تبين تطيحين على ريلج ؟؟

هل لازم الكل يصير مثلها ابغى اعرف مين معاها ومن منو معاها وليش


موضوعي اليوم ..... مو تشيش ولا تحرض ....

لكن الشي ان زاد عن حده ينقلب ضده ..... وكثر الدق يفج اللحام ....

والثقة مطلوبه ولازم الواحد يكون واثق بنفسه والناس اللي يعرفهم ويحبهم ......

لكن ....هم الاحتياط واجب ولا بد منه ....

هذا الإيميل حقكم يا المتزوجات.. الغافلات ...العبيطات والمسبهات ...



إنتي زوجة وأم .... وربة المنزل ... الريال واللي اهوه زوجك واجب عليه انه يحترمج ويخلص لج ويحبج .... طبعا اذا كنتي الزوجة المطيعة الخلوقه الحبيبة .. لكن شنو محد أحسن من أحد ..



يا عزيزتي ....



بتقولين ريلي مسكين تلفونه ما يرن !!!

والا مسكين كلا معاي ما يطلع ...!!

أصلا انا مو مقصره معاه ليش يخوني .!!

واي ريلي مسويني يا دهينة لا تنكتين !!



أرد وأقولج ترى مو دليل طبيعة الرياييل عيونهم زايغة ...@@

بتقولين سويت وحطيت ... هم بخون عادي ...

قلب الزوجة يحس ... وعنده حاسة قويه وتقدر اتشم الخيانة وفي البعض يتحلم بعد بالخيانه.... لكن شنو القهر لما مو عارفة ولا قادره تصيد عليه شي ولا عندها الدليل ... L



يا حبايبي بتقولين انزين واذا طحت عليه شنو بتطلق وإلا شنو بسوي يعني ....!! وشنو الحل !! وشنو الفايدة !!



انا بقولج الفايدة بسيطه جدا ..... وانا شخصيا اتكلم عن نفسي ..... النفس عزيزة وأكيد ما أرضى أعيش بدون كرامة أو مغفلة أو طمبورطينه ....



شوفي تبين تتأكدين وإلا تبين تطيحين على ريلج ...؟؟؟



اتبعي الأرشادات التالية لتكوني شارلوك هولمز :



- لازم اتعرفين ربعه .. واللي دايما يطلع معاهم وأساميهم ... ومتى يكون عنده دوانية ومتى طلعه مع ربعه ... ولازم اتخصصون ايام لكم ...لازم تتفقون متى يرجع البيت وإذا بالدوانية اوكي لازم يطول وأشكثر ومتى بيرجع ... ولازم يلتزم في هالشي .. والدوانية اللي يروحلها أي منطقة ..



- طبعا اكيد تلفونه بكون جدامج وكذا مره يرن .. وتشوفين الأرقام .. وراح اتعرفين هذا رفيجه فلان وهذا علان .. واهوه يرد عليهم جدامج ..وأكيد يوريج مسجات ..... عادي يعني جذي تقولينله بشوف مسجاتك جذي عن حسن نيه .... اذا قال لاء وتخوف .. تأكدي عنده شي ... نصيحه بين فترة وفترة سوي جرد على تلفونه ...

يعني جيكي على المكالمات الصدرة والوارده ولم يرد عليها أحد ... اذا شكيتي في رقم وحسيتي غريب في تلفونه ... جيكي عليه وشوفي اذا مرأه أو ريال... وإذا انتبهتي ان القوائم ممسوحه .. عرفي هم إن السالفة فيها إن ..

دربالج يرن تلفونه وما يشيله يقولج ماله خلق فلان وعلان ...

وعاد ما يبيبله بعد ... إذا حاطه سايلنت واهوه قاعد .. اشكره ما يبيه يرن !!



- واحتمال... يمكن في جهاز وخط ثاني .. ترى درج السيارة يمدحونه J المهم عندج السياره سوي عليها مسح جيلوجي ..

تحري وتقصي عن الأرقام اللي باسم ريلج ..



- وانتي نسنعين وترتبين .. طحتي على فاتوره شي غريب .. شي احترتي فيه خشي يمكن يوصلج بعدين حق الخيط خخخخخ J حق الجريمة ...





- طبعا حتى سوالف المسلسلات والافلام تنفع ... شفتي أساس والا حمره عليه .. شعره طويلة ... عطر نسائي ..لماعي على ويها .. علامات على رقبته ..على جسمه ...



- طبعا لا تعطينه ويه أي حبيبي سافر مع ربعك استانس

... مصاخه ترى .. هاا!!

وبعدين اذا قالج انا بسافر ... اوكي عادي يسافر ...

بس كلا مبين بالجواز.. من ختم وفيز ..



- اكيد بتطلعين مع ريلج .. خلي ريلج على ريله .. شغل انتي دخلي المحل وانا بره .. والا انا بقعد بكفيه وانتي تمشي لاء بابا .. احنا نتسوق يميع ... واذا إنتي بالسوق لاحظتي ان طالع وحده عطي خزه بدون لا تتكلمين وطالعي البنت ... يعني ترى شفتك .. اهني اهوه راح يضيع الصقله ..



