.
.
.
.
حبيباتي فتحت هذا الموضوع وانا كلي امل
اني انا اولا افيد بعض البنات الي يشتكون من عدم ترتيبهم في منازلهم..:)
.
.
ما اقول اني انا كنت نضيفه ولا كنت سنعه
بقول لكم قصتي اولا :
انا تزوجت وعمري ١٦ سنه <<مشاء الله
بس توهقت طلعت من بيت اهلي ما اعرف اسوي الشاهي..
والورطه اني صرت في بيت لحالي
المهم اني عشت شهر تمام بعدين بدت الحوسه
وبدى زوجي يطلب مني اسوي اكل واغسل ملابسه وملابسي انا بعد يبيلها تغسيل
وجلست ثلاث شهورر وانا اعاني ..
وصار بيني وبين زوجي مشاكل في التنضيف والطبخ ..
.
.
المهم بعد كذا قررت اني اتغير .. اي اتغيرر
حددت لي يوم ابدى فيه ..
اخذت ورقه وقلم
وبديت اكتب:
قسمت البيت اربع اقسام..
غرفة النوم:
فكرت ايش ممكن يخليني اكون مرتبه بشكل دائم مابي اكون يوم يومين وينحاس شغلي
اولاالتسريحه..
بديت في الاكسسوار
احتاج علب مقاسات من الاحجام الصغيره
وضعة الحلق بـ اصغر علبه
وضعة الخواتم في الاكبر شوي
والسلاسل في الاكبر
ونجي للمكياج
اخذت علبة المكياج
رتبت المكياج فيها وخلصت منه
ونجي للشبصات والربطات
حطيتها في سله
خلاص خلصنا كذا من هذا الحوسه
اخر شي في التسريحه
نا خذ رف
نحط فيه الكريمات والوشنات وهذي الاشغال
بكذا اون خلصت من التسريحه
ننتقل لدولاب الملابس..
يتبع<<
لاتردون ياقلبي لين اكمل عشان الموضوع يكون مرتب:)
ناخذ دولاب الملابس
نبداء في ترتيبه
اول شي ناخذ الملابس الي قلليل مانلبسهم
ونحطهم على جنب ..
وبعد كذا نبدا ناخذ التانير ونعلقهم جنب بعض
والبلايز جنب التانير
نصيحه لاتحطون كل معلاق فيه قطعتين ترا يحووس عليك مرره خلاص كل قطعه بمعلاق
خلصنا الملابس نبداء في الملابس البيت والداخليه..
هنا في افكار كثيرره
بقولك بعضها وانتي اختاري الي يريحك
١ـ ممكن انك تاخذين الملابس الداخليه وملابس البيت وتسفطينها عادي بشكل مربعات
وضعها في علب بلاستيكيه او كرتونيه او خشبية داخل الدرج
يمكنك وضع مقسمات داخل الادراج الكبيره لتقسيم ونتظيم الملابس بداخلها
يتبع<<