سندس :

بكتب لكم تجربتي .. انا اولد طبيعي .. لكن اخر حمل لي توفت البنت ومن غبائي قلت ماابغا. طلق .. واروح خاص عشان اطلب عملية صراحة ماكنت اعرف اضرار العملية واحسب الامر سهل .. ورحت الدكتورة واصريت انه عملية .. كله خايفه من الطلق الصناعي وخايفه من ابرة الظهر لانه ماقد جربتها المهم دخلت عمليات .. قالت لي اخصائية البنج تبين نصفي او كامل ؟ قلت ماعرف النصفي .. ايش افضل ؟ قالت : النصفي طبعاً .. وتوكلنا على الله . المهم النكته انه ابرة النصفي نفس ابرة الظهر الي انا هربانه وخايفه منها .. واولد عملية والحمدلله على كل حال . الحين وانا حامل هذي المره ، كل ماراجعت عند دكتور يستغرب كيف ولدتي عملية بطفلة متوفيه !!! قصدهم حرام يفتحون بطنك .. اقولهم كنت جاهله فطبعاً تقرر هالمره عملية .. كانت رعب لي لاني من حملت وانا عارفة انه عملية .. مو فجأة ومايمديني افكر بالموضوع رحت الدكتور .. اول مادخلت التاسع .. بمستشفى ماعرفه ولا شي .. لان دكتورتي مسافرة :( قالي نولدك نهاية شوال .. انفجعت قلت لاااا لاني كنت منتهية مرة .. والطفل سبحان الله راسه تحت وخوفته شوي قلت لا انا وضعي كذا ولازم اولد بدري قال اوكي ادخلي الاسبوع ٣٨ وحددي لي موعد .. بعد اسبوع .. تنويم قبل بيوم العملية .. ورحت المستشفى الصباح بعد ماتروشت ونفسيتي مره دمار واهاوش .. وماكنت بروح من الخوف لكن قست ضغطي لقيته جالس يرتفع يرتفع .. عندي جهاز البيت .. اول مره يوصل هالارتفاع . قلت يمكن لاني هاوشت .. وخفت الصراحة على الجنين واضطريت اروح المستشفى رحت والحمدلله الضغط كويس بس مسكوني .. احراءات قبل الولادة وبعدين قالوا ممكن تطلعين ٦ ساعات وترحعين طلعت العصر ورجعت لهم ١١ بالليل . قمت الفجر وانا انتظر .. متى بتدخلوني ؟ قالوا قبلك وحده بعدين انتي .. على ٩ ص تقريباً وانتظررررررررررر .. وهم كل شوي داخلين .. حاولوا يركبون لي ابرتين للمغذي ماقدروا ، قالوا عروقك صغيرة والدم مو راضي يطلع وعشر ابر ومحاولات وبالاخير قدروا غلى يد وحده جوني ٨ ممرضات كل وحده تحاول . وبعدها حطوا القسطرة وتضايقت منها حطوها قبل العملية ب٣ ساعات .. لما كنت بالاهلي حطوها قبل بساعةًاو اقل . واخر شي .. وكان اصعب شي .. قامت اعطتني ٣ ابر بالوريد سألتها ايش هذا ؟ قالت: هذي تمنع الاستفراغ . واتاري عندي خساسيه من هذه الابره !! لاني مجربتها كم مره بالوحم .. اعرف اعراضها ، كانه الموت جاني بوقت الابرة مباشرة يصير جسمي كاني متروشه من العرق وخفقان مضطرب وكتمة شي ماينوصف 😭 وكان هذا اخر اجراء .. ويطيرون فيني بالسرير لغرفة العمليات .. وبدت الرجفة انفض نفض غير طبيعي !! تقولي ممرضة سعودية انتي خايفه توكلي على الله . بس اتوقع انه زيادة الجو بارد مو كله خوف . جاني دكتور التخدير قال وش تبين نصفي او كامل ؟. قلت اخاف من النصفي . قال : اعرف انك تخافين بس افضل لك وللجنين النصفي ومافي شي يخوف قلت عطني طيب مهديء واوكسجين .. قال طيب بعطيك الي تبين .. والمهديء اذا طلع الطفل نعطيك وان شاء الله ماتختاحين .. وفعلا ينقلوني لسرير العملية ويعطيني الابرة .. الممرضة السعودية كانت مريحتني هادية وتذكر الله . وباقي الممرضات برضو يبتسمون ومريحين .. وكنت ودي بالنصفي عشان احس بالبيبي .. خلص وسألني حركي رجولك شي زي كذا .. وبدأو .. صرت اذكر الله وادعي واحاول مااركز .. وحط بس اكسجين وانا شاده وانتظر صوت البيبي .. والحمدلله لما سمعته ارتحت وسالت البنج مباشرة كم الساعه ؟ لانه هو واقف فوق راسي والدكتورات في العملية .. شوي جابته الممرضة لي وقالت شوفي ولد .. وبصمتني انه ولد .. وودته وجلسوا طولوا شوي في العملية .. قالت لانك مو اول مره شكله التصاقات او شي .. لان كل شوي اسالهم متى نخلص ؟ قالت مدامك ماتحسين بشي .. الحمدلله . انتظري. ولما خلصنا .. الحمدلله الحمدلله ووداني غرفة العناية وغطوني ببطانية التدفئة .. وقالوا مانوديك غرفتك لحد ماتحركين رجولك .. طبعا ماكنت احس فيها نهائي .. بس هي كانت تلمسها وتشوف انه احركها او لا .. طلعوني غرفتي .. والحمدلله كان كرب وانفرج 😭 لسا مااحس بالعملية ولا شي .. لما فك البنج .. بديت احرك رجولي واحس بالالام .. ومغص فظيع .. ومو زي عمليتي الي قبل فرق مره .. لكن الحمدلله الي سلمني وسلم طفلي .. الحمدلله حتى يبلغ الحمد منتهاه .. وقت العمليه وانا بغرفة العمليات تذكرتكم دعيت لكم الله يفرجها على كل وحده فيكم ويرزقكم الولادة السهله الميسره من الله ويقومكم بالسلامة انتم وبيبياتكم ولايحرمنا الاجر. يارب 💕 ☁️بعد يومين سالت الممرضة عن اسم دواء الاستفراغ .. عشان مره ثانيه ماحد يعطيني اياه وكتبته لي . لاني وقتها احسب اني بموت خلاص . ☁️ولدت وانا في اشياء ماكملتها تجهيز .. كنت مرررره مالي خلق ولا شي .. الضروري طلبته اون لاين من نكست وفك لي ازمة .. ووصلت الطلبية وانا في المستشفى .🤦🏻‍♀️ اخر لحظة

بكتب لكم تجربتي .. انا اولد طبيعي .. لكن اخر حمل لي توفت البنت ومن غبائي قلت ماابغا. طلق .....

Jolly30 :

لي يومين اشرب خلطه كمون وشمر ومحلب وحلب وحبه سوداء ولا كأني بالتاسع لاطلق ولاحس ولاخبر واليوم شربت حلب وشميت حلتيته ومشييت ولا فيه اي بوادر طلق ابدا دعواتكم لي

لي يومين اشرب خلطه كمون وشمر ومحلب وحلب وحبه سوداء ولا كأني بالتاسع لاطلق ولاحس ولاخبر واليوم...

Dhana22 :

ولاا بالاحلاام 94 :

اول مره كلي حبتين اي وقت وبعدين كل يوم الصباح حبه على الريق واشربي بعدها مويه كثير بدون نقع ولا شي .. حطيها بالثلاجه عشان ماتخرب عليكي لانه زي التمر رطبه وكلي كل يوم حتى لو راح الامساك عشان مايرجع

اول مره كلي حبتين اي وقت وبعدين كل يوم الصباح حبه على الريق واشربي بعدها مويه كثير بدون...