- اذا دقيتي كذا مره .. ولاحظتي ان ما يرد .. ناجري اشعندك ما ترد وينك بقول ما سمعته .. قوليله ان شاء الله ادق بعد اشوي وتقولي ما سمعته ... واذا خط ثاني فهمي يرد عليج ويقولج عندي خط ثاني اخلص واكلمج .. أو انه يسكر الخط الثاني ويرد يدق عليج ... لان انتي مرته ومهمة .. يعني اذا خط ثاني وايد ويطول بعد هم السالفة فيها إن ..



- اذا حسيتي ... إنه ما يتقرب منج وايد و بعد عنج عن قبل .. ولا يطلبج بالفراش .. إحتمال يكون عنده اكتفاء ومحصل هالشي بره كل شي جايز ..



- هذي اهم نقطة ... ريلج إذا مجابل النت 24 ....لا تقولينلي شغل مسكين !! . وإلا يكلم رفيجه بره ..!!

لا تقولين وييه انا ما اعرف شي بالكمبيوتر ولا ابي اتعلم حتى ..!! دام جذي خلج على عماج ... بالعكس دشي عالم النت وشوفي شنو اللي مخلي ريلج يجابله جذي ( بس مو تفشلينه تستانسين انتي على النت وتبدعين وكل شي ينقلب عليج السنع والتكانه مطلوبين) .....

لازم اتعرفين ايميله والباس وورد طبعا وشنو البرامج اللي يستخدمها.. بدون لا تحسسينه يعني عن حسن نيه عادي .. اهوه عاد إذا رفض بشككج فيه..

جيكي على الكمبيوتر ... لايسويلج افلام هذا كمبيوتري ولا تفتحينه .!!

ترى النت مترووووووووووس متزوجين .... الماسنجر والمنتديات والجات كلا يشهد ...



- إذا قالتلج فلانه جني شفت ريلج بالمكان الفلاني .. وإلا جني شفت سيارته .. لا تقولين لا مو معقوله ..!! تأكدي حزتها وين كان موجود .. يعني علشان تتطمنين ..

- اذا تكلم بالتلفون ولاحظتي بعد عنج وصوته واطي ... روحيله جنج تبين شي تطفرينه ... وحطي اذونج على التلفون سمعي الصوت ... J



- يعني إذا لاحظتي انه اهتم وايد بنفسه ... غير عن قبل .. وكل ساعه مضبط شي ... عادي يعني يكون لج .. بس يعني عاد انتي وحاستج ..



- شوفي إذا ريلج كلا مرزز بالمجمعات ... ومو قاعد يتسوق ... ولا قاعد بكفي ... شي يحر ويغث صراحة ... شنو شغل مراهقين...!!



- في احتمال كبير اذا كان يخونج وماخذ راحته أوي ... يناديج بأسم ثاني ... أو يكون حلمان وينطق أسم ... هم هالشي ممكن ..



- لازم اتعرفين رقم الدوام ... مو يقولج ماله سالفه تلفوني كلا وياي ... يعني سباحان الله تتطمنين اهوه ما يسمع الجهاز ... هم بعد بنفس الوقت تجيكين عليه ..



- يعني شغل يبات بره البيت والله راحت علي نومه بالدوانية .... وين قاعدين !! .. والا والله الدوام شغل ...!! علينا يالله اشوف دق علي من الدوام ...





- أما شغل ملاحق وجذي .... هاذي فيها قصت وي ... خصوصا اذا طاح عليج يعني J





بعدين يا عزيزتي ..... ترى قلبج دليلج ... وريلج اذا عنده شي ببين عليه .. لا تكونين غافله حيل .. ومن حسيتي ان بعيد على طول قلتي خل احمل ترى مو هذا الحل ..!!

اذا بيته ومرته وعياله ما فادوا يعني لو يبتي ياهل يديد بفيد ..!!



عموما الاشياء هاذي اللي قلتها ... مجرد أشياء تحرصين عليها وما تبيين حق ريال تسوينها عن حسن نيه وكأنه عادي بنفس الوقت ترتاحين أكثر ... علشان تحافظين على ريلج بأكبر قدر ممكن ... ولا تتركين مجال حق أي وحده تاخذه منج ... ولا تقولين شي و تتليقفين إلا لما تثبت التهمة ...



والحريم أنواع ... الي اتعصب وتروح بيت اهلها ... واللي تدق على البنت اللي يعرفها وتسفل فيها وتقولها وخري عن ريلي ... واللي تحاول تصلح الاشياء الناقصه .. وهكذا ..



يعني في رياييل مهدودين على راحتهم .. والحريم يا غافلين لكم الله ..!!

ما يصير صراحه ... مو عيشه هاذي ... والله في حريم يكسرون الخاطر ..!!



انا ما اقصد أشيش كل وحده على ريلها بس في رياييل ... مال طـــــــــق .. لا حمدا ولا شكورا... وفوق الشين قوات العين ....



يالله يا ربي يشوف فيكم يوم ..... كل اللي يخونون ... ويردكم حق حريمكم مذلولين آمين ...



اتمنى يوصل هالإيميل ... حق كل وحده غشيمه وما تدري شنو الطبخه ...



وأرد وأقول مو كل الرياييل ... والتوفيج للجميع ....

منقول
إلى اللقاء ...