اهلين بنات يالله رجعت اكمل لكم بسم الله نبدا (الله يعينكم)شوفوا يا امامير عشان تسهل عمليه الاهتمام بالبشره لازم توفير على الاقل الاشياء الاساسيه الي تدخل في تركيبة اغلب الخلطات وتحطينها في اقرب مكان لك عشان ما تتعيجزين تنزلين اوتروحين او ترقين للممطبخ (كل وحده حسب موقع مطبخها دقيقه انا في التعبير)انا مثلا فيه اشياء مجهزهتها في الحمام وانتوا بكرامه وحاطتها جنب المغسله الي هي علبه فيها قطن وموية الورد والسكراب وكريمات العنايه اليوميه وجنب البانيو حاطه ارفف قزاز من ايكيا حاطه عليهم عاد القش قلها خطر ماينهد الجدار علي خخخخخ جليسوليد ،جلسرين سايل،زيت زيتون ،برطمان صغيرسكر ومثله ملح خشن ومثله سكر ورز وشاهي ودجاج خخخخخخخخخخخخخخخ انقلب مطبخ موب حمام لا لا من جد شيلوا الرز والشاهي بس خلوا الدجاج خخخ( شكلي بتهزء) خلاص اخر كلام شيلوا الدجاج برطمان صغير خميره وبس وخلوهم عاد طقم واشكالهم حلوه عشان ما تشوهون حمامكم وخاصة المتزوجات:arb: موب تحطون برطمانات كاسات جبن ثاني حاجه حطوا جدول ولصقوه في الحمام بكتبلكم جدولي السيت:ملعقه كبيره زبادي+ملعقتين عصير خيار +شوي ليمون .............طريقتي في وضع جميع الماسكات احطهم بالليل قبل النوم ابلل وجهي بمويه دافيه موحاره عشان افتح المسامات والي بشرتها دهنيه تغسل بمويه عاديه وافرك وجهي بالسكراب بعدين انشف واحط الماسك واقعد نص ساعه وانسدح واخلي نفسي ريلاكس حتى لومعصبه امثل اني ريلاكس وش بيدري وجهي خخخخ واقرا اي شي بعدين امسح وجهي بمناديل بعدين اجيب قطنه وابللها بموية وردوانضف وجهي بعدين احط كريماتي كالمعتاد دائما احط الماسكات او اي خلطه بالليل عشان تستفيد البشره من مفعولها اكثر انتوا عارفين ان البشره تجدد نفسها بالليل وبكذا نكون ضربنا عصفورين بحجر واحد ههاي صدناها :icon20: الا اذا كان عندي مناسبه دائما قبلها استخدم قناع العسل والخميره وموية الورد وترمس مطحون واخليه اقل شي نص ساعه والخميره كل ما طولت تنفخ الوجه والي خدودها صغار وتبي تنفخهم مره تحط مع الخلطه حلبه مطحونه وتخليهم من ساعه لساعتين هذا قناع المناسبات السعيده نجي ليوم الاثنين حبكم عبدين او سوري احسبكم عيالي معليش هذي اخرة العب مع البزارين:baby2: نجي ليوم الاثنين:بطاطس مسلوقه ومهروسه ملعقه +ملعقة حليب باودر+ملعقة شوفان اخلطهم بموية ورد بس موبارد دافي وقبله اكون عامله السكراب واخليه نص ساعه واغسله بمويه بارده اول بعدين امسح بموية الورد البارده واحط كريماتي مثل العاده اما يوم الاربعاء:احط قناع الجبن يمي يمي الله يجزاها خير الاخت الي دلتنا عليه بس والله ناسيه اسمها بس انا لقيت ان جبنة البقره الضاحكه احسن من كيري لانها بعد ما تحطينها تشد مره وتنشف اما كيري لا تضل زي ماهي بس هذي اغسلها بمويه كثير بس بدون صابون وامسحا برضه بموية ورد بارده هذي هي اقنعتي الاساسيه مايمنع اني بعض الاحيان اغير واجرب بس مالقيت شي واااو احطه بالجدول وصدقوني يابنوتات لما تكتبين بجدول وتمشين عليه تحسين انك انجزتي شي ومهتمه وماشيه تمام اما لما تحطين ثلاث ايام ورى بعض وتتركين عشر وتحوسين وتنسين وش حطيتي ومتى ،تحسين انك حايسه وتطفشين وخلي عندك ثلاجه صغيره بغرفتك عشان تحطين فيها موية الورد والخلطات حقت الجسم الي يبيلها تبريد ولا تنسون شفايفكم تراها مره مهمه تعطي منضر اذا كانت ناعمه ونديه ومافيهاتشققات حطواعليهاجليسوليد بالليل واذا قمتوافرشوها بفرشة الاسنان هذا تقشير للجلد الميت بس مو كل يوم مرتين بالاسبوع او قبل المناسبات ولا تفرشونها بقوه لا بشويش وفيه حاجه مهمه جدا جدا جدا لنضارة الوجه الي هي الفيشل عند الصالون ترا يابنات فيه اشياء السكراب العادي الي فالبيت ما يطلعها لا زم كل ثلاث شهور تسوين فيشل وانا اسوي عند الاول للسيدات عند فلبينيه اسمها انا لا تسون الا عندها يابنات مرررره خطيره وفيه نوعين من الفيشل عادي وسبشل انا اسوي السبشل ب350 وخلاص تعبت نكمل في الحلقه الجايه ولا تنسون الابتسامه غير انها صدقه فهي تحلي الوجه وتنوره وتخليك تدخلين قلوب الناس مندون استأذان على طاري الاستأذان استأذنكم انا :kissa:

نحن بانتضارككككك

وشهو الفيشل؟؟ تراي من جنبها :)
وجزاك الله خير

الفيشل هو تنضيف البشره على يد اخصائيه

الله يجزاك خير
بالنسبة لكريم العيون من استي لودر هم عندهم نوع واحد ولا فيه كذا نوع؟ وايش فايدته بالضبط لانه عندي هالات واحس بدت تطلع تجاعيد تحت عيني