تبين تتصدقين بس ماعندك ماده ؟
السلام عليكم
الموضوع طبعاً من مجهودي انا و مو طويل ..
اولاً قبل ما ابداً بذكركم بالحديث
( إن الصدقه تطفىء غضب الرب )
اكيد في يوم ضحكنا على احد من دون قصد او حشينا
بس يمكن وقتها زعلنا ربي ..
تصدقي عشان تطفئين غضب ربي اللي عليك
الله يرضى عنا جميعاً
اذا عندك مبلغ اشتري براده لان الصيف ع الابواب و العمال و المحتاجين يشربون منها
حطيها عند مسجد او في محطه
{ افضل الصدقه شرب الماء }
متخيلين كيف الاجر .؟ في كل كبد رطبه
يمر عليها العامل و الصغير و الكبير و الطيور تشرب من قطراتها
ماعندك قيمة برادة ؟؟
طيب
اشتري كرسي بلاستك واحد او اثنين ثلاثه اللي تقدرين عليه
ونزليهم بالمسجد
> يصلون عليهم كبار السن
و لك اجر الصدقه و اجر اللي صلى عليه بأذن الله
عندكم عزيمه في استراحه او طلعة مخيم او اي شي فيه تجمع
اخذي معاك كرتون مويه ب 12 ريال و فيه ب15 مو غالي
و انوي بقلبك ان هذي المويه صدقه عن فلان الميت و ابوك امك وحتى عنك انتي
بتاخذين اجر الصدقه و اجر الناس اللي شربتيهم من نساء و اطفال و خدم
و انتي رايحه السوق تلاقين كشكات او بسطات
اشتري منها شماغ ب10 ريال و قفاز و شرابات
صدقيني سعرها كلها ما يتجاوز 40 ريال
وعطيها عامل بالشارع
لاتقولين ليش القفاز احنا مو بالشتاء ( هم يستخدمونها بالصيف والشتاء)
ولو حبيتي تقدرين تحطين معاها اي شي من مؤونتك كيس مكرونه او اي شي
لك اجرهم ،
شربتي مويه وانتي بالسوق طالعه او حديقه ومابغيتيها او شفتيها احترت و بتحذفينها
بدال ما تقطينها بالزباله كبيها ع الزرع
تاخذين اجر انك سقيتيه
عندك طابعه ؟ اكتبي الاذكار و اطبعيها و وزعيها ع اللي عندك
تاخذين اجر كل من قراها باذن الله
نفس الشي اذا انتي مدرسه علقي ذكر او استغفار بغرفة المدرسات
وكل من قرته او شافته وقعدت تذكر ربها تاخذين اجرها لانها تذكرت بسببك
او عند مدخل العماره استغفار او دعاء الخروج من المنزل
وكل ما قرو اهل العماره والجيران وهم طالعين تاخذين اجرهم
ماعندك شي من كل هذول تسوينهم ؟؟
باقي الغداء الرز او العيش
حطيه بصحن بلاستك بالحوش وخلي الطيور تاكل منه ولك اجرك
اذا ماعندك حوش حطي بالدريشه او برا بالشارع عند الشجر
صدقيني لو فكرتي شوي بتلاقين كل شي حولنا نقدر نتصدق فيه
مو نقول ما معنا مبلغ ومستصعبين الشغله وهي سهله ..
و اخيراً شوفو فضائل الصدقه في صيد الفوائد
http://www.saaid.net/Anshatah/dole/14.htm
و ان شاءالله لي مواضيع ثانيه متنوعه
جوجينا الحلوه @gogyna_alhloh
عضوة فعالة
يلزم عليك تسجيل الدخول أولًا لكتابة تعليق.
يا حظ ابتسم شوى
•
جزيتى خيييييييييييييييير ا
ربي يسعدك ويجزاك خيرا بارك الله فيك وازيد على كلامك يالغاااالية تقدر تضع مبلغ مالي في البقالة او السوبر ماركت وتخصصها مثل للموية او عيش ولبن او بطاقة شحن للمحتاجين من العمال وغيرهم
اعرف وحدة من المدرسات كان الصباح قبل لاتروح المدرسة تشتري بمبلغ وقدرة .فول وتميس وتوزعة بنفسها في الصباح وهي رايحه للمدرسسسسة ...واولاااا واخيراااا ربي يجزاااك الجنة على هالموضوع الأكثر من رآئع
اعرف وحدة من المدرسات كان الصباح قبل لاتروح المدرسة تشتري بمبلغ وقدرة .فول وتميس وتوزعة بنفسها في الصباح وهي رايحه للمدرسسسسة ...واولاااا واخيراااا ربي يجزاااك الجنة على هالموضوع الأكثر من رآئع
جزيتى خيييييييييييييييير اجزيتى خيييييييييييييييير ا
امين يارب وياك حبيبتي
الصفحة الأخيرة