تبون كيرلي ثااابت ليومين؟؟؟بفضحلكم سر الخلطه

السلام علييييكم بنااات
مادري اذا كنتو تعرفون سر الكيرلي الثابت واللمعه بس الكل يسألني لما اسوي شعري كيرلي شمسويه واي صالون رااايحه ووووووو الخ الخ الخ
وصراحه اقول للكل عن السر ، فأكييييد ماراح اخش على بنات حواء الغالياات هذا السر
السر الله يسلمكم ويطول باعماركم (ييبي من الاخر:22: ) السر اهو الليمون
وباقول لكم الخطوات اللي اسويها

المقادير: قلاص+ ليمون+ لفافات للشعر (الاحجام تعتمد على حسب حجم الكيرلي اللي تبينه)

الخطوات:
-بعد ما انشف شعري من الماي استشوره استشوار خفييف بس عشان تكون الشعره ملساء ولينه وقابله للتشكيل (دشينا بالفيزيا؟)

- بعدين تيبين قلاص صغير تعصرين فيه ليمون (الكميه على حسب طول شعرج يعني اذا طويل عصري وايد واذا قصير عصري شوي) ، تمسكين خصله من شعرج بايد وتحطين ايدج الثانيه بقلاص الليمون تبللين اصابعج وتمسحين على الخصله من الجذوووور لين نهايتها وتلفينها باللفافه ، والخصله اللي بعدها كرري الخطوات واللي بعدها وبعدها و ..... هكذا:)

-بالنسبه للفافات ، نصيييحه اذا تبون الشعر يكون شكله كيرلي طبيعي وحلو انصحكم باللفافات ذات الحجم الكبير (اذا كان شعرج طويل) ، او اللفافات بالحجم الوسط (اذا كان شعرج قصير) ، لان اللفافات الصغيره ما تعطيج اللوك الطبيعيي وبتقصر لج شعرج ويصير مثل السبرنج :hahaha:

ان شاء الله بس ما يكون هالسر قديييم عندكم عشان ما ينقص ويهي :42: واتمنى انكم تستفيدون ( احسن لكم بلا خساير عند الصالونات)