تبون كيكه الكل اذا ذاقهااااااا ينصدم من لذتها ويحلف انها جاهزة... حياكم حبايبي

:27: حبيباتي هالكيكه سوتها وحده من البنات فنانه مشاء الله عليها واوعدكم بتصيرون مثلي مدمنين عليها وان ذقتوها بتنصدمون انها شغل بيت من كثر ماهي طريه وهشه ولذيذة...اسمها( فكتوريا كيك)
*المقــــــــــــــــــــــــــــــــــــــــــــادير:
- 4 بيضات بحراره الغرفة لاااااازم حراره الغرفه او حطوهم بماي دافي اذا الجو بارد( انا دايما استخدم بيض الوطنيه)
- 1 ملعقه صغيره شاي فانيليا
- 225جرام زبده سايحه بدون مايتغير لونها( طبعا اول استخدم لورباك بس الحين :16: يخسووووووووووووووووووون )
- 3/4 كوب طحين الكويت مضاف له ملعقه طعام بكينج باودر ( انا اقيس بكوب الماغ حق الكوفي او المراعي الكبير)
- 2 فنجان سكر ( فنجان القهوة العربيه)
* الطريــــــــــــــــــــــــــــــــــــــــــقه:
- نضرب البيض مع الفانيليا لحد مايصير ابيض وهش مثل الكريما بالضبط انا استخدم الخلاط اللي يستخدمه الشيف اسامه(ممتااااااز)
- نضيف السكر ونخلط شوي ثم نضيف الزبده( حتى لوكانت ساخنه عادي المهم سايحه بدون مايتغير اللون)بالتناوب مع الطحين لازم بالتناوب علشان يتجانس الخليط ويختلط عدل . نضع الخليط بصينيه مدهونه ومرشوشه بطحين وندخلها فرن مسبق التسخين( على 350 الغاز) لحد ماتنتفخ وبعدين نطلعها ونحط مباشره خلطه الوجه على الكيكه وهي ساخنه (لازم ساخنه علشان تتشربها)
* خلطة الوجــــــــــــــــــــــــــــــــــــــه:
2 ملعقه طعام مربى فرواله + 2 ملعقه طعام قشطه نخلطهم عدل ونحطهم على الكيكه اول مانطلعها من الفرن وندهن شوي شوي علشان ماتخترب لانها هشه وايد ونقطعها مكعبات ونحطها باوراق التقديم
وبالعـــــــــــــــــــــــــــــــــــــــــــــــــــــــــــــــافيه على قلوبكم :)