هذا اول موضوع لي في المنتدى ماحبيت اشارك بحي الله موضوع
فجبت لكم طريقة رووووعه للدلكة وش اقول بنات كلمة روعه قليلة فيها ...
اللي بتستمر عليها راح تلاحظ الفرق من اول مرة ..
1/ لمعه بجسمك
2/ نظارة
3/لونك تغير
4/ نعومه
هذا كله من اول مرة ونصيحه سووها كل يوم لو تقدرون لو بس تستمرون عليها اسبوع وبعدين عاد لو تخلونها كل اسبوع مرة
وطبيعية يعني ماتخافون من سرطانات ولا مضاعفات ثانية ..
المقادير :
1 ك حمص مطحون
1 ك ترمس مطحون
1 ك حليب بودرة
1 ك محلب مطحون
1 ك رز مطحون
1 ك شوفان مطحون
وقشر 5 ليمونات او برتقالات
طبعا مجففه ومطحونه
تخلط مع بعض وتوضع في علبه وعند الاستخدام
تاخذين المقدار المناسب لجسمك ويخلط معها زبادي ثم توضع على الجسم وتتركينها حتى تجف
ثم تاخذين اي زيت ( زيتون , لوز حلو , ... ) الموجود يعني انا استخدمت زيت زيتون
وتبدين تفركين جسمك بشكل دائري يابنات لأن الفرك العادي يسبب ترهلات
ثم تاخذين دش وبعده تشطفين بماي مخلوط معه ماي ورد
ثم تدهنين جسمك بمرطب ...
اما للوجه :
تاخذين شوي من الخلطة وتخلطينها مع بياض البيض
وتخلينها 10 دقايق ع الوجه وافركي (( برقه )) وبشكل دائري طبعا
ثم تغسلين بماء بارد وماي ورد وادهني بزيت اللوز ..
بنات الكلام هذا كله وهالخلطة عن تجربه حتى بنات عمي سمر وبانت فيهم الخلطة وربي
حتى اخوانهم لاحظوا :27:
ولاتنسون يابنات ان الدلكة تقشير للجلد الميت وتزيل البثور
وكل اللي ابيه منكم خواتي انكم تدعون لي بالذريه الصالحه وابيها من قلبكم
واسأل الله انه يرزقكم بدعوتكم جنان الخلد اللهم آآآآمين
انتظر ردودكم اللي توسع الصدر
لكم