تبين تتخلصين من الشعر التالف وتعرفين سر لمعة شعر الفنانات جبتلك المفيد
أكيد مافي وحده ماتتمنى شعر زي كذه وانا اول وحده لكن ما ااقول الله الله يحميلها شعرها ويرزقني ويرزقكم أفضل منه
عورت قلبكـــم صـــح بس معــــاي ... واهتمامكم ... والله بيكون سهل انه يصير جذي بنـــات محتاجين ... ماسك + بلســــم + حمـــام زيت + شامبو + ماي ورد
((( ادري الكل بيتفاجأ ....... ليش ماي ورد اللحين بتعرفون سر لمعان الشعر بالنهايــة )))
((( زبـــدة الشيا + زبدة الافوكادو + زبدة المانجو + زبدة الالو فيرا + عسل )))
أو تختارين أي واحد فيهم
انصح للشعر المصبووووغ ضروري المانجو
ورجاء الموضوع خارج نطاق الدعاية ...
تبون تشترونه الزبده من التاجره ((غراس)) توفره ....وانا تعاملت معاها شخصيا ...
انسانه راقيه بالتعامل ... وامينه وهي غنيه عن التعريف
معلومة تحطونها ببالكم
* البلسم معرووووف ورا كل ... شامبو ...
* الماســــك مرتين بالاسبوع ...
* حمام الزيت مره ...
:::الطريقة :::
نبدأ بالشـــــــامبووووو ::
أولا : بعرض لكم الشامبو اللي اخترته لي والبلسم كذلك استخدمه ... وشكره معروفه ... لوريال بالذات الشعر المصبووووغ ينفع معاهم
هذا الشامبو استخدمه للشعر المصبوغ ...(( شعري مصبوغ ))
اختاروا الشامبو اللي يناسب شعركم ومرتاحين عليه ... وفيه من بيبي جونسون ... الجديد بالبابونج ((( يهبل وع فكرة الفلبينيات طايحات فيه وهالشي قالته لي خبيرة تجميل ...
ومعلووومة جد مهمه ... مايصير تغسلين شعرج بدون لاتستخدمين بلسم ....
لان الشامبو ينشف ... وفي بنات يعترضون ع البلسم ... وعندهم معلووومه ان يطيح الشعر ....
ع فكره الاستخدام الغلط للبسلم يطيح الشعر
البلسم علاج لاطراف الشعر ... وليس ... للفروة ... وضع البلسم للفروة غلط غلط غلط ...
البلسم صنع للاطراف فقط
اولا:: نغسل شعرنا بالشامبو بس مو نكب الشامبو ع الهامه .... شدعوه تعذبين فروة الشعر
نجيب بادية ... ونحط .... فيها مااااي ورد ... ((ايه ليش تستغربون )) ماي ورد ...
ع فكره ماي الورد مغذي للشعر ... والشامبو خففيه بماي ورد ... وصبيه ع شعرج
الكل يغسل شعره جذي
غلط غلط غلط عشان ... لما تطلعين من الحمام الا كل شعرج طااايح ... ومتشابك وعاد اعرفي شلون تمشطينه
اطريقه الصح جذي
نزلي راسج من تحت اغسليه .... صبي الشامبو اللي مخففته بماي الورد ودلكي الفروة مو مهم الاطراف
خلي الفروة تنظف من الدهن او التونيك وبلاحظين معاي ان شعرج صااااااااار واااااااو والغشره تخف
الاطراف بتنظف لاتحاتونها ...
خلصنا ... من غسل الشعر ... الحين نجي ... للبلسم والماسك وحمام الزيت ...
ثانيــــا ::: البلسم
تبون أطــــراف شعركم جذي ...
لقيت الحل يا بنــــات ....
كل مـــا تغسلين شعرج ... لازم تستعملين البلسم ... لكن نضيف ع البلسم إضـــافة.. ثــــانيـــــا ::: المـــــــاسك ...
بعرض لكم ماسك انا افضله ....لوريـــال
ماسك الاحمر ((أنا افضله واستخدمه للشعر المصبوغ ))
أو أي ماسك انتي تفضلينه:05::05:
المهم هو حجمه صغير بس والله عمايله عظيمه وصج واااااو
تجيبينزبـــدة الافوكادووووووو .... (( أنا اخذتها من التاجرة غراس قلبي هي ))
وتاخذين مقدار قفشه وتخلطينه مع الماسك ...
لو عندج ماسك اكبر حجم زيدي بالمقدار الافوكادو...
وسبب اختياري للافوكادو ... لانه مملس طبيعي للشعر ... وعن تجربه ... كنت اخذ الثمرة نفسها واسويها بشعري ويطلع حرير
الحين جا البديل واكثر تركيز بالفيتامينات
لما تغسلين شعرج بالشامبو ... وسويتي البلسم ... (( ولازم ورا كل شامبو بلسم )) عشان الماسك يشتغل عدل ع الشعر ... ((( غلط تستخدمين ورا الشامبو ماسك ... شعرج ماراح يستفيد من الماسك وراح يشتغل الماسك شغل البلسم ... احنا نبي الشعر يستفيد من الفيتامينات الموجودة بالبلسم ))
وظلي ربع ساعه او اكثر وفركي بجسمج اوسوي لجسمج سنفرة ....
وبعدها اغسلي شعرج .... ونشفيه بالفووووطه من الماي ولما تحسين خلاص نشف الماي وحابه تنشفينه باستشوار
نشفيه باستشوار هوا بارد مو حار
ثالثــــا :: حمام الــــــــزيت ...
الكل يمدح فاشكول بالثوم وهو صج حلو وروعه ... وغني عن التعريف... واللي تبي تستخدم حمام زيت ماركة فاشكوووووول .... تاخذ الثوم ..... بقولكم السبب ....
لان مره يا بنات ... بصالون معروووووف كان يسوي جلسات للشعر بالثوم رفايجي سوو واختي والكل يمدحه ... اكتشفت انهم يستخدمون فاشكول ويبعووووونه بس يغيرون العلبة بــ 15 دينار وهو سعره ما يتعدى دينار وشي ... واللي قالت لي الفليبينيه اللي تشتغل معاهم ,,, ونصحت فيه حيل ,,,
وقالت لاتاخذين الا هو من حمام زيت الفاشكول ... وبين فتره وفتره استخدمه اغذي شعري فيه
وهذي صورة الحمام ....
ولكن انا استعملت حمام زيت اكثر من رووووعه ....
حمام زيت الفوشي بزيت الجوجوبا رووووعه الحين استخدمه
حمام بنفسجي للشعر المصبوغ
***************
ازرق للشعر المجعد (( وفعلا رووووووووعه يخلي الشعر حرير وعن تجربه ))
**************
************
كل مره تبين تجين تستخدمين حمام زيت ... (( واللي انتي تفضلينه ))
ناخذ مقدار 3 قفشات ... من حمام الزيت ونحطه ببادية ونضع مقدار قفشه واحد وسط (( مو الكبيره ولا قفشه الشاي )) او اللي يكفي طول شعرج
انت واختيـــــارج
(( مره انا احط عسل ))
و
((مره أحط زبدة الالو فيرا))
و
مره احط ((زبدة المانجو)) وفظيع للشعر المصبوووغ
و
مرة(( احط زبدة الشيا))وذوبيه بايدج مع حمام الزيت
وممكن بكل مره تحطين من الزبدات السابقه تضيفين مقدار ملعقه صغيره عسل ...
وحطيه بشعرج ....
ولما تحطينه كثري منه ... جذي
وحطي كاب
وتمشي بالبيت ... واذا عندج بخار ((حطيه نص ساعه )) ... ممتاز واذا ماعندج ظلي فيه ساعه ..
او جيبي فوطه صغيره (( وبلليها بماي )) وحطيها عشر ثواني بالمكروويف وحطيه ع راسج وكملي تمشي
خلي شعرج يتغذى ... وظلي فيه .... واذا عندج مناسبه قبلها بيوم شوفي بالاستشوار شلون يصير .... وبالعرس كأنج مسويه كيراتين
واتحدى الكل اذا شعرج ينفش بالعرس ... وان ما سالوج عن سبب لمعته ... بس لاتعلمين خلج نحيسه ... ((هههههههههههه ))
المهم ....
بعطيج معلووومه مهمه واخذتها من خبيرة تجميل ...
بنات اكتشفت والله يبعون علينا من المنتجات الغاليه ... وفي بديل عنها بالسوق رخيصه
بس ما ادري من يشوفون وجهي يقولون الصج
خخخخخخخخخخخخخخخخخ .... يمكن ان عندي خبره واناقشهم
والحيييييييييييييييييييييييييين
ورا كل غسي شعر ... لازم للشعر زيت ملطف ((سيروم )) ... يخليه يتحمل لما تطلعين حرارة الشمس وعوامل الرطوووووووووبه ...
ههههههههههههههههههههههههههههه
والله صج مثل ما البشرة تبي حمايه ... الشعر يبي حمايه
كنت اشتري للشعر سيروم يا بنات بالسعر الفلاني ... وكان يهبل وروعه صج
لقيت البديل ... وصج حسيت بالقهر [يوم شفت الخبيرة وقعدت اتناقش معاها قالت شفتي الفلبينيات وسر لمعة شعرهم ...
قلت ايه قالت ورا كل حمام ... لما ينشفوووون شعرهم ... يستخدمووووون
بتنصدمون بنات مثلــــي ...
قالت لي اخذي بيبي جونسون اويل بالصبار ... لانه يحتوي ع فيتامين E
ويغذي الشعر ويعطيه رطوبه ويحميه من عوامل البيئة والجفاف ... انا انصدمت بس قلت بجرب التجربه خير برهان
اخذته واستعملته
بعد الحمام .... انشف شعري بالفوطه ... واخذ منه وامسح بايدي ع شعري والاطراف
عاد انشف شعري بهوا استشوار ... ولما انشفه واسرحه ,,, احط منه شوي وخلاااااااص
روووووووووووووووووووووووووووووعه وصج بديل احسن من اي سيروم تاخذينه ...
الموهييييييييييييييييييييم
ما ابي اتسبح اليوم ابي فروة شعري ترتاح وتفرز الدهون النافعه لها مو زين كل يوم انشفها بالشامبوووو مثل ما احنا نبي نرتاح الفروة تبي اجازه وراحه
بمشط شعري الحين .... غلط غلط غلط
تمشطينه وهو ناشف غلط غلط غلط
تغسلينه بالشامبو كل يووووم غلط غلط غلط
زين احب امشطه يوووومي ولازم تمشطينه يومي تدلكين الفروة
اولا :: بلليه بمااااي ورد ... بايدج او ببخاخ وامشطيه ... وشوفي اللمعه ...
ومشطتيه حطي شوي من بيبي اويل لشعرج ... اللي بالصبار ...
والله بالعرس بتلفحييييييييييييييييييييين بشعرج جذي ....
وبتقووولين وتلفحيــــــــــن بثقه ::
سلم ع اللي يتحداني *** سلم ع اللي يتحداني
قله تر الملعبه لليا *** قله تر الملعبه لليا
وكله لمعه ورقه ورونق .... وبيسالووون شنو مسويه بشعرها
وصيري نحيسه ... لان اعرف هم مايعلمون بس لحبيباتنا بالمنتدى اطرحي تجربتج ....احنا نعلم
هههههههههههههههههههههههههه
وعطتني معلووومه خبيرة التجميل قالت اللي يبي يستعمل ... بيبي جونسون لجسمه ياخذ جل البرتقال من بيبي جونسون لانه يبيض ويفتح ويقاوم علامات الشيخوخه بالجسم غير يعطيه فيتامينات ج وسي و اي والبرتقال له فوايد للجسم ... كثيره كثيره ...
عـــــــــــــــــاد ادعووووووووووووووووووولي تعبت ع الموضووووووووع بنات
:icon28:واخيرا خلصت
للأمانه الموضوع منقول من منتدى
كويتيات.............للعضوه زيني طبيعي
وانا صراحه استفدت تأخرت ع زوجي لانه صار :angry2: لاننا بنطلع الشفا الساعه 11 مع أهله ويبغاني اجهز عدة الشوي نشوي للغداء:7_2_103v:
تقبلوا وجودي يالله باي:3_10_6: