هذي القصة أمي قالتها لنا : تقول كان فيه حرمة عايشة مع أهل زوجها وجت مرة ودخلت على أم زوجها ولاها تدهن شعرها بالمزيل (كريم مزيل الشعر وكان شي جديد عليهم) وتردد (أقول عطيني كريم أدهن شعري وتقول ماعندي) تقصد زوجة ولدها عاد قامت فهمتها وش يكون هذا وخلتها تغسله بسرعة وأكيد مايخفى عليكم الشعر اللي طاح بعد ماغسلته بس الحمد لله ماهو كله (علشان تترك اللقافة) .
هذي القصة أمي قالتها لنا : تقول كان فيه حرمة عايشة مع أهل زوجها وجت مرة ودخلت على أم زوجها ولاها...
انا مره من المرات كنت اتمشي بالخيام واشوف المعروضات وكان اصغر ولد عندي بست سنين وكنت حامل بشهر الخامس المهم وانا اتمشي وي بنياتي كبار اللي التف ولدي مو فيه وربي حسيت قلبي طاح بطني من الخوووف
الله لايعيد هذيك الايام والتف يمين يسار ولدي ضاع وهاتك ياركض ولاادري عن نفسي عاد تدرون كيف المخيمات كلها اسياب وتدورين بنفس المكان وزي المجنونه اركض وابكي وبطني يهتز هز
خخخخخخ وربي ماحسيت بنفسي غير اسال بالناس شفتو ولدي واحد من العمال جزاه الله خير قال في ولد ضايع ودينها عن السكرتي اصلا مسرعهم القطوه ودوه مايمديه ضاع عدل
حريصه بس سبحان الله
واركض يوم شفته كاني شفت الجنه استغفر الله وهاتك ضم وحب وحنان قدام الناس
يحسبوني اصور مسلسل خخخخخخ
وتوبه اضيعه بعد كذه كانت اول مره واخر مره بإذن الله
دائمآ وهو رجال الحين يدي بيده.
والمسكين اللي ببطني سبحان الله كمل التسع شهور ومات بطني والحمدالله ع كل حال