مشكــــــــــــــــــــــــــــــوره على الموضوع
وفيه نقاط بصرااااااحه مطنشينها او غافلين عنها
ويجزيج الله كل الخير على التنبيه

1حطي من عطره المفضل..راح يتفاجأ ويستغرب..بعدين يضحك

هذي جديده علي وان شاء الله نجربها، بس مرات يسويها هو ويحط من عطري

2ارسلي مسجات لتلفونه أو على البلوتوث..ذكريه بحبه لك

على طول أسويها، لازم أقطع فتره وارد أطرش مره ثانيه

3ارسلي له بطاقات فلاشيه رومنسيه على ايميله

ريلي مال أول ومايحب شي اسمه انترنت... خخخخخ

4ألبسي من ملابسه(الشتا اللي طاف لبست جاكيته وابتسم وقالي احلى عليك)

أحياناً البس ساعته، ويقول على ايدك احلى، بس بالنسبه للثياب فالمقاسات مب مناسبه أبداً


5لا تنتظرينه يقولك(أغسلي ملابسي أو أكويهم) انتي سويهم من نفسك

احنا منظمين اعمارنا على اننا نغسل ثيابنا مرتين في الاسبوع، مافيني أخرب الجدول..

6كل فتره اهديه هديه حتى لو من غير مناسبه وحتى لو تكون بسيطه(مداليه او ولاعه....)

أييييه، لا تحرقين قلبي، كل ماأهديت له هديه مايرضى يستخدمها بحجة انها هديه غاليه ولازم يحافظ عليها، وانا أحس ان الهديه أساساً ماتعجبه علشان جذي يتحجج بهذي الحجه، صرت ماأحب اهديه
7أبتسمي بوجهه على طول الا اذا كان زعلان

ان شااااااء الله
بس اذا كنت أنا زعلانه؟؟؟؟

8قولي له نكت وألغاز أو العبوا مسابقات وأسئله

يبالنا مجلة ماجد في هذي الحاله

9أكشخي بالبجامات الحلوه قدامه

أكشخ له على طول ولابين بعينه، الظاهر مل من كثر ماأكشخ له.. خخ

10على طول حطي معطر جسم+معطر جو بالغرفه

على طول احط

11حفي جسمك على طول وشيلي الشعر الزايد منه

أحيانا (للتغيير) أخلي الشعر يطول، بس هو عمره ماعلق!

12لا تنسين قصات الشعر والتسريحات(وانتي قاعده بالبيت معاه)

وشو نسوي بالشعر الكشه (شعري)؟
13لو شفتيه زعلان اتركيه بروحه شوي..وبعدين لاعبيه وأضحكي معاه

أنا أزعل أكثر منه، بس نطبق ان شاء الله لو شفناه زعلان

14النصيحه الذهبيه:عاملي زوجك كالطفل..لان التشابه بينهم كبير

والله انها ذهبيه

15 لا تدخلين احد من اهلك او اهله في مشاكلكم الخاصه ولا تطلعين عيوب زوجك لاهلك ولا تفضحينه او تتكلمين عنه بالسوء

والله أنا ماأسويها، ودومي أمدحه وادافع عنه..
16 ألبسي قمصان نوم..وغيري بين الطويل والقصير

بسير السوق الحين وبدور، لازم أغير دفعتي القديمه

17 كل فتره دلكيه(مساج) بالزيوت والكريمات

لما أبغي أدلكه تجي بنتي وتحشر نفسها في الوسط وتقول: أنا بعد بدلكه، وتخرب اللحظات الرومانسيه وهو يضحك عليها ولا على باله.
18 كل فتره فاجئيه بالحمام:اترسي البانيو ماي وحطي فيه رغوه ومعطر جسم..ورشي الحمام معطر جو..ولا تنسين الشموع وتطفين ليت(لمبة)الحمام عشان يصير الجو رومانسي

هذي صعبه شوي (ماعندنا بانيو في شقتنا)

19 لما يجي ينام ألعبي بشعره ودلكيه

هو ينام وانا أظل أحوس ويا العيال.. هههه

20كل فتره اطلبي منه انكم تطلعون تروحون للبحر او سينما او تشربون عصير في مطعم فخم

أطلب منه، بس الطلعات بالنسبه له مثل الهم على قلبه، حتى البحر ماشفته من أول الصيف..

21أكثري من السوالف والكلام بينكم(سولفوا عن ايام الصغر والمدرسه)

فعلاً... هذا أحلى حديث يدور بيننا، مغامرات الصغر...
22 اعطيه فرصه للكلام لان الرجال يحب يتكلم..واستمعي له

اللي أعرفه ان الحرمه هي اللي تحب تتكلم

23 الاحضان لها دور كبير بالعلاقه الزوجيه..أحضنيه كل يوم

أنا أحضنه، جا الدور عليه ان هوه يحضني!!
24 ألعبي معه بالغرفه(تركضين ويلحقج) او(تخرعينه لما يجي من الدوام)

تركضين ويلحقج حلوه، بس أخرعه، أخاف يستوي له شي وتصير قضيه..

25 لا تعطينه فرصه يفكر بغيرك أو بأصدقائه

بعد خله يتنفس بعيد عني، مافي مشكله..
26 حسسيه انك انتي كل الناس له

اعبي عينه يعني..


27أرقصي له مصري او خليجي(للتغيير)

ماأعرف أرقص، وكل ماقلت علموني ماتجي الفرصه المناسبه
28 شوفوا افلام فيديو بالبيت(يفضل رعب) عشان لو خفتي تقطين نفسك بحظنه

حلللللووووه

29 اذا تبين ترفضين له طلب لاتقولين على طول لا وتفشلينه(تحرجينه)..قولي لا بطريقه مختلفه..

يعني بالسياسه، نلف ونحوس بالجواب..


30 لا تنسين ذكر الله والصلاة على نبينا محمد صلى الله عليه وسلم.

تشكرين يالغاليه على هذي النصيحه

تراكم ذبحتونا يا بنات الزوج والزوج كأن ما عندكم في الحياة غير هالوظيفة اله سترك من بنااااااااات حواء

مشكوره الله يعطيك العافيه