السلام عليكم ورحمة الله وبركاته
اولا احب اشكر الاختين **انا*هنا** والاخت tamory على حرصهم على افاده الجميع بانهم طلبوو مني انشر كل الحلول والوصفات اللي عطيتها للاخوات اللي استفسرو في موضوع
تبووووووووون الحل .... دخلوووو وشوفوو
و تلبية للطلبات الكثيره من الاخوات العزيزات اللي استفسرووو عن مشكله النمش والكلف اقدم لكم كل اللي اعرفه من علاجات واتمنى انكم تستفيدوون ... وفي الايام اليايه بحط لكم حلول كل الاستفسارات اللي ياتني
واذا في اي وحدة من الاخوات عندها حلول افضل من اللي انا بقولها الحين اتمنى تشاركنا فيها عشان الكل يستفيد
يالله .. قولوو بسم الله
النمش والكلف نوعين:
1. نوع سطحي ممكن يروح بالماسكات والكريمات والاشياء اللي نتحط على البشره مباشره
2. نوع يكون متغلغل في طبقات الجلد ويبي له علاج من الداخل ( الغذاء ) ومن الخارج ماسكات وكريمات .... الخ
وفي حالات من النمش والكلف يسوون لها تقشير وليزر في عيادات الجلد .... حق اللي ما عندها صبر وتبي نتيجه سريعه
بس شوفوووو العلاج يبي له وقت .. يعني مو عقب اسبووع تقولون قصت علينا أحلى محرقية
ترا العلاجات الطبيعيه يبي لها صبر ومثابره ... مو يوم تطبقون و 10 ايام ما لكم خلق :09:
ادري بتقولون اشفيها هذي داخله حاميه جذي :30:
انا والله ابي مصلحتكم لان انتو اخواتي في الله واتمنى لكم الخير
وهذي وجه واحد طول العمر ما عندكم غيره
يعني لا تهملوون بانفسكم
المهم .. ما اطول عليكم
اول شئ بنبتدي بالغذاء وشنو لازم تاكلوون
من الصبح لحد الظهر لا تاكلوون ولا شئ غير التفاح الاخضر
ولا تشربون قهوة او شاي او مشروبات غازيه
الظهر ( الغداء ):
لحم او سمك او دجاج قليل الدهون او مشوي + سلطه + فواكه
واذا حبيتوو تاكلون خبز او رز يفضل خبز بالنخاله او رز بني
كوب عصير جزر او عصير شمندر( بنجر )
العصر :
ممكن كوب شاي او قهوة
2 م عسل + بذر كتان مطحون
العشاء :
فواكه + روب (زبادي) + نص كوب نخاله او جنين قمح
واي وحده عندها مشكله صحيه خل تقول لي وانا بدز لها نظام غير
هذي النظام اذا طبقتووه حرفيا راح ينقص وزنكم وهم راح يخف النمش والكلف
قولووووووو لييييييييييييش؟؟؟؟؟؟؟؟؟
لان التفاح الاخضر على الريق و النخاله وجنين القمح والحبوب الكامله وبذر الكتان والعسل والجزر والشمندر والفواكه والخضروات عموما .. اشياء مفيده للجسم والبشره وتساعد على تنقيه البشره من البقع
وتقليل الدهون هم يساعد على صفاء البشره ... ما تشوفون اللي ياكلون دهوون وايد وسكريات تطلع لهم حبوب
المهم ....
الحين العنايه الخارجيه
خذوو قشور بيض او صدف (مال البحر) وغسلوها بماء وبعدين حطوها في علبه وغمروها بعصير ليمون مخفف بشوي ماء وحطوها بالثلاجه ليله كامله وبعدين كل يوم خذوو بقطنه وامسحوو على مكان الكلف والنمش وسوو شويه مساج ... بس لا تغطسون نفس القطنه مرتين
حطوو كميه صغيره ولما يخلص سوو غيره ... المسح مره باليوم لحد ما تروح البقع
ولما يخلص عصير الليمون ويبقى البيض او الصدف مترسب خذووه وحطووه ماسك على البقع
وماء الاكسجين زين بعد ... ترشون منه على وجهكم 3 مرات باليوم
ماء الاكسجين المطهر للجروح تلاقونه بالصيدليات يا اما في عبوه زجاجيه او سبري
الماسكات اللي ممكن تسوونها:
بطيخ اصفر + عسل يدق مع بعضه ويوضع ماسك للبشره الدهنيه
او
بطيخ اصفر + زيت زيتون ..... للبشره الجافه
او
تحطون الحمص الجاهز للاكل ( اللي مخلوط معاه طحينه وثوم )
او
طحين حمص + ماء ورد
او
حمص مسلوق + كركم
او
رشاد + ماء ورد ( الرشاد هذا اللي يسوون فيه الاكله مالت اللي توهم والدين ما اعرف شنو اسمها :22: )
او
بقدونس مفروم + زبادي
او
طحين شعير+ عسل + صفار بيضتين
او
بذر الفجل يدق مع زبادي
او
فول يدق مع قشره مع زبادي او ماء ورد
او
عسل + مره
او
الفرك مرتين في اليوم بـ : عصير سلق + خل + ماء ورد + طحينه
او
شعير مسلوق في ماء قليل وبعدين يطحن وتحطونه ماسك واهو دافي
بسكم عاد ما بقى ماسك ما قلته لكم
واهم شئ تشربوون سوائل كثير وتتجنبون الامساك
ويا رب اكون قدرت افيدكم
يلزم عليك تسجيل الدخول أولًا لكتابة تعليق.
البيالة
•
شكرا ياعمري يارب تروووح
الصفحة الأخيرة