تبين الحمل بأذن الله ادخلي واستفيدي..

السلام عليكم ورحمة الله وبركاته

عندي لكم طريقه للصدقه والتي بفضلها رزقني الله با الحمل:)

اعرف لكم حرمه سودانيه عايشه في شمال الرياض بحي المرسلات
تجمع الاكل من الناس والصدقات وتوزعها على المحتاجين
وهي والشهاده لله صادقه بحكم خبره اقاربي بها.....


المهم:26:

انا من عرفت ها الحرمه خذت رقمها وقمت اتعامل معها
ومايدري عني الا اللي خلقني


قلت لها اني متاخره في الحمل وادعي لي

وعلميني عن الناس المحتاجه وكم عايله اهم ومن ها الكلام

اتفقت معها.......


وصارت كلما جاء ظرف من صوم او ناس محتاجه
او احد عنده ضائقه ماليه
تدق علي وتقولي

والله يابنات اني اتعامل معها وانا املي بربي كبير انه بيرزقني بالذريه الصالحه وكل شهر اقول الشهر الجاي باحمل واذا جتني الدوره اقول(((اللهم آجرني في مصيبتي واخلفني خيرا منها)))
واليأس شلته من راسي وكنت كلما اعرف احد محتاج اعطيه


صرت احط باقي الاكل في الفريزر واجمعه ثم اوديه لها مهما كان كثير او قليل


وحاطه صندوق وقلت لزوجي يحط فيه كل يوم على الاقل ريال واحد
لما احس انها امتلت احطها بظرف واعطيه لها واقول عطيها اللي يحتاجها
والله اغلبها ريالات واحيانا ماتتعدى الثمانين ريال

وسويت في رمضان اللي فات اكثر من خمسين هديه للأطفال الفقراء وقلت لها اعطيها للأطفال في يوم العيد
واللي سويته ما كلفني ولاميه وخمسين ريال بس تخيلي فرحت الاطفال بها

وفيه حاجات كثيره سويتها معها بس ماتحظرني الحين...


ونسيت اكتب لكم اني رحت لمكه انا وزوجي وشربت من زمزم بنيه الحمل وخليت زوجي يدعي عند الملتزم لان الدعاء فيه مجاب بأذن الله وصرت انزل انا وزوجي كل يوم في الليل في الحرم وادعي وبألحاح
وربك مايخيب امل احد وهو ارحم من الام على طفلها


وربي انه اكرمني با الحمل بعد هاللي سويته


وناويه استمر على اللي اسويه حتى بعد مارزقني ربي
لانه من شكر النعمه


واللي تبي رقمها تقولي على الخاص ارسله لها


((((((((((والله على ما اقول شهيد)))))))))))


ادعو لطفلي با الشفاء وان ربي يرزقني الذريه الصالحه