اهلين بنوتات عسولات كيفكم انشاء الله كويسين ....وسوري مرررره على التأخير في

الرد لاني والله معد تابعت الموضوع ما توقعت لسى فيه ردود....وشكرا مررررره لكل البنات الي دعولي

وشكروني وشجعوني والله يسعدكم ويوفكم ويسخرلكم والي متزوجه وعندها صغار ربي يسخرلها رجلها

ويخليلها عيالها ويهديهم والي لسى بنوته الله يرزقها بولد الحلال الي يخاف الله فيها ويدلعها ويرزقها

الذريه الصالحه قولوا اميييييييييييييييييين واللهم صلي وسلم على محمد واله وصحبه وسلم .........

يالله نبدأ بالرد على اسألتكم .........جمانه 2000:


شوفي ياقمر ميك اب فور ايفر مرررره حلو وانا استخدمه بس بما ان بشرتك فيها اثار حبوب افضل انك

تخلطينه مع نوع اثقل شوي الي هو قيرلان هو عصار زي المرهم لونه بيج وانبوبه عريض مو مدور

عرض اصبعين ونص وغطاه ذهبي ينبرم برم لما تجين تفتحينه وتسكرينه ...هذا فضيع في التغطيه بس

ثقيل يعني ينفع للزواجات والمناسبات الكبيره بس لما تخففينه بميك اب فور افر السائل بيعطيك تغطيه

وتخف كثافته واذا كان لونك مايل للأصفر ايه استخدمي البنك من ميك اب فور ايفر واخلطيه مع قيرلان

بعدين مرري على وجهك الباودر السائبه خلي لونها يكون على برونز شوي ولا تنسين رقبتك بس

لمسه خفيفه اذا كنتي ما تحبين تغمقين وجهك وركزي على البلاشر وحطيه ابتداء من تفاحتي

الخدودو انتي مبتسمه ابتسامه عريضه انشكحي على الاخر كذا :) لين الاذن هذا اذا كان وجهك مدور

او مليان اما اذا كان نحيف او طويل لا انزلي تحت التفاحتين شوي عشان ما يطول وجهك زياده

ولاتخلينه خط كنه مرسوم بمسطره لا حطيه بحركات دائريه شوي واستخدمي الفرشه الكبيره والناعمه

المصنوعه من الشعر الطبيعي ترى الخشنه تخلي اللون لطخ مو متوزع كنك مبكسه بس خلي لونه

طبيعي يعني بنك على بيج اومشمشي عاد على حسب لون مكياجك بس غالبا هذي الالوان تمشي مع

كل الوان الميك اب وابتعدي عن الالوان الي مو طبيعيه مثل الموف والاورنج لانها تزيد من شحوب

الوجه اذا كنتي حاطه روج اورنج حطي بلش احمر بس خفيف يعني كأن خدودك حمر خلقه (وحده تحلم)

وحطي عليه برونزخفيف عشان يعطيك اشراق ويمحي اثار التعب وفيه كمان من ميك اب فور ايفر

لمعه يجي منهاالوان هي عباره عن علبه زي علبة المرهم جواتها كريم تشوفينه فيه لمعه قويه ينخلط

برضه مع كريم الاساس يعطي اشراق للوجه ويجي منها الوان انا استخدم البرونز وراسه ضغاط مو

ينعصر وغطاه اسود شفاف مره حلو للمناسبات او الزواجات:icon28: ...اما بالنسبه للحبوب

اممممممم:

جربي تمسحين وجهك مرتين باليوم زي ما قلت اول بأسكانول وانشاءالله راح تنشف الحبوب وتروح

اثارها........

وبعد شهر ان الله احيانا وما راحت اقولك على جل بس شرط انك تداومين على الاسكانول كل يوم

مرتين وفيه التونيك الي قالت عليه وحده من الاخوات في المنتدى الله يجزاها خير نسيت اسمها الي هو

قشور برتقاله ووقشور ليمونتين وكاسين مويه تغلينهم لحد ما يصير لون المويه اصفر وتخلينهم لحد

ما يبردون وتحطينهم بعلبه زي علبة الاسكانول وتمسحين فيه وجهك مرتين باليوم قبل لا تحطين

كريمات النهار والليل احس انه كويس مره حتى انا ناويه اجربه ........ولا تنسين تحطينه بالثلاجه

وانشاء الله وجهك يصير مثل :40: يا :40: وحاولي ما تطولين بالميك اب عشان الحبوب ونضفي

وجهك زين بعد الميك اب ..........

وكريماتك لا تكون عباره عن كريم خليها جل اخف واصلا دائما صاحبات البشره الدهنيه او الي فيها

حبوب المفروض يستخدمون الجل لانه اخف (اسمع بالاختصار ) وش اسوي ما عرف اختصر كلامي

كل شي احب اشرحه بالتفصيل الممل يا ويلكم عاد لو مليتوا من كلامي :mad:


ربي اغفرلي وارحمني:


موقع المشغل هو: شفتي عماره برومز الي قدام المملكه ادخلي من عندها يمين وخليها يسارك تلقين

المشغل على يمينك هو بنفس العماره


طير الاحزان:


السنفره هي السكراب وبمعنى ثاني هي المقشر وبمعنى ثالث :unhappy: كريم يجي فيه زي

الحبيبات تفركينه على البشره بعد ما ترطبينها بمويه دافيه عشان تزيلين منها الاوساخ

والجلد الميت <<<<<< الله يرحمه


ا لاخت الي سألت عن كريمات ديور:


والله نسيت اسمها وعلبها مو عندي رميتهم بس تقدرين تروحين لقسم ديور بأي محل وتوصفين لهم

نوع بشرتك وراح يعطونك الكريمات المناسبه بس تأكدي دائما ان كريم النهار فيه سن بلك وكريم الليل

مجدد للخلايا وواحد منهم يكون يحتوي على مضادات للاكسده اذا كنتي فوق الخمسه وعشرين


انشاء الله اني اكون افدت كل من سألني ومع السلامه :heart:

up

بصراحه موضوع أكثر من رائع ......... الله يجزاك الجنه ويسخرلك زوجك ويصلح لك إعيالك .........ولا تحرمينا من جديدك .

:26: :26: :26: :26: