السلام عليكم ورحمة الله وبركاته..
والله ماكتبت إلا طمعا في الأجر وحب الخير لكن,,
اسمعوا قصتي او اقروها
كنت اكبر خواتي اللي ماتزوجوا وكان كل شغل البيت على راسي
مع العلم ان عندي خوات اصغر مني بس كبار يعني في الكلية
ومايشتغلن تسألوني ليش؟؟؟؟؟ ماأدري طق وطقيق علشان
الشغل المهم تزوجوا بنات اصغر مني في جماعتنا وكل ماتزوجت
وحدة قالوا الله يرزقك الله يرزقك وإذا جو حريم من أقاربنا
عيونهم علي فلانه تزوجت يعني يدقوني بالكلام وأنا ساكته ومتقطعة
من جوا يقهرون وأحيانا يدقون على أمي يسألون عني ماتزوجت
فلانه بنت فلانه تزوجت قهررررررررررررررررر والمشكله كل
ماتقدم لي أحد يطلع فيه مليووووووووووون عله شفتوا هذااضافة الى
اخواتي يقولون لي يالعانس يامسكينة متى تتزوجين واقوم من عندهم
واروح لسريري واتغطى وانزلي يادموع انزلي حتى يجيني النوم
اكررره اجلس عندهم واذا صار خلاف بيني وبين اختي اللي اصغر
مني تقولي انتي معصبة علشانك عنستي وفي احد الايام قالت لي امي
بوديك لشيخ يقرا عليك انتي ماتزوجتي والله كأنها طعنتني تغير
وجهي وابتسمت ثم طلعت من عندها على سريري وانزلي يادموع
والله والله معاناتي معاناة وعمري كان 24شفتوا كيف صرت اكره
البيت واحب اروح للمدرسه لأني ادرس في اهليه وكره الخميس
والجمعه واكره اجتماع الحريم وبالذات عندنا وفي احد الأيام قررت اني
ارقي نفسي بنفسي وكانت البداية في شهر رمضان المبارك اقرا من
كتيب
(ارق نفسك بنفسك للشيخ خالد الجريسي)< رووعه هالكتاب
وانفث في مويه واشرب واغتسل وكنت واثقة بالله جدااااااااااااااااااااااااااااااااا انه مايردني خايبة مع الدعاء في آخر الليل
والالحاح وتعبت مع الرقية واستخدمت السدر والزيت شهر
رمضان كله وكلي عزيمه وثقة بالله
ورب الكعبه ماجاء خامس العيد إلا أنا مخطوبة
بفضل الله وماانسى كنت اشغل الرقية الشرعية بالدعاء للشيخ
عبدالعزيزالحمدان روعه وماعلمت أحد اني اقرا يعني بيني
وبين ربي والحمدلله.
وطريقتي \
بالنسبة للطريقة ابشري وبإذن الله بإذن الواحد الأحد انك تتزوجين
عاجلا غير آجل بس ثقي بالله وبتشوفين ولاتتهاونين بالرقية
( الكتيب مقسم إلى رقية قصيرة ومتوسطة وطويله أنا دائما اقرأ
المنوسطة وإذا كنت مستعجله اقرأ القصيرة وكل آيه تقرئينها ثلاث
مرات وتنفثين بالموية واشربي وغسلي جسمك واستمري ولوكنتي
مشغوله أو فيك النوم لالالالالالالالالالالازم تستمرين
وكنت اقرأ لوحدي وبالذات في آخر الليل واستشعر الآيات مثلا
قوله تعالى" فسيكفيكهم الله " في نفسي اقول ان الله تعالى قادر
على ان يكفيني شر الحاسدين والعائنين ويشفيني وقوله تعالى
" وإن عليكم لحافظين كراما كاتبين..." استشعر ان الله بيحفظني
عن طريق الملائكه
وقوله تعالى"إذا زلزلت الأرض زلزالها وأخرجت الأرض أثقالها...."
استشعر ان الله عزوجل سيخرج مافيني من حسد أو عين وهكذا
بس والله روعة وودي ارجعلها لأني تعبت بعد ماتزوجت وبالنسبة
للسدر أحطه في مويه واتروش فيه سبع ايام واحيانا احطه بطشت
واحط فيه رجولي لأنها اتعبتي بعد الرقية واشغل الرقيه اللي ذكرتها
والله يوفق الجميع و
..طبعا منقوول لعيونكم :39:
7
احيانا سبحان الله يكون فيه شيء مانع
عننا الزواج وحنا نجهله فما المانع اننا نرقي ع انفسنا
حنا !! بدون ذهاب لاحد !!
ابذلي عزيزتي الاسباب وابشري
اهم شيء ترا مانقلته للقراءه فقط لا طبقوا يابنات
ولا تقولون وسوسه او كلام فاضي صحيح النصيب يصيب
والمكتوب مكتوب
لكن احيانا يتعذر بسبب عين , نفس ..الخ
ومن جد هالكتاب روووعه انصحكم فيه بذمة
عندي ولا يكلف 2 للصغير
وربي يووفقكم ويسعدكم ويفرجها علي وعليكم ياارب ..
ودي وحبي ..