اللي تحب الآي شدو اللي لونه لييييييييل ... بيعجبها اللي لقيته ..
آي شدو أسود من ماركة مكياجي .. والله انه أسوووووود سواد يسر ..
بس شنو العيب .. مايبيعونه بروحه .. ماتلقينه الا مع العلبة اللي فيها شادو و كحل وآي لاينر وماسكرا..شدوهم اللي يبيعونه بروحه مو أسود كثر هذا اللي يجي مع العلبة .. هذا كلام اللي تبيع وورتني لون الشادو الي يجي بروحه وفعلا سواده مو كثر سواد اللي يجي مع العلبة ..
العلبة اسمها (( مكياجي BLACK I )) وفيها:
1-قلم كحل أسود رفيع ومعاه فرشاة من الطرف الثاني وهم هذا صراحة لونه فحم ومكتوب عليه بالعربي قلم تحديد وظل
2-قلم كحل عريض يستخدم لتخطيط العين من فوق ومكتوب عليه بالعربي قلم العين الكبير
3-ماسكرا سوداء
4-كحل سائل بس صغير حييل طريقته (dip eye liner)
5-علبة الشدو اللي قلت لكم عليها والله انها لييييييل ..
وكلهم مكتوب عليهم made in Germany
أنا أحدد عيني بكحلهم وبعدين أرد أحط الآي شدو على خط الكحل ..يطلع عجيييييييييييييييييييب .. شافته وحده انهبلت عليه تقولي شنو ماركة كحلج قلتلها كحل قلم وفوقة شادو من ماركة مكياجي ..
هاذي شكل العلبة من برا ..
وهاذي من داخل
هاذي علبة الشادو اللي قلتلكم عليه بس على فكرة العلبة حيل صغنونة
وهاذي علبة الشدو مفتوحة
وعن السعر والله ماذكر جم لانه من زمان شارية العلبة وتوني أستعملها بس أهيا فوق العشر دنانير غالي شوي ..
وهم المكان اللي يبيعونه فيه بالكويت لا تسئلوني وين لانه مادري وين بالضبط انا شريته من فترة لما كنت في دبي من محلهم في ( بطوطة مول ) وعلى فكرة نفس العلبة تجي على ثلاث ألوان .. أسود وتركواز وبنفسجي ..
التركواز عند اختي والله انه ألوانه تهـــــــــــــــــبل ..مكتوب على العلبة من برا تركواز بالانجليزي و حاطين داخل كل شي تركوازي ماعدا الآي لاينر أسود ..يلا عاد اللي تلقاه ويعجبها تدعيلي ..