اول شي هذا الموضوع للانيقات محبييين اللون البرونزي الذهبي (يعني اللي يسوون سكراب اول باول و يدورون البياااض خل يتطمشون بس لا يطبقون:42: )
انا عن نفسي لووووني حنطاوي (مايل للاسمر الفاتح) وامووووت باللون البرونزي، وجربت اكثر من منتج مثل كلارنس ، ديوور، شيسيدو
واكتشفت من خلال خبرتي البسيطه ان افضل منتج اهو شيسيدوو shiseido (self tan)
وهذي صووره العلبه
اهو عباااره عن جل تدهنين فيه جسمج وتخلييينه ساعتين بعدين تغسلينه بماي بدون ما تفركين جسمج حيل (انا عن نفسي كنت احطه وانام فيه بدووون ما اغسله)
وعلى فكره في درجتييين للون، ممكن تشتري علبه درجتها تعطيج لون عسلي ذهبي (هذي رفيجتي جربتها لان بشرتها بييييييظه حيل فصار لونها عسلي رهييييب) ، او علبه ثانيه درجتها تعطيج لون برونزي ذهبي (لونه حيييل ستايل وكانج من اللي يطلعون بالدعايات)
:26: اول خطوه يا حلوات:26:
اهي اهم خطوه: انكم تسون سكراااب للمنطقه اللي تبون تحطون عليها جل البرونزاج عشان تكون ناعمه وسطحها متساااوي ويطلع لج اللون متوحد
:26: ثاني خطوه:26:
واهي الاساس : انج تحطين جل البرونزاج بيدج وتدهنييين فيه جسمج (عادي مثل اي جل) وحاولي انج توزعينه بطريقه متساويه كثر ما تقدرين، وترى اهو اول ما تحطينه بينشف على طووول وتقدرين تلبسين ملابسج وتمارسين روتينج الطبيعي واللون راح يبين بعد 3 ساعات تقريبا ، وتقدرين تحطينه اكثر من مره الى ان توصلين للون المطلوب
انا كنت احط منه الصبح وبالليل (بدون ما اغسله) واقوم الصبح القى اللون وااااااااااااو ، واحيانا امصخها واحطه يومين ورى بعض:42: ما انعطى ويه
:26: ثالث خطوه:26:
واهي اخر خطوه: انج ترطبيييين جسمج باي كريم ترطيب تستخدمينه على طووول، عشان يعطيج منظر برونزي صحي بلمعه ذهبيه طبيعيه
واذا حبيتوا تردون لونكم الطبيعي ما عليكم الا انكم تسوون حمام مغربي وبتشوفين اللون البرونزي يطيح منج ولونج رجع مثل ما اهووو
ولا تنسووووني بالدعوه يا بنااات، وترى ما نزلت الموضوع الا لأن وايد بناات استخفوا على لوني كل ما احط التان هذا، وحبيييت افيدكم:)
سلملم
