تبون امي تدعي لكم هيا ادخلو ساعدوها معاناة مع خمول الغدة الدرقية

امي اشتبهو الأطباء ان عندها خمول بالغدة الدرقية

هي من قبل وزنها زايد والحين مع هالغدة كل ماله يزيد مع انها ماتاكل كثير
المشكلة انها ماتقدر تلعب رياضة لان ركبها من قبل تعبااااااااانة مررررة لدرجة من فترة كانت من كثر الالم ماتقدر تمشي الا على عكاز واحيانا كرسي عجلات
وظهرها بعد فيه مشاكل صحتها متدهورة الله يشفيها ويشفي كل مريض

الدكتورة تقول لازم تسوي رياضة المشي على السير وهي متحمسة للسير بس انا من كثر ما اقرأ بالمنتديات اخاف انه يضر ركبها خصوصا انه وزنها زايد

مدري اخواتي انتو شرايكم هل السير ممكن يضرها هل هناك بديل للسير اوربت ترك مثلا او دراجة او اي شي مايضر امي
وياليت اللي عندها نظام غذائي خاص باللي عندهم كسل الغدة تساعدني
على فكرة هي ماتاخذ حبوب للأن ماصرفو لها حبوب ( للأسف المستشفى اللي تروح له مرة سيء )
اشتبهو ان عندها الغدة وكل مرة يقولون تعالي المرة الجاية نتأكد وماعطونا نتيجة واضحة
بس انا اشوف من زيادة وزنها والاعراض اللي عندها انه فعلا عندها كسل
هل اذا خذت الحبوب يتحسن وضعها بإذن الله
والله يا اخواتي ان تدعيلكم من قلبها وبساعة اجابة لانها خلااااص تعبت من وضعها
واذا عندكم اي نصايح بهالخصوص لاتبخلون علينا
الله يخليلكم امهاتكم ويشفيهم ويعافيهم وياكم