>>jewels<< @gtgtjewelsltlt

عضوة فعالة

تبون تضحكون شوي((نصائح متزوجة))انصحكم تقرونها..

هـــــــــلا وغــــــــــــــلا بالحلـــــــــــــوات..

احس اني أقلقتكم بمواضيعي صح؟؟:(

بس معليـش عادي أستحمــــــــــــلوا:22:

بس والله قريت قصة هالبنت مع زواجها وقلت لازم تقرونها انتم بعد وتستفيدون من نصايحهاوتوسعون صدوركم مثل ماوسعت صدري الله يسعدها..

بس أقروا القصة بالأول..والمتزوجات اذا عندك نصااايح ودكم تفيدونا فيها لاتبخلوووون علينا..

يالله نبــدأ..

أول يوم زواج

من وين ابدا

يالله بالترتيب

فترة الخطوبة

يوم الشوفة مابقى شي في دولابي الا نفشته مره اقول بالبس متمصلخ

ومره اقول متستر قلت ان لبست متفصخ خاف يقول وش هالفاصخه

وان لبست مقفل بيقول ذي مافيها انوثه

في الاخير لقيت لبس يجمع بين المفصخ والمتستر وطاح عليه الاختيار

وضبطت شعري ومكياجي وكل شي وجا وقت الموت ياتارك الصلاة (صوره قلب يطلع من محله ويرجع من الروعه)

جا ابوي يناديني وانا اقوله طيب

جت امي تناديني وتلقاني رابضه في الغرفه

قالت امي : الحين ماخلصتي

أنا : الا

امي : طيب ورا ماتنزلين

أنا : لازم اليوم

أمي :بتنزلين ولا شلون

أنا : طيب بنزل واجي امشي واوقف عند الدرج

أمي : الحين ورا ماتنزلين

أنا : ماما أحس اني بطيح مع الدرج

وتقوم امي تسحبني وتنزلني مع اصانصير جدي

يوم نزلت واقعد شوي ويطلع ابوي ويسألني: هاه جاهزه

أنا : ايه بس منيب شايله عصير والله لاكبه عليه يالله اشيل نفسي تبوني اشيل شي

أبوي لاتشيلن شي بس ادخلي خلصينا

دخل ابوي ماسكني في يده وافلتها واجلس في اول كرسي قابلني واناظر تحت والرجال يحاول يناطرني ويعود ينزل عيونه

ويوم شفته يستحي واستغل مبدأ (الهجوم خير وسيله للدفاع)

وصرت قويه وجه واناظره لدرجة كل مانظرني نزل عيونه واستحى

يوم جلست شوي وابوي يحتريني اطلع وانا جالسه ماطلعت

مابي اقوم ويشوفني وانا قايمه ومعطيته ظهري باحس كاني مفصخه <ابوك يالاحساس

يوم شافني الرجال عييت اطلع ويقوم هو ويودعنا وانا واقفه اودعه مع ابوي من غير رايي

وقال ابوي الحين ورى ماطلعتي لوني غامز للجدار شافني

قلت : بابا وش اسوي مستحيه <ابوه من حيا الي طلع الرجال ومخليه طول الوقت مطمن

وطلعت وانا مادري شلون مهوب ذاك الاحساس الواضح يعني ماقدر اقول مرتاحه ولا متضايقه

واقرب شي كنت متضايقه ومرتاعه بنفس الوقت لدرجه اقول عساه يطس ولا يوافق

يوم رد علينا انه يبيها رسمي

وبدا يطلب المكالمات وابحل ذيك اليله الي بيكلمني فيها كل شوي داخله حمام كرمتو ماقعد شي في بطني

واتصل على بنت خالتي واصيح قلت الحين وش اقوله ماعرف اسولف

وتجلس تعطيني امثله يوم قفلت منها واسجل كل السواليف الي باقولها في دفتر عشان مانساها من الروعه والربكه

صرت يوميا اسجل السواليف في الدفتر لدرجه جا يوم من الايام قالي انا ماحس انك طبيعيه

