السلام عليكم يابنات
كم مره اكون مستعجله وابي غداء يكون كشخه ولذيذ وماياخذ وقت واتوهق علشان:arb: يكون مبسوط
بس هين هذا اول
اليوم جايبتلكم غداي المتواضع
واللي سويته بسرعه
والارجو الاعتذار من طبخات عالم حواء اني تجرات وعرضت غداي
لانه لايقارن بطبخاتكم:09:
==>اجل وشوله حاطته:42:
المهم اخليكم مع الاطباق وبالصور
الطبق الاول
سلطة سيزر
المقادير واعتقد معروفه
خس بكميه كبيره ومقطع كبير
ذره مسلوقه حسب الرغبه
دجاج مشوح في الطاوه ومقطع كبير بالطول بس انا ماحطيته لانه ما امداني
الصوص
وهنا استخدمت صوص اكنور الجاهز وتضيفين له مايونيز واضيف انا كمان فص ثوم لانه هو اللي يعطيها الطعم وهذا صورة الصوص
خبز توست محمص
وهذا ياحبايي طحت على كيس كبير فيه خبز توست مقطع ومحمص جاهز في الدانوب في جهة الخبز
وروعه قليله عليه احطه على السيزر والشوربه وما اشيل هم ابد وطعمه يم يم
وهذي صورته
تخلطينها وتحطين زيت زيتون وليمون وخل
وتحطين الخبز عالوجه وترشين عالوجه نعناع مجفف واريغانو واذا عندك جبنه ابشريها عالوجه انا ما كان عندي
وبس خلصنا السلطه الحين الطبق الريئيسي في الرد الجاي
رز بالخلطه
المقادير للخلطه فلفل رومي الوان اخضر اصفر احمر برتقالي مقطع شرايح
جزر مقطع شرايح عريضه شوي ونفسه كوسه
بصل مقطع جوانح وثوم
انا قطعت البصل والثوم وسلقتهم شوي بس لاني مستعجله ممكن انتي تحطينها في الطاوه على طول وتخلينها تستوي على نار هاديه
اولا البصل والثوم في الطاوه وبعد مايصفر نضيفله الكوسا والجزر وبعد ما تستوي اخر شي نضيف الفلافل الملونه
ولاحظو هنا مانبيها تستوي مره نبيها لينه بس علشان مايخرب شكلها اوكيه
على جنب نكون مسوين رز ابيض عادي انا اضيفله ماجي الرز الابيض تعطيه طعم خطير
الحين تجيبين صينيه بالشكل اللي تحبينه وتحطين الخضار فيها وتسوينها زي كذا
وبعدين تضيفين الرز وتسوينه
وبعدين تقلبينها في صحن التقديم
وبالهناء والعافيه على قلبكم