تبين الكل يجول وااااااااااااااو على بشرة العروس

صباح الخير حبيباتي أنا عضوة يديدة بالمنتدى بس صار لي فترة ادش واقرا ماضيعكم الحلوة والمميزة وما شاء الله عليكم بنات صج أحسكم متعاونات وحبيت ان اكون وياكم
المهم جريت اكثر من موضوع عن تجهيز العرايس وحبيت أضيف تجربتي بهالمجال لاني توني معرسه من ست شهور بس.......... أدعولي الله يوفجني ويرزقني الذرية الصالحة وعقبالكم بنات.

الموضوع وما فيه ان أنا اختكم أول مانخطبت على طول رحت طيران عند اخصائي جلدية وهذا أهم شيء كل عروس لازم تسوية لا تلعبون بويوهكم وتستعملون خلطات وبلطات وما عرف شنو لا روحي عند طبيب مختص وصدجوني ترى النتيجه وايد بتكون حلوة مثل ماصار ووياي لان الطبيب سوالي جلسات تقشير كرستال وعطاني شوية كريمات لتصفية وتفتيح البشرة من اثار الشمس وعطاني كريمات للمناطق الحساسة الغامجة والنتيجة واااااااااااااااااااااو فعلا دفت فلوس وماراحت عالفاضي.
وهم رحت عند طبيب اسنان ترى اختكم مسكربة ................ وسويت تنظيف وتبييض وطلعلي السوس اللي باسناني وهم بعد ماجصر هالطبيب لان اسناني وايد حساسة وخذيت وقت بالعلاج
وبعد مشاوير الدكاترة رحت عند نادي صحي وسالتهم عن برامجهم للعروس وبصراحة مو ذاك الزود لاني من زمان انا اختكم احب اهتم بجسمي والحمد الله مو وايد مسكرب عشان شذي جلت خل النادي يولي وبستمر على برنامجي اللي اسوية وأكيد بتسألون شنو أسوييييييييييييييييي؟ بجولكم لان والله كل من يشوف بشرة جسمي يمدحها صج اني مو بيضة بس سماري وااااااو وايد يهبل يهوس يجنن فانتاستك .............. شنو بعد عطوني كلمات.........خخخخخخخخخخخخخخ

شنو أسوي ...............شنو اسوي ..................شنو أسوي نسيت؟؟؟؟؟؟؟؟؟؟؟ لا لا لا بصراحة كنت يوميا أدلك عمري بسدر وكركم جسم ومر أخلطهم ويا ماي وادلك عمري عدل وبعدين أورح اتسبح
وهم بعد كنت اسوي ليمون لجسمي تقريبا كل يومين أدلكه عدل لين يحمر وبعدين اروح اتسبح بمجموعه من السكرابات اللي تناسب جسمي أدلك عمري فيها مو أقل من ربع ساعة
وبنهاية كل اسبوع أسوي حمام مغربي وبس. اللي بتسوي البرنامج مالي والله مارح تندم لانه سهل وبسيط وما ياخذ وقت بس شرط انها تستمر علية ثلاث شهور مو اقل عشان يعطيها نتيجة حلوة لا تقولون أووووووووه ثلاث شهور ونبي شي سريع لا والله صدجوني لان وحدة زميلتنا في الدوام سوت خلطات ملطوشه ما ادري من وين قبل عرسها وكنت انا وياها بنعرس نفس الفترة......... المهم بعد ماردينا الدوام من شهر العسل الكل كان يقول لي صج مبين عليك عروس بعكس زميلتنا الثانية وايد كانت باهته ولون بشرتها مغمج مع انها افتح مني لكن والله الكل كان يقارن بيني وبينها ويجولون لي ما شاء الله عليك شسويتي؟ بس ما علمت احد لكن انتو لانكم حبيباتي وابيلكم الخير. هذا غير اهتمامي بأكلي خضروات فواكة وعصاير طازجة وحليب دافي قبل النوم.... ايييية والنوم بكير هذا شي وايد مهم ولي جمتو الصبح شربي جلاص ماي وحطي فية كم نقطة ليمون يعني شوي لان اذا كثرتي من الليمون على الريج يضعف الجسم.

هذا برنامج العناية اللي كنت اسوية اتمنى يفيد عرايسنا.وبالتوفيق للكل. وان شاء الله بحط لكم برنامج الشوبنج لان وايد كان مرتب وعلى الميزانية.