الله نقرأ تباشيركم كلها تباشير سعادة

مساء الخير احكي لكم الأكشن تبعي بالبداية كنت اخطط اولد بمستشفى خاص واقتنع زوجي وقال السبت نروح...

أسعد فتاه بالعالم :

صباح الخير احكي لكم اكشني 😅 الله يسلمكم طول الاسبوع وانا حاسه بثقل زياده في الحوض والطلق الكاذب يروح ويجي .. بس ما اهتميت لانه من الثامن معاي الويكند وصلت حدي من الظروف والتعب والتاسع باقي يوم ويخلص😭 قلت بأشد حيلي بكل الاسباب مشيت وقرفصاء ودرج ومشي على الرمل شربت قرفه ويانسون وعسل وزعفران واناناس (للأمانة ..لحد يسويها الا اللي مثلي قد جربتها قبل وما أثرت فيها لأنها تعطي مفعول قوي على البعض) كنت ابي الطلق ينتظم لانه يجي بس شوي ويختفي السبت من اول ماصحيت كان طلقي منتظم بس بااارد على العصر اختفى .. طلعنا من البيت قضينا مشاوير .. وبعد المغرب بس طلعت السيارة ويرجع الطلق منتظم وقوي .. إول مره اجرب الطبيعي😭 كل ماجات طلقه صحت في زوجي روح المستشفى واذا خفت اقوله لا خلاص نروح البيت اول ننزل الاغراض والعيال عند جدتهم وبعدين نروح كذا مرة اخر شي هاوشني حددي وين تروحين لعبتي فيني😂💔 رحت البيت ونفس الشي اختفت الطلوق ..صليت العشا وجهزت نفسي قلت لزوجي نروح نتطمن احسن دخلت على ١٠ كشفت لقت الرحم فاتح ٣ والطلق منتظم كل ٥ دقايق .. بعدها قالت امشي ساعه وتعالي نقيس .. مشيت وعلى ١٢ فتح ٤ ومازال الطلق الحمدلله طلبتهم ابرة ظهر وانا كنت رافضتها بس كان فيني خوف وتوتر غريب ربي سخرلي قابله حنوووونه وبالها طويل الله يسخرلكم مثلها واحسن يارب⁦❤️⁩ حتى زوجي اللي كان رافض يبقى معاي للولادة سبحان من سخره وارتاح لها وقعد معاي مفعول ابرة الظهر للاسف كان خفيف وقبل الولادة احس انه خلص واطلبهم زيادة تقول مايسير عشان تقدرين تسوين بوش 😒 طيب هذي اهم لحظه ماكنت ابغى أحس فيها واكثر لحظه تعبت فيها .. تجيني طلقتين واحاول ادفع وبعدها يبرد الطلق وانتظر من جديد المشكلة الراس كان نازل ما اقدر اصك رجلي او انزلها ومع ابرة الظهر احسها ثقيلة وانا ماسكتني رعشششه قويه من الخوف الحمدلله على ٦ ونص الصباح تقريبا ولدت وانتهت رحلة الوهن على وهن وعقبالكم يارب القابله تركتني أولد بدون تدخل وهذا اللي تعبني للاسف مع طلوع الراس انفكت الخياطات القديمة وسار عندي شق داخلي وخارجي ما سألتها كم غرزة بس ملاحظه حركتي خفيفه ان شاءالله مو كثيرة.. طول الوقت وانا اردد لا إله إلا انت سبحانك اني كنت من الظالمين واقرا على نفسي .. من يوم الجمعة وانا ادعي الله واطلبه الفرج القريب⁦❤️⁩ والحمدلله فرجت علي صبح الاحد .. والله يفرجها عليكم حبايبي بأحسن وأيسر ولادة

صباح الخير احكي لكم اكشني 😅 الله يسلمكم طول الاسبوع وانا حاسه بثقل زياده في الحوض والطلق الكاذب...

m's noof :

الله يفررج لكم ويقومكم بالسلامه انتم واطفالكم ... شلت همكم الله يفرجها عليكم يارب ويجعلها برداً وسلاماا ... جاني مغص لما قريت تخطيطكم لتسريع الولاده وتذكرت الكشف والتحريض 🤢😩

الله يفررج لكم ويقومكم بالسلامه انتم واطفالكم ... شلت همكم الله يفرجها عليكم يارب ويجعلها برداً...