خواتي العزيزات اليوم جبت لكم طريقه تخلي الشعر سايح وناعم طبعا انا لي خلطات كثير وكان في مؤيد وفي معارض وبعض البنات ربي يسامحهم صاروا يذمون الخلطه بدون ما يستخدمونها والمشكله ان كل خلطاتي مجربات من عده بنات المهم اني ما فقدت الامل من شهرين جتني وحده تبيني اساعدها على تبي شعرها يصير ناعم قلت ابشري وبديت ادور واحاول والحمد لله توصلت لخلطه مع الاستمرار اليومي بيصير شعركم ناعم وسايح وعن تجربه واللي تجربها وتستخدم الخلطه يومي راح تدعيلي تعالوا نشوق المقادير..........
زيت الزنجبيل طبعا كلكم تعرفون الزنجبيل
بس مو زنجبيل لا زيته ...
4ملاعق مايونيز +ملعقه خل تفاح+ملعقه روب(لبن)+ملعقه عصير ليمون +ملعقتين عسل +ملعقه زيت اللوز+ملعقه زيت زيتون +ما انسى ملعقتين زيت الزنجبيل +ملعقه زيت خروع
خلطيهم مع بعض زين وبعدين خليهم 10 دقايق بهذا الوقت دلكي شعرك شويه شويه وبعدين حطي الخلطه على شعرك وخليها من ساعتين الى ثلاث ساعات بدون ما تغطون الراس بتحسون ان زيت الزنجبيل ريحته قويه بس صدقوني راح تدعون لي واستخدموا الخلطه يوميا لمده شهر وقولي للاستشوار مع السلامه واللي شعرها كثير خشن تستعملها اكثر من الشهر الا ان تحسون ان شعركم صار ناعم وقفوا الخلطه وهذي الخلطه تمنع التقصف بعد وتعالج التلف
ـــــــــــــــــــــــــــــــــــــــــــــــــــــــــــــــــــــــــــــــــــ
بنات ادعوا لي ربي يفرج همي واي استفسار انا حاضره للجميع واللي ما ارد عليها ياليت ماتزعل تراسلني خاص لان اغلب الاحيان اكون تعبانه وما اقدر اكون متواجده معاكم
يفيدنا