--------------------------------------------------------------------------------
السلام عليكم ورحمة الله وبركـــــــــاته
تنهد محمد بشدة و هو يقود السيارة و بجانبه زوجته .. وسالها شفتي ذيك اللي في المحل وشلون تحاكي الرجال اللي معها؟؟:arb:
تبينه رجلها ولا مخاوتيه؟؟
إلا رجلها شايفته يوم يلبس الولد جزمته بعد ما قاس عليه البنطلون.
تجاهل ملاحظتها بالنسبه للتلبيس و تسائل بغباء:
وشلون؟؟
الزوجه:وش قصدك ..وشلون؟؟
ماسمعتيها وهي تقول شوف هالقميص حبيبي لونه حيصير يعئئد لما تلبسه مع الجينز الكاكي من شان خاطري جربه ياروح ألبي.
وش يضركن لو تسوون مثل هالأجنبيات..لطافة و شياكة وحتسين يالله من فضلك
الزوجه:
أولا :لو أقول لك ياحبيبي في المحل وطيت رجلي ..
ثانيا الحريمه لابسه بنطلون جينز محكك ماشفت فيه أي بادرة شياكه
و بعدين تعال وراك خليت كل شي وماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها ..
ياما قاس اللبس على الولد ياما لبسه جزمته ..ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير...
مهوب مثلك أن كانك ذاك اليوم رايق و ذابحتك الرومانسية قلت إذا قضيتوا تراي واقف برا أحتريكم..
ياعمري وقلبي أنت تبي من يقول لك ياحبيبي و ياروح ألبي..ما يحصل ..
اللي أوله شر آخره نور ..شكلك نسيت يوم تقول لي أيام الملكة .
ترى إذا قلت لك يا حلوة وحنا نتناقش لا تصدقين ..أنا دايم أقولها من باب السخرية و التهكم و لا أقصد فيها المدح أطلاقا..
ما أقول إلا الله كلن يخليه لعميره و أهيله ..والله لا قايلة لك يا عمري ولا يا روحي..
الحب أحبك ..مانيب كاذبه بس هالكلمات يالله أقولها لعيالي إذا صخنوا...
حقيقة مع اني بنت و أفتخر
إلا أن الشغلة فيها سماجه شووي
أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك.
صراحة ...أشك أن السالفة أنكم بحاجة لكلام ناعم و ألقاب فقط (وأدري أن كل الموضوع حجة لتبررون به حبكم للأجنبيات الجميلات فقط ).. ولا هاذي فوزية الدريع طول برنامجها وهي ياعيوني و ياعيوني ..'كن منكب فيهن رماد 'و ما شفناكم مقابلين برنامجها
القضية قضية وش شكل قائل الكلمة ؟؟
* تبي زوجتك تحترمك وتغنج لك و تقول لك سم ولبيه و انت ردك عليها هااه
بمعنى نعم أو وش !!
يا حليلك يالرجل عجيب وغريب و جرئ
*غريب ..تبي زوجة أقدامها ناعمة وركبها بيضاء وانت رجلينك كن الوحدة محراث تنور ..واقدامك الشطب الواحد ممكن توزي فيه سكينة
*عجيب..تبي زوجة تلبس جينز و تتشيك لك بتنورة وانت أربعة وعشرين ساعة صيفا و شتاء تدير و تاكل وتنام في اللبس الرسمي فنيلة بيضاء نص كم و سروال سنة .. ومهما شرت لك المسكينة من بيجامات من تخفيض دبنهامز أو ماركس و سبنسر ما لبستهن (هي تشتري مخفضة ليس تقليل من قيمتك و لكن لأن الأمل ضعيف في انك تلبسهم )
ياشباب!!
أنا متاكدة أن مافيه أنثى بتقول لها حبيبتي وترد عليك بجفاف ..
الأنثى معطاء جرب تعطيها حنان و بترد لك أكثر .
الشي الثاني يا أبني لو أنت تشيكت و لبست داخل البيت مستحيل أم العيال بتجلس في خلاقين أو بس أقل من اللي انت لابسة ..أصلا طبيعة الأنثى غيور و بتجاريك في لبسك تلقائيا يأما حتى ترتقي لمستواك أو_ عشان ما تعرس
ذكرت سالفة طريفة و هي سالفة أم علي للي جتها جلطة عندما قال لها أبو علي ياعيوني بعد 40 سنه من الحياة الزوجية ماكانت تسمع فيها الا ياهيش و يامره .. و عندما سألوا أبو علي عن سبب التغيير المفاجئ ..أجاب :
بلاها والله بقرة ولا هل يعقل أني بعد 40 سنه أبي أقولها ياعيوني ؟؟ ماطرت علي ..بس ذا الخبلة أقول لها ياعيوني ذبحها اللقاح حق النخل وهي اللي طارت بالعجة و حسبتني أنهبلت و بديت أقول لها يا عيوني ..
الله ياخذ الروح قبل المكروه
حب حرمتك أكثر مما تحبك وتشيك لها مثل ماتبغاها تتشيك لك تشوف أكثر من اللي تتمناه
منقـــــــــــــــــول من الايميـــــــــــــل
اللي عنده رأي يسدحه فيـذا
وأتمنــى أشوف آرائكم
يلزم عليك تسجيل الدخول أولًا لكتابة تعليق.
صحححححححححححححححححححححححححححححححححححححح
ذبحونا وهم يقولون يا حلات الفنانة فلانة
وياجمال هذي اللي مدري من وين
والله شكلي يوم بقول له كلمة في الصميم
والله ودي امدح ممثل والا واحد في الشارع
عشان اشوف وش بيكون احساسه
صراحة يا رجال الخليج مع احترامي فيكم سماجــــــــــــــــــــــــــــــــــــــــة
وجلافــــــــــــــــــــــــــــــــــــــة احاسيس
ذبحونا وهم يقولون يا حلات الفنانة فلانة
وياجمال هذي اللي مدري من وين
والله شكلي يوم بقول له كلمة في الصميم
والله ودي امدح ممثل والا واحد في الشارع
عشان اشوف وش بيكون احساسه
صراحة يا رجال الخليج مع احترامي فيكم سماجــــــــــــــــــــــــــــــــــــــــة
وجلافــــــــــــــــــــــــــــــــــــــة احاسيس
الصفحة الأخيرة
صح لسانك