جيت باجاوبه من الدفتر مالقيت شي يصلح اجابه للسؤال قلت ليش

قال: احس انك محفظه الكلام وتجين تقولينه

أنا : تبي الصراحه

هو: أيه

قلت له : كل يوم اسجل السوالف الي ابي اقولها لك بدفتر وخلص وجبت ثاني

ماعد اسمع الا ضحكه ومن عقبها صرت اسولف بطريقه طبيعيه وتلقائية

ومرت فترة الخطوبة بسلام

وجا وقت الملاك وماادراك مالملاك

كنت احس اني في حلم واحس اني بهون في اي لحظه

لاني تخيلت اني بدخل سجن خلاص ماعد فيه لابابا ولاماما

يوم جاني الدفتر قالي اخوي ابصم واناظر والقى طبعة اصبعه وش كبرها

خفت زياده وابصم غدت بصمتي بنت بصمته

حسيت اني خلااااااااااص ودعت حياه العزوبيه

يوم جيت ادخل عليه في يوم الملاك جلس هو في اول المجلس وانا في اخر المجلس

وحسيت كاني داخله على رجال ثاني

قلت لو سمحت ممكن اروح المجلس الثاني وادق عليك عشان اتأكد انك انت الشخص الي يكلمني في التليفون

هو مدري يضحك ولا يتحمد قال طيب

واورح وادق عليه واسمع صوته قلت اييييييييييه هذا انت اي والله انت خلاص بارجع لك

واجي ادخل المجلس واجلس في نفس مكاني ويجي هو يقرب عندي يوم قرب واقوم اجيب العصير ويشربه وخلص

جا يقرب مره ثانيه قمت قلت يوه الشاهي لايبرد ورحت جبت الشاهي

خلصنا الشاهي جا يقرب قمت قلت تصدق نسينا الكيكه

واروح اجيبها واخليه يلهى في تقطيعها وانا جالسه بعيد

يوم كلنا وحس ان الوقت تاخر قام وجا يسلم علي صافحته مصافحه

وجا بيبوسني مع خدي بعدت عنه ووقفته عند حده الي مايستحي <لاافصخي الكعب وعطيه على راسه

الرجال جته صدمه وضيع الباب وبعدين طلع

عجزت اصدق ان هذا زوجي

يوم طلعت ويسألوني عن الرجال قلت كل شي تمام بس

قالو كلهم مرتاعين وشوووووووووووو

قلت بوجه مرتاع :يديه

قالو وش فيها

أنا : فيها شعررررررررررررر

جاني باقات كبيره من التهزيء

وخصوصا اني اتعامل معه معامله واحد يغازلني وانا ماشيه في السوق

شوي شوي والحمدلله بعد كم مقابله بديت اجلس جنبه وسمحت له يمسك يدي <كريمه ياشيخه

ومرت الايام

وجا يوم الخبصه الموعود

ومابقى احد في العالم الا كلمني يهديني حتى الطقاقه قالتلي هدي اعصابك يوم كلمتها

ودخلت اتروش في الاوتيل توي داخله الشور مالقيت بزبوز الحار

بغيت اموت قلت مالي الا اطب في الجكوزي عشان فيه حار بارد بس وش المشكله

الجاكوزي صاير وسط الحمام وبدون ستاره

والحمام له بابين باب على الصاله وباب على الغرفه يعني الي مايشتري يتفرج

واروح انادي الشغالات كل وحده اوقفها عند باب وهذا اسوء شور خذته بحياتي لاني على اعصابي لايروحون الشغالات عن الباب ويجي احد يدخل

ماصدقت اني اخلص وابدا عاد بالاستعداد للشعر والميك اب

دخلت غرفة المكياج قعدتني روبي على الكرسي <روبي حقت المكياج

والقى سطول الوان البيج مصفصفه على الطاوله قالت روبي : يلا حبيبتي ئئلعي ئواعيكي

قلت انا بروعه :ليه مهوب الحين

قالت : منشان نحط لك الميك اب عاجسميك وبيعطي لون ويحاد وتقوم المساعده وتخلط الوان البيجات مع بعض وتجيب الفرشه الكبيره الي يدهنون فيها الجدران

وتبدا تدهن جسمي لطخ حسيت في هالوقت باحساس الجدار وهم يصبغونه

يوم خلصت وصار وجهي وجسمي لون ويحاد وتبدا تحط مكياجي

قالت لي : في شعرتين زايدين بحويجبيك بدي ئيمهون

استغربت لان حواجبي نظيفه ماتحتاج قلت يابنت الحلال ان بغيتي تقيميني انا بس اهم شي اخلصي

يوم خلصت وابدا اصلح شعري وبعدين ليست فستاني وخلصت تصوير وطلعت على الناس وجيت اطلع انا وزوجي للغرفه <ماتحسون انها راصه زر التقديم في الفيديو

يقالي باطلع قدامه بشكلي الطبيعي قلت له ممكن لحظات

وادخل الحمام واتروش واغسل المكياج من جسمي ومن وجهي يوم رحت عند المرايه واصرخ ذيك الصرخه

مالقيت حواجب

وين راحت

كان ذي حركات واحد من الجن حبني ويوم اعرست تحطم وسخط صورتي في المرايه <لاعد تفكرين تكفين

ويجي زوجي عند الباب قال : هاه حبيبتي مطوله

قلت وانا متسنده على الباب بظهري لايفتحه ويشوف فلم الرعب الي بوجهي

قلت لا بس شوي وباجي وانا ودي اسطره منيب رايقة له

وارجع عند المرايه اجلس اخطط بالقلم كاني وحده تشف خريطه

وجالسه بس اتلمس مكان الشعر واخط عليه عشان يصير حاجبي مثل اول

وبعد تخطيط حواجبي حسيت اني بديت اصير من الانس

هالمره طفيت الفيديو

مايستفاد من الموضوع :

1- لكل عروس مقبله على الزواج لاتسلمين حواجبك لروبي واذا سلمتيها لاتتروشين

2- تأكدو ان الاوتيل الي بتنامون فيه حمامه ينقفل

3-وقلت باجرب اكتب اشوف صرت ثقيله دم بعد الزواج ولا لا

4-وهذي النصيحه اضفتها انا احسكم بتقولون وش دخلها هذي أنا أقولكم ايش دخلني بالموضوع شفتوا ايش حصل للبنت انا بصراحة كلمتها قلت لها أسمحيلي أحمدي ربك ان زوجك ماشافك بهالشكل بدون حواجب الله لابيلانا هذي ضريبة النمص..فبقولكم يابنات نصيحة مني لاتغضبون الخالق لإرضاء المخلوق مهما كان..

وبالختام ادعولي..

وتقبلوا تحياتي اختكم jewels

يلزم عليك تسجيل الدخول أولًا لكتابة تعليق.

تسجيل دخول

$دمعة هدب$ • 18 سنة

هههههههههههههه يعيكي العافية عيوني ولا عدمناكي با العكس دمك عسل زيك

>>jewels<< • 18 سنة

$دمعة هدب$ :

هههههههههههههه يعيكي العافية عيوني ولا عدمناكي با العكس دمك عسل زيك

هههههههههههههه يعيكي العافية عيوني ولا عدمناكي با العكس دمك عسل زيك

مشكوووورة حبيبتي عالمرور..

ويعافيــــــــــك يارب..

انتي العســــــــــل نفسه والله..

klio • 18 سنة

ههههههههههههههه

مره حلوو اسلوب الكتاابه

ان شا لله اذا تزوجت بكتب لكم كم نصيحه

دمعة ولــه • 18 سنة

klio :

ههههههههههههههه مره حلوو اسلوب الكتاابه ان شا لله اذا تزوجت بكتب لكم كم نصيحه

ههههههههههههههه مره حلوو اسلوب الكتاابه ان شا لله اذا تزوجت بكتب لكم كم نصيحه

ههههههههههههههههههههههههههههههههههههه

الحين انتي العروووس <<< خابرتك مو متزوجه .. :):)

ضحكتيــــــــــــني من قلب خصوصا ً مع شعر يدينه .. :hahaha:

بأنتظاار تقليعااتكـ الحلوهــ ..

لاهنتي

>>jewels<< • 18 سنة

klio :

ههههههههههههههه مره حلوو اسلوب الكتاابه ان شا لله اذا تزوجت بكتب لكم كم نصيحه

ههههههههههههههه مره حلوو اسلوب الكتاابه ان شا لله اذا تزوجت بكتب لكم كم نصيحه

انتي الأحــــلى ياعســـــــــــل..

الله يرزقك ويرزقني ويرزق جميع فتيات المسلمين بالرجال الصالحين عاجلاًغير آجل انه سميع مجيب الدعاء..

وانا وموضوعي بإنتظارك ياحلوهـ..

أسعدني تواجدك..