بااختصار
لكل من يعاني من مشكلة القمل والصيبان بيض القمل
اليكم طريقتي السهله والامنه ان شاء الله ومامنها خوف حتى للاطفال
وغير كذااا من اول استعمال تنتهين من المشكله بنسبة 95 %
بس شوفوا عشان تنتهين من مشكلة القمل نهائي لازم تغسلين المخدات كل يوم
لين تتاكدي ان المشكله انتهت والملابس الي يستخدمها المصاب تغسل بااستمرار
مو تسوين طريقتي وتروحين تنامين على مخده فيها صيبان كذااا ماتنتهي المشكله
المهم هذه الادوات
تجيبين حمام زيت للشعر او بلسم بانويل وهذه صورته
طبعا متوفر بالصيدليات والسوبر ماركت
تقدرين تستخدمين اي حمام زيت نوع ثاني بس انا اخترت هذا لانه جااامد مو سائل
الشيء الثاني اهم شيء مشط القمل
الطريقه
تغسلين شعرك بالشامبو بعدين تنشفينه تخلين فيه شوية ماء
بعدين تحطين من حمام الزيت على شعرك ووزعيه زين
بعدين اقسمي الشعر عدة اقسام
ثم اخذي مشط القمل ومشطي الشعر
وهكذاا راح تلقين الصيب والقمل
ماسكه في حمام الزيت اتمنى تكونوا فاهمين علي
بعدين اغسلي المشط لانه يكون مليان من القمل والصيبان
وكرري التمشيط
ثم اشطفي شعرك بالماء
وكرري العمليه مره ثانيه
ثم اشطفي بالماء
واستمري بعدها يوم او يومين
وان شاااء الله بتدعون لي لانها سهله وماتضرالشعر
والله يخليكم لاتنسوني من دعواتكم اذا استفدتوا
وربي تعبت وانا أعالج بنتي وترجع تنعدي من المدرسة