كوبونات الراقية تسجيل الدخول

انا اعترض

تبين الحل السريع والفتاك لطفح جلد الاطفال .

الأمومة والطفل •

عزيزاتي امهات المستقبل ..

يوم كان ولدي عنده 4 شهور كان الله يكرمكم يتبرز في اليوم الواحد اكثر عن 7 مرات .. ومن كثر ما كنت اغير له الحفاظ واغسله صابته طفح جلدي مثل المخمل على منطقه حول الأعضاء التناسليه .. واذا غسلته بالماي يصاااااااارخ ويصيح ويبكي لان الماي كان يحرقه ويعوره واذا بغيت انظفه نفس الشيء لأن المناديل المنظفه تحتوي على مواد .. حطيت له فازلين مافي فايده

حطيت له كريمات اشكال وانواع مافي فايده
حتى الكريم اللي يحتوي على مضاد حيوي حطيت هم بعد مافي فايده ..

الا شي واحد بس اللي امي كانت تصر اني استخدمه وانا كنت اقول هاي امي مال اول منو يحط هالسوالف الحين ..

واختي كانت معاي وتقول لي لا لا لا تحطين منه ..

الى ان شفت ان حالة ولدي يستدعي العلاج السريع لاني ما كنت اقدر انظفه ولا اغسله كله كان يصيح من الالم اذا حطيت عليه قطرة ماي يصيح ..

قلت خلاص بستخدم هالشي اللي امي قالت لي عليه وبشوف شو يستوي ..

سبحان الله من ثاني استخدام شفت النتيجه ..
وبعد كل غسله على طول احط منه على المنطقه اللي فيها طفح وكان يتبرز 7 مرات باليوم والحمد لله والشكر اتحسن وصرت للحين وعمره سنة انا استخدمه اول ما احس انه فيه طفح ..

وقلت في نفسي الله يطول في عمر امي جزاها الله خير على نصيحتها ..

وحبيت اقول لكم على هالشي علشان يوم تحطونه وتشوفون النتيجه بعيونكم تدعون لامي بطولة العمر وان الله سبحانه وتعالى يقر عينها بشفاء اخوي آمين ..

والشي هذا هو (سمن اصيل )

حطي منه في علبه خاصه علشان تستخدمينه كل ما غيرتيه
لا فيه ريحه ولا شي ,, شي طبيعي واحسن من الادويه اللي ما تعرفين شو حاطين فيه ..

والطريقه بسيطه

بعد ما تغسلين الطفل تنشفين المنطقه الملتهبه عدل وتحطين كميه معتدله وكل ما غيرتي له الحفاظ تحطين منه بعد التنشيف وبس وطبعا انا مااقص عليكم واقول من اول مره بس هي من ثاني وثالث مره لااااااااااازم تشوفين تغيير
32
2K

يلزم عليك تسجيل الدخول أولًا لكتابة تعليق.

تسجيل دخول

بسكوت فارليز
بسكوت فارليز •
سمن اول مره اسمع عنه

جزاك الله خير على هالمعلومه
حلوه أنا
حلوه أنا •
88888888888888
حتى انا اول مره اسمع فيه
ياليت اللي تعرفه تقولنا عليه
مناجاة الله
مناجاة الله •
انتي تقصدين السمن الزبدة المستخرجة من الغنم او البقر والا غيره
بس اذا كان هو ريحته قوية مرة
الله يطول في عمر امك ويقر عينها بشفاء ولدها يارب
انا اعترض
انا اعترض •
بسكوت فارليز بسكوت فارليز :
سمن اول مره اسمع عنه جزاك الله خير على هالمعلومه
سمن اول مره اسمع عنه جزاك الله خير على هالمعلومه
جزانا واياكم

هيه سمن
وعلى العلبه تحصلين كلمه اصيل .. ان شاء الله بصوره وبحطه لكم
انا اعترض
انا اعترض •
حلوه أنا حلوه أنا :
88888888888888 حتى انا اول مره اسمع فيه ياليت اللي تعرفه تقولنا عليه
88888888888888 حتى انا اول مره اسمع فيه ياليت اللي تعرفه تقولنا عليه
يقول المثل اسال المجرب ولا تسال الطبيب

وانا والله جربته على ولدي ولله الحمد ومازلت احطه